ਹੰਬੜਾਂ, 28 ਜੂਨ (ਮੇਜਰ ਹੰਬੜਾਂ)- ਸਿਹਤ ਵਿਭਾਗ ਵਲੋਂ ਪਲਸ ਪੋਲੀਓ ਮੁਹਿੰਮ ਤਹਿਤ 0 ਤੋਂ 5 ਸਾਲ ਤੱਕ ਬੱਚਿਆਂ ਨੂੰ ਪੋਲੀਓ ਬੂੰਦਾ ਪਿਲਾਉਣ ਲਈ ਬਲਾਕ ਸਿੱਧਵਾਂ ਬੇਟ ਦੇ ਅਧੀਨ ਪੈਂਦੇ ਸਰਕਾਰੀ ਹਸਪਤਾਲ ਹੰਬੜਾਂ ’ਚ ਐੱਸ.ਐੱਮ.ਓ ਡਾ. ਮਨਦੀਪ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਪੋਲੀਓ ਬੂੰਦਾ ਪਿਲਾਏ ਜਾਣ ਲਈ ਹੈੱਲਥ ਐਂਡ ਵੈੱਲਨੈੱਸ ਸੈਂਟਰ ਹੰਬੜਾਂ, ਬੱਸ ਸਟੈਂਡ ਹੰਬੜਾਂ, ਪੰਚਾਇਤ ਘਰ ਹੰਬੜਾਂ ’ਚ ਪੋਲੀਓ ਬੂਥ ਬਣਾਏ ਗਏ, ਉੱਥੇ ਪੋਲੀਓ ਬੂੰਦਾ ਪਿਲਉਣ ਲਈ ਮੋਬਾਇਲ ਟੀਮ ਲਗਾਈ ਗਈ ਤੇ ਸਬ ਸੈਂਟਰ ਵਲੀਪੁਰ ਕਲਾਂ ’ਚ 9 ਬੂਥਾਂ ਤੇ 9 ਟੀਮਾਂ ਪੋਲੀਓ ਬੂੰਦਾ ਪਲਾਉਣ ’ਚ ਲਗਾਈਆਂ ਗਈਆਂ। ਪਲਸ ਪੋਲੀਓ ਬੂੰਦਾ ਪਿਲਾਉਣ ’ਚ ਸੁਪਵੀਜਨ ਕਰ ਰਹੇ ਡਾ. ਮੋਹਿਤ ਖੁਰਾਣਾ ਵੱਲੋਂ ਹੈੱਲਥ ਐਂਡ ਵੈੱਲਨੈੱਸ ਸੈਂਟਰ ਹੰਬੜਾਂ ਵਿਖੇ ਬੱਚੇ ਨੂੰ ਪੋਲੀਓ ਬੂੰਦਾ ਪਿਲਾ ਕੇ ਪਲਸ ਪੋਲੀਓ ਮੁਹਿੰਮ ਦਾ ੳੇਦਘਾਟਨ ਕੀਤਾ ਗਿਆ। ਡਾ. ਖੁਰਾਣਾ ਨੇ ਦੱਸਿਆ ਕਿ ਹੰਬੜਾਂ ’ਚ 6 ਬੂਥਾਂ ਤੇ 14 ਟੀਮਾਂ ਪੋਲੀਓ ਬੂੰਦਾ ਪਿਲਾਉਣ ’ਚ ਲੱਗਾਈਆਂ ਗਈਆਂ ਤੇ ਹੰਬੜਾਂ ਤੇ ਵਲੀਪੁਰ ਕਲਾਂ ’ਚ ਕੁੱਲ 23 ਟੀਮਾਂ ਵੱਲੋਂ 590 ਬੱਚਿਆਂ ਨੂੰ ਪੋਲੀਓ ਬੂੰਦਾ ਪਿਾਲਾਈਆਂ ਗਈਆਂ। ਇਸ ਮੌਕੇ ਸਬ ਸੈਂਟਰ ਵਲੀਪੁਰ ’ਚ ਏ.ਐੱਨ.ਐੱਮ ਸਰਬਜੀਤ ਕੌਰ ਚੰਗਣ ਸਮੇਤ ਹੰਬੜਾਂ ’ਚ ਏ.ਐੱਨ.ਐੱਮ ਨਰਿੰਦਰਪਾਲ ਕੌਰ ਚੰਗਣ, ਸੁਖਵਿੰਦਰ ਕੌਰ ਆਸ਼ਾ ਫੇਸਲੀਟੇਟਰ, ਆਸ਼ਾ ਵਰਕਰ ਵੰਧਨ, ਐੱਲ.ਐੱਚ.ਵੀ ਕਰਮਜੀਤ ਕੌਰ, ਹਰਪ੍ਰੀਤ ਕੌਰ ਆਸ਼ਾਂ ਵਰਕਰ, ਚਰਨਜੀਤ ਕੌਰ, ਪਰਮਜੀਤ ਕੌਰ, ਆਸ਼ਾ ਵਰਕਰ ਜੋਗਿੰਦਰ ਕੌਰ ਵਲੀਪੁਰ ਕਲਾਂ, ਐੱਲ.ਐੱਚ.ਵੀ ਕਰਮਜੀਤ ਕੌਰ ਆਦਿ ਮੌਜੂਦ ਸਨ।
