ਰਾਏਕੋਟ/ਹਲਵਾਰਾ, 5 ਮਾਰਚ (ਬਲਵਿੰਦਰ ਸਿੰਘ ਲਿੱਤਰ/ਮਨਦੀਪ ਸਿੰਘ ਉੱਭੀ)-ਨਾਮਵਰ ਵਿੱਦਿਅਕ ਸੰਸਥਾ ਸ੍ਰੀ ਗੁਰੂ ਰਾਮਦਾਸ ਕਾਲਜ ਆਫ਼ ਐਜੂਕੇਸ਼ਨ ਹਲਵਾਰਾ ਵਿਖੇ ਸਾਲਾਨਾ ਖੇਡ ਮੇਲਾ-2026 ਬੜੇ ਜੋਸ਼ੋ-ਖਰੋਸ਼ਾ ਨਾਲ ਕਰਵਾਇਆ ਗਿਆ | ਇਸ ਖੇਡ ਮੇਲੇ ਦੀ ਸ਼ੁਰੂਆਤ ਮਾਰਚ ਪਾਸਟ ਨਾਲ ਹੋਈ | ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਰਣਜੀਤ ਸਿੰਘ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ ਅਤੇ ਵਿਦਿਆਰਥੀਆਂ ਨੂੰ ਖੇਡ ਭਾਵਨਾ ਨਾਲ ਖੇਡਣ ਅਤੇ ਅਨੁਸ਼ਾਸਨ ਬਣਾਈ ਰੱਖਣ ਲਈ ਪ੍ਰੇਰਿਤ ਕੀਤਾ | ਮੁਕਾਬਲਿਆਂ ਦੌਰਾਨ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲੈ ਕੇ ਆਪਣਾ ਵਧੀਆ ਪ੍ਰਦਰਸ਼ਨ ਦਿੱਤਾ | ਖੇਡ ਮੁਕਾਬਲਿਆਂ ਦੇ ਨਤੀਜਿਆਂ ਵਿਚ ਲੜਕੀਆਂ ਦੀ 100 ਤੇ 200 ਮੀਟਰ ਦੌੜ ਵਿਚ ਖੁਸ਼ਪ੍ਰੀਤ ਕੌਰ ਬੀ.ਸੀ.ਏ. ਭਾਗ-ਪਹਿਲਾਂ ਨੇ ਪਹਿਲਾ ਸਥਾਨ, ਜਸ਼ਨਪ੍ਰੀਤ ਕੌਰ ਬੀ.ਬੀ.ਏ. ਭਾਗ-ਪਹਿਲਾ ਨੇ ਦੂਜਾ ਤੇ ਪੁਨੀਤ ਕੌਰ ਬੀ.ਬੀ.ਏ. ਭਾਗ-ਪਹਿਲਾ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਸ਼ਾਟਪੁੱਟ (ਲੜਕਿਆਂ) ਦੇ ਵਰਗ ਵਿਚ ਸੁਖਪਾਲ ਸਿੰਘ ਬੀ.ਸੀ.ਏ. ਭਾਗ-ਤੀਜਾ ਨੇ ਪਹਿਲਾ, ਜਸਕਰਨ ਸਿੰਘ ਬੀ.ਐੱਡ. ਭਾਗ-ਪਹਿਲਾ ਨੇ ਦੂਜਾ ਤੇ ਸੁਖਪਾਲ ਸਿੰਘ ਡੀ.ਆਈ.ਈ. ਐੱਡ ਭਾਗ-ਦੂਜਾ ਨੇ ਤੀਜਾ ਸਥਾਨ, ਸ਼ਾਟਪੁੱਟ (ਲੜਕੀਆਂ) ਦੇ ਵਰਗ ਵਿਚ ਅਰਸ਼ਦੀਪ ਕੌਰ ਬੀ.ਬੀ.ਏ. ਭਾਗ-ਦੂਜਾ, ਸੋਨਮ ਈ.ਟੀ.ਟੀ. ਭਾਗ-ਪਹਿਲਾ, ਪ੍ਰਭਜੋਤ ਕੌਰ ਬੀ.ਸੀ.ਏ. ਭਾਗ-ਦੂਜਾ ਨੇ ਕ੍ਰਮਵਾਰ ਪਹਿਲਾ, ਦੂਜਾ ਤੇ ਤੀਜਾ ਸਥਾਨ ਹਾਸਲ ਕੀਤਾ | ਇਸੇ ਤਰ੍ਹਾਂ ਡਿਸਕਸ ਥ੍ਰੋ (ਲੜਕਿਆਂ) ਦੇ ਵਰਗ ਵਿਚ ਪਰਵਿੰਦਰ ਸਿੰਘ ਬੀ.ਐੱਡ ਭਾਗ-ਦੂਜਾ ਅਤੇ (ਲੜਕੀਆਂ) ਦੇ ਵਰਗ ਵਿਚ ਸਿਮਰਨਜੀਤ ਕੁਮਾਰੀ ਬੀ.ਸੀ.ਏ ਭਾਗ-ਪਹਿਲਾ ਜੇਤੂ ਬਣੇ | ਇਸ ਖੇਡ ਮੁਕਾਬਲਿਆਂ ਦੌਰਾਨ ਜਸਕਰਨ ਸਿੰਘ ਬੀਸੀਏ ਭਾਗ-ਦੂਜਾ ਨੂੰ ਲੜਕਿਆਂ ਦੇ ਵਰਗ ਅਤੇ ਜਸ਼ਨਪ੍ਰੀਤ ਕੌਰ ਬੀ.ਬੀ.ਏ. ਭਾਗ-ਪਹਿਲਾ ਨੂੰ ਲੜਕੀਆਂ ਦੇ ਗਰੁੱਪ ਵਿਚ ਸਰਵੋਤਮ ਐਥਲੀਟ ਵਜੋਂ ਚੁਣਿਆਂ ਗਿਆ | ਇਸ ਤੋਂ ਇਲਾਵਾ ਬੈਡਮਿੰਟਨ ਮੁਕਾਬਲੇ ਵਿਚ ਬੀ.ਐੱਡ ਭਾਗ-ਦੂਜਾ ਟੀਮ ਜੇਤੂ ਬਣੀ, ਜਦਕਿ ਵਾਲੀਬਾਲ ਵਿਚ ਈ.ਟੀ.ਟੀ ਕੋਰਸ ਦੀਆਂ ਲੜਕੀਆਂ ਨੇ ਬਾਜ਼ੀ ਮਾਰੀ | ਖੇਡ ਮੁਕਾਬਲਿਆਂ ਦੀ ਓਵਰਆਲ ਟਰਾਫ਼ੀ ਸਾਹਿਬਜ਼ਾਦਾ ਅਜੀਤ ਸਿੰਘ ਹਾਊਸ ਵਲੋਂ ਆਪਣੀ ਝੋਲੀ ਪਾਈ ਗਈ | ਇਸ ਮੌਕੇ ਜੇਤੂ ਖਿਡਾਰੀਆਂ ਨੂੰ ਮੈਡਲਾਂ ਤੇ ਸਰਟੀਫ਼ਿਕੇਟਾਂ ਨਾਲ ਸਨਮਾਨਿਤ ਕੀਤਾ ਗਿਆ |
