ਘੁੰਮਣਾਂ, 3 ਜਨਵਰੀ (ਮਹਿੰਦਰਪਾਲ ਸਿੰਘ)-ਪਿੰਡ ਮੇਹਲੀਆਣਾਂ ਤੋਂ ਫਰਾਲਾ ਨੂੰ ਜਾਂਦੀ ਸੜਕ 'ਚ ਡੂੰਘੇ ਟੋਏ ਪਏ ਹੋਏ ਹਨ, ਪੱਥਰ ਨਿੱਕਲ ਚੁੱਕਾ ਹੈ | ਮੇਹਲੀਆਣਾਂ ਤੋਂ ਬੰਗਾ ਜਾਣ ਵਾਲੀਆਂ ਬੱਸਾਂ ਤੇ ਹੋਰ ਰਾਹਗੀਰ ਜਦ ਇਸ ਸੜਕ ਤੋਂ ਲੰਘਦੇ ਹਨ ਤਾਂ ਸੜਕ ਟੁੱਟੀ ਹੋਣ ਕਰਕੇ ਆਵਾਜਾਈ 'ਚ ਦਿੱਕਤ ਆਉਦੀ ਹੈ | ਉਪਰੋਂ ਧੁੰਦਾਂ ਦਾ ਮੌਸਮ ਹੈ ਕਈ ਸੜਕ ਦੁਰਘਟਨਾਵਾਂ ਵਾਪਰਦੀਆਂ ਹਨ | ਸ਼ਹਿਰ ਨੂੰ ਜਾਣ ਲਈ ਕਈ ਘੰਟੇ ਲੱਗਦੇ ਹਨ ਵਾਹਨਾਂ ਦੀ ਵੀ ਭੰਨ-ਤੋੜ ਹੁੰਦੀ ਹੈ | ਸੜਕਾਂ ਦੀ ਇੰਨੀ ਹਾਲਤ ਖਰਾਬ ਹੈ ਕਿ ਕਿਸੇ ਇੱਕ ਪਾਸੇ ਦੀ ਹੋ ਕੇ ਵੀ ਲੰਘਣਾਂ ਮੁਸ਼ਕਿਲ ਹੈ | ਗੰਨੇ ਦਾ ਸੀਜਨ ਹੋਣ ਕਰਕੇ ਵੀ ਕਿਸਾਨ ਪ੍ਰੇਸ਼ਾਨ ਹਨ ਡੂੰਘੇ ਖੱਡੇ ਹੋਣ ਕਰਕੇ ਗੰਨੇ ਦੀਆਂ ਭਰੀਆਂ ਟਰਾਲੀਆਂ ਪਲਟ ਜਾਂਦੀਆਂ ਹਨ | ਸਰਕਾਰ ਸੜਕਾਂ ਬਣਾਉਣ ਵੱਲ ਧਿਆਨ ਦੇਵੇ |
