ਰੱਤੇਵਾਲ, 3 ਜਨਵਰੀ (ਅਸ਼ੋਕ ਕੁਮਾਰ ਲੀਲ)-ਨਵੇਂ ਸਾਲ ਦੀ ਸ਼ੁੱਭ ਆਮਦ ਮੌਕੇ ਕੁਟੀਆ ਪੰਚਵਰਟੀ ਧਾਮ ਗੋਲੂ ਮਾਜਰਾ 'ਚ ਸਤਿਗੁਰ ਗਰੀਬ ਦਾਸ ਜੀ ਦੀ ਅੰਮਿ੍ਤ ਬਾਣੀ ਦਾ ਭੋਗ ਸ਼ਰਧਾ ਅਤੇ ਭਾਵਨਾ ਸਹਿਤ ਪਾਇਆ ਗਿਆ | ਇਸ ਪਾਵਨ ਸਮਾਗਮ ਦੌਰਾਨ ਵੇਦਾਂਤ ਅਚਾਰੀਆ ਚੇਤਨਾ ਨੰਦ ਭੂਰੀ ਵਾਲੇ ਮਹਾਰਾਜ ਦੀ ਪ੍ਰੇਰਨਾ ਅਨੁਸਾਰ ਮੰਗਲਾ ਚਰਨ ਕਰਕੇ ਮਨੁੱਖਤਾ ਦੀ ਸੇਵਾ ਦੇ ਉਦੇਸ਼ ਨਾਲ ਪੀ.ਜੀ.ਆਈ ਚੰਡੀਗੜ੍ਹ ਲਈ ਲੰਗਰ ਵਾਲੀ ਗੱਡੀ ਨੂੰ ਭੇਜਿਆ ਗਿਆ | ਇਸ ਉਤਸਵ ਵਿੱਚ ਭਗਤ ਸਤਨਾਮ, ਭਗਤ ਤਰਸੇਮ ਲਾਲ, ਡਾ. ਪਰਮਜੀਤ ਕੋਹਲੀ, ਰਾਮਜੀ ਦਾਸ ਕੋਹਲੀ, ਬਿਹਾਰੀ ਲਾਲ, ਸਾਬਕਾ ਸਰਪੰਚ ਸ਼ੀਲਾ ਦੇਵੀ (ਮਲੇਵਾਲ ਕੋਹਲੀ), ਸੱਤਿਆ ਦੇਵੀ, ਸਾਬਕਾ ਸਰਪੰਚ ਨੀਲਮ ਰਾਣੀ (ਟੁੰਡੇਵਾਲ), ਆਸ਼ਾ ਰਾਣੀ, ਊਸ਼ਾ ਕਿਰਨ, ਸਾਬਕਾ ਸਰਪੰਚ ਬਲਰਾਮ ਬਜਾੜ (ਬਾਗੋਵਾਲ), ਮਮਤਾ, ਬੱਬੂ, ਰੇਖਾ ਰਾਣੀ ਅਤੇ ਸਰਪੰਚ (ਗੋਲੂਮਾਜਰਾ) ਸਮੇਤ ਸੈਂਕੜੇ ਦੀ ਤਦਾਦ ਵਿੱਚ ਸਾਰੀਆਂ ਸੰਗਤਾਂ ਨੇ ਹਾਜ਼ਰੀ ਭਰ ਕੇ ਵੇਦਾਂਤ ਅਚਾਰੀਆ ਚੇਤਨਾ ਨੰਦ ਮਹਾਰਾਜ ਭੂਰੀ ਵਾਲਿਆਂ ਦੇ ਦਰਸ਼ਨ ਕੀਤੇ ਅਤੇ ਵਿਚਾਰ ਸ੍ਰਵਣ ਕੀਤੇ ਅਤੇ ਗੁਰੂ ਚਰਨਾਂ ਵਿੱਚ ਨਤਮਸਤਕ ਹੋਏ | ਸਮਾਗਮ ਦੌਰਾਨ ਸੰਗਤਾਂ ਨੇ ਇਕੱਠੇ ਹੋ ਕੇ ਨਵੇਂ ਸਾਲ ਦੀਆਂ ਮੁਬਾਰਕਾਂ ਸਾਂਝੀਆਂ ਕੀਤੀਆਂ ਅਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ |
