ਹਲਵਾਰਾ, 24 ਫਰਵਰੀ (ਮਨਦੀਪ ਸਿੰਘ ਉੱਭੀ)-ਹਲਵਾਰਾ ਦੀ ਅਜਮੇਰੀ ਮਸਜ਼ਿਦ ਦੇ ਇਮਾਮ ਮੌਲਾਨਾ ਨਸਰੁੱਲਾ ਹੱਕ ਮਿਸਬਾਹੀ ਨੇ ਕਿਹਾ ਰਮਜਾਨ ਦਾ ਪਵਿੱਤਰ ਮਹੀਨਾ ਚੱਲ ਰਿਹਾ ਹੈ ਜੋ ਇਸਲਾਮ ਦੇ ਸਾਲ ਅਨੁਸਾਰ ਨੌਵਾਂ ਮਹੀਨਾ ਹੈ, ਕੁੱਲ 30 ਰੋਜ਼ੇ ਹਨ ਹੁਣ ਛੇਵਾਂ ਰੋਜ਼ਾ ਚੱਲ ਰਿਹਾ ਹੈ | ਮੁਸਲਮਾਨ ਰੋਜ਼ੇ ਪੂਰੀ ਅਕੀਦਤ ਨਾਲ ਰੱਖਦੇ ਹਨ ਅਤੇ ਇੰਨ੍ਹਾਂ ਰੋਜ਼ਿਆਂ ਵਿਚ ਇਕ ਰਾਤ ਦੀ ਨਮਾਜ਼ ਦਾ ਵਾਧਾ ਕੀਤਾ ਜਾਂਦਾ ਹੈ, ਜਿਸ ਨੂੰ ਨਵਾਜ਼-ਏ-ਤਰਾਵੀ ਕਿਹਾ ਜਾਂਦਾ ਹੈ | ਮੁਸਲਮਾਨ ਆਪਣੇ ਸਾਰੇ ਗੁਨਾਹਾਂ ਤੋਂ ਤੌਬਾ ਕਰਕੇ ਅੱਲ੍ਹਾ ਦੀ ਬੰਦਗੀ ਕਰਦੇ ਹਨ | ਹਜ਼ਰਤ ਮੁਹੰਮਦ ਨੇ ਇਹ ਵੀ ਕਿਹਾ ਜਿਸ ਨੇ ਰਮਜਾਨ ਦਾ ਰੋਜ਼ਾ ਰੱਖਿਆ ਉਸ ਦੇ ਹਦੂਦ ਨੂੰ ਪਛਾਣਿਆ ਉਸ ਦੇ ਗੁਨਾਹ ਮੁਆਫ਼ ਹੋ ਜਾਂਦੇ ਹਨ | ਰੋਜ਼ੇ ਰੱਖਣ ਨਾਲ ਗੁਨਾਹਾਂ ਦੀ ਮੁਆਫ਼ੀ ਦੇ ਕੇ ਰਹਿਮਤਾਂ ਦੀ ਬਖਸ਼ਿਸ਼ ਕੀਤੀ ਜਾਂਦੀ ਹੈ |
