ਮੁੱਲਾਂਪੁਰ-ਦਾਖਾ, 14 ਮਈ (ਨਿਰਮਲ ਸਿੰਘ ਧਾਲੀਵਾਲ)-ਸੀ.ਬੀ.ਐੱਸ.ਈ. ਬੋਰਡ ਵਲੋਂ ਐਲਾਨੇ 12ਵੀਂ ਜਮਾਤ ਨਤੀਜੇ 'ਚ ਸੈਕਰਡ ਹਾਰਟ ਸੀਨੀਅਰ ਸੈਕੰਡਰੀ ਸਕੂਲ ਬੀ.ਆਰ.ਐੱਸ ਨਗਰ ਦੀ ਨਾਨ-ਮੈਡੀਕਲ ਵਿਦਿਆਰਥਣ ਅਨਾਹਤ ਕੌਰ ਧਾਲੀਵਾਲ ਨੇ 98.2 ਫੀਸਦੀ ਅੰਕ ਪ੍ਰਾਪਤ ਕਰਕੇ ਲੁਧਿਆਣਾ ਜ਼ਿਲ੍ਹੇ 'ਚੋਂ ਟੌਪ ਕੀਤਾ | ਅਨਾਹਤ ਕੌਰ ਦੇ ਪਿਤਾ ਸੁਖਦੇਵ ਸਿੰਘ ਧਾਲੀਵਾਲ ਅਨੁਸਾਰ ਉਨ੍ਹਾਂ ਦੀ ਬੇਟੀ ਪੜ੍ਹਨ 'ਚ ਸ਼ੁਰੂ ਤੋਂ ਹੀ ਹੁਸ਼ਿਆਰ ਸੀ | ਪਿੰਡ ਰੱਤੋਵਾਲ ਹਾਲ ਵਾਸੀ ਮੰਡੀ ਮੁੱਲਾਂਪੁਰ ਅਨਾਹਤ ਕੌਰ ਧਾਲੀਵਾਲ ਵਿਸ਼ਾਵਾਰ ਅੰਗਰੇਜ਼ੀ 100 ਅੰਕ, ਗਣਿਤ 97, ਕੈਮਿਸਟਰੀ 99, ਆਈ.ਪੀ ਵਿਸ਼ੇ ਵਿਚ ਵੀ 99 ਅੰਕ ਪ੍ਰਾਪਤ ਕੀਤੇ | ਸਕੂਲ ਪਿ੍ੰਸੀਪਲ ਬੀਨਾ ਮਾਈਕਲ ਵਲੋਂ ਸ਼ਾਨਦਾਰ ਅੰਕ ਲੈ ਕੇ ਪਾਸ ਹੋਣ ਵਾਲੀ ਅਨਾਹਤ ਕੌਰ ਨੂੰ ਵਧਾਈ ਦਿੱਤੀ |
