ਬੰਗਾ, 30 ਜਨਵਰੀ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਭਾਰਤੀਆ ਅੰਬੇਡਕਰ ਮਿਸ਼ਨ ਭਾਰਤ ਵੱਲੋਂ ਸਮਾਜ ਸੇਵਾ ਨੂੰ ਸਮਰਪਿਤ ਸਖ਼ਸੀਅਤ ਮੈਡਮ ਬਲਦੀਸ਼ ਕੌਰ ਬੰਗਾ ਨੂੰ ਪੰਜਾਬ ਦੇ ਵਾਈਸ ਪ੍ਰਧਾਨ ਨਿਯੁਕਤ ਕੀਤਾ ਗਿਆ | ਇਸ ਸੰਸਥਾ ਦੇ ਕੌਮੀ ਪ੍ਰਧਾਨ ਦਰਸ਼ਨ ਕੰਗੜਾ, ਮੁੱਖ ਸਰਪ੍ਰਸਤ ਮੈਡਮ ਪੂਨਮ ਕੰਗੜਾ ਵੱਲੋਂ ਜੋ ਸਾਲ 2026 ਦੀ ਲਿਸਟ ਜਾਰੀ ਕੀਤੀ ਗਈ ਹੈ ਜਿਸ ਵਿਚ ਮੈਡਮ ਬਲਦੀਸ਼ ਕੌਰ ਬੰਗਾ ਨੂੰ ਪੰਜਾਬ ਦੇ ਵਾਈਸ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ | ਜਿਕਰਯੋਗ ਹੈ ਕਿ ਮੈਡਮ ਬਲਦੀਸ਼ ਕੌਰ ਬੰਗਾ ਇਸ ਤੋਂ ਪਹਿਲਾਂ ਸੇਵਾ ਸੋਸਾਇਟੀ ਬੰਗਾ ਦੇ ਫਾਉਂਡਰ ਚੇਅਰਪਰਸਨ ਵੀ ਹਨ | ਮੈਡਮ ਬੰਗਾ ਨੇ ਇਸ ਅਹੁਦੇ ਲਈ ਭਾਰਤੀਆ ਅੰਬੇਡਕਰ ਮਿਸ਼ਨ ਭਾਰਤ ਦੇ ਕੌਮੀ ਪ੍ਰਧਾਨ ਦਰਸ਼ਨ ਕੰਗੜਾ ਤੇ ਮੈਡਮ ਪੂਨਮ ਕੰਗੜਾ ਦਾ ਧੰਨਵਾਦ ਕੀਤਾ | ਮੈਡਮ ਬਲਦੀਸ਼ ਕੌਰ ਬੰਗਾ ਨੂੰ ਇਸ ਸਬੰਧੀ ਮੁਬਾਰਕਬਾਦ ਦੇਣ ਵਾਲਿਆਂ 'ਚ ਸਤਨਾਮ ਸਿੰਘ ਖਟਕੜ ਸਰਪ੍ਰਸਤ ਸੇਵਾ ਸੁਸਾਇਟੀ ਬੰਗਾ, ਪ੍ਰਧਾਨ ਸੁਰਿੰਦਰ ਸਿੰਘ ਖਟਕੜ, ਗੁਰਵਿੰਦਰਪਲ ਸਿੰਘ ਬੰਗਾ, ਵਿਕਾਸ ਪਾਹਵਾ, ਭੁਪਿੰਦਰ ਸਿੰਘ ਝਿੱਕਾ, ਰਾਜ ਕੁਮਾਰ ਖਾਨਖਾਨਾ, ਮੈਡਮ ਚੰਦਰ ਕਾਂਤਾ, ਡਾ: ਰਮੇਸ਼ ਕਪਿਲ ਖਾਨ ਖਾਨਾ, ਮੈਡਮ ਰੁਪਿੰਦਰ ਕੌਰ ਸ਼ਾਮਿਲ ਸਨ |
