ਹੰਬੜਾਂ, 26 ਜੂਨ (ਮੇਜਰ ਹੰਬੜਾਂ)-ਮੁਹੰਮਦ ਮਦਿਆ ਮਸਜਦ ਗਰੀਨ ਪਾਰਕ ਹੰਬੜਾਂ ਦੇ ਪ੍ਰਬੰਧਕਾਂ ਤੇ ਮੁਸਲਮਾਨ ਭਾਈਚਾਰੇ ਵਲੋਂ ਹੰਬੜਾਂ ਵਿਖੇ ਮੁੱਲਾਂਪੁਰ ਮੁੱਖ ਮਾਰਗ ’ਤੇ ਸ਼ਹੀਦਾਂ ਦੇ ਸਿਰਤਾਜ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਠੰਢੇ-ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ। ਛਬੀਲ ਦਾ ਉਦਘਾਟਨ ਕਾਂਗਰਸ ਦੇ ਸੀਨੀਅਰ ਆਂਗੂ ਪ੍ਰਧਾਨ ਮਨਜੀਤ ਸਿੰਘ ਹੰਬੜਾਂ ਅਤੇ ਪੰਚਾਇਤ ਮੈਂਬਰ ਅਵਤਾਰ ਸਿੰਘ ਭੰਦੋਲ ਵਲੋਂ ਰੀਬਨ ਕੱਟਕੇ ਕੀਤਾ ਗਿਆ ਤੇ ਮੁਸਲਮਾਨ ਭਾਈਚਾਰੇ ਨਾਲ ਛਬੀਲ ਤੇ ਸੇਵਾ ਵਿਚ ਯੋਗਦਾਨ ਪਾਇਆ। ਪ੍ਰਧਾਨ ਹੰਬੜਾਂ ਨੇ ਕਿਹਾ ਕਿ ਮੁਸਲਮਾਨ ਭਾਈਚਾਰਕ ਵਲੋਂ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਦਿਹਾੜੇ ਸਮੇਂ ਸੰਗਤਾਂ ਨੂੰ ਠੰਢਾ-ਮਿੱਠਾ ਜਲ ਛਕਾਏ ਜਾਣ ਦੀ ਸੇਵਾ ਨਿਭਾਈ ਹੈ, ਜੋ ਕਿ ਉਨ੍ਹਾਂ ਦਾ ਨੇਕ ਉਪਰਾਲਾ ਹੈ ਕਿ ਗਰਮੀ ਦੇ ਸਮੇਂ ’ਚ ਸੰਗਤਾਂ ਲਈ ਠੰਢੇ-ਮਿੱਠ ਜਲ ਦੀ ਛਬੀਲ ਲਗਾਈ ਹੈ। ਇਸ ਸਮੇਂ ਸੇਵਾਦਾਰਾਂ ਵਿਚ ਮੁਹੰਮਦ ਮਹਿਫੂਜ ਮਿੰਟੂ, ਮੁਹੰਮਦ ਜੈਨੂਅਲ, ਮੁਹੰਮਦ ਸ਼ਾਨੇ ਆਲਮ, ਮੁਹੰਮਦ ਇਨਸ਼ਾਦ, ਬਿੱਟੂ ਸਿੱਧੂ, ਗੁਰਪ੍ਰੀਤ ਸਿੰਘ ਪੀਤਾ, ਮੁਹੰਮਦ ਇਮਤਿਹਾਜ, ਮੁਹੰਮਦ ਕੈਫ, ਮੁਹੰਮਦ ਅਲੀ ਰਾਜਾ, ਮੁਹੰਮਦ ਇਬਰਾਨ, ਮੁਹੰਮਦ ਮਹਿਮੂਦ, ਮੁਹੰਮਦ ਮੌਜੂਬ, ਮੁਹੰਮਦ ਮੁਮਤਾਜ, ਮੁਹੰਮਦ ਅਕਤਰ, ਮੁਹੰਮਦ ਰੋਹਤ ਸਮੇਤ ਹੋਰ ਸੇਵਾਦਾਰ ਵੀ ਮੌਜੂਦ ਸਨ।
