18-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-02-2026

ਰਾਜ ਮਾਰਗ 'ਚ ਪਏ ਟੋਏ ਤੇ ਬਰਮਾਂ 'ਚ ਖੜ੍ਹੇ ਨੜੇ ਬਣ ਰਹੇ ਨੇ ਹਾਦਸਿਆਂ ਦਾ ਕਾਰਨ

Ad Position 21
No active advertisement
ਅਜੀਤ ਡੈਸਕ 05-02-2026
ਮਜਾਰੀ/ਸਾਹਿਬਾ, 4 ਫਰਵਰੀ (ਨਿਰਮਲਜੀਤ ਸਿੰਘ ਚਾਹਲ)-ਬਲਾਚੌਰ-ਗੜ੍ਹਸ਼ੰਕਰ ਰਾਜ ਮਾਰਗ 'ਚ ਥਾਂ-ਥਾਂ ਪਏ ਹੋਏ ਡੂੰਘੇ ਟੋਏ ਤੇ ਬਰਮਾ 'ਚ ਖੜੇ ਨੜੇ ਨਿੱਤ ਹਾਦਸਿਆਂ ਦਾ ਕਾਰਨ ਬਣ ਰਹੇ ਹਨ | ਜਦੋਂ ਦਾ ਇਸ ਮਾਰਗ 'ਤੇ ਲੱਗਾ ਟੋਲ ਪਲਾਜ਼ਾ ਬੰਦ ਹੋਇਆ, ਉਸ ਤੋਂ ਬਾਅਦ ਇਸ ਰਾਜ ਮਾਰਗ ਦੀ ਸੰਬੰਧਿਤ ਮਹਿਕਮੇ ਵਲੋਂ ਸਾਰ ਹੀ ਨਹੀ ਲਈ ਗਈ | ਹੁਣ ਇਸ ਵਿਚ ਪਏ ਛੋਟੇ ਟੋਏ ਵੀ ਵੱਡੇ ਤੇ ਡੰੂਘੇ ਬਣਦੇ ਜਾ ਰਹੇ ਹਨ | ਕੁਝ ਟੋਇਆਂ ਦਾ ਦੂਰ ਤੋਂ ਪਤਾ ਨਹੀਂ ਲੱਗਦਾ | ਤੇਜ਼ ਰਫਤਾਰ ਜਾਂਦੇ ਵਾਹਨ ਇਨਾਂ ਟੋਇਆਂ ਵਿਚ ਵੱਜ ਕੇ ਬੁਰੀ ਤਰ੍ਹਾਂ ਨਾਲ ਨੁਕਸਾਨੇ ਜਾ ਰਹੇ ਹਨ | ਬੰਦ ਪਏ ਟੋਲ ਪਲਾਜ਼ੇ ਵਾਲੀ ਖਾਲੀ ਪਈ ਥਾਂ ਅਤੇ ਇਸ ਦੇ ਦੋਵੇਂ ਪਾਸੇ ਕਈ ਖਤਰਨਾਕ ਟੋਏ ਬਣੇ ਹੋਏ ਹਨ | ਇਸੇ ਤਰ੍ਹਾਂ ਰੁੜਕੀ ਕਲਾਂ ਪੈਟਰੋਲ ਪੰਪ ਦੇ ਸਾਹਮਣੇ ਸੜਕ ਵਿਚਕਾਰ ਇਕ ਕਾਫੀ ਲੰਮਾ ਤੇ ਚੌੜਾ ਟੋਇਆ ਬਣ ਚੁੱਕਾ ਹੈ | ਕੁਝ ਸਮਾਂ ਪਹਿਲਾਂ ਇਸ ਮਾਰਗ ਦੇ ਕੁਝ ਟੋਏ ਪੀ.ਡਬਲਿਊ.ਡੀ ਵਿਭਾਗ ਵਲੋਂ ਚਲਮੇ ਜਿਹੇ ਠੀਕ ਕੀਤੇ ਗਏ ਹਨ, ਜੋ ਮੁੜ ਕੁਝ ਸਮੇਂ ਬਾਅਦ ਹੀ ਪਹਿਲਾਂ ਨਾਲੋਂ ਵੱਡੇ ਬਣ ਗਏ | ਇਹ ਵੱਡੇ ਟੋਏ ਕਿਸੇ ਵੀ ਸਮੇਂ ਕਿਸੇ ਵੱਡੇ ਹਾਦਸੇ ਦਾ ਕਰਨ ਬਣ ਸਕਦੇ ਹਨ | ਇਸ ਮਾਰਗ ਦੇ ਬਰਮ ਤਾਂ ਬਿਲਕੁੱਲ ਖਤਮ ਹੋ ਚੁੱਕੇ ਹਨ | ਲੋਕਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਇਨ੍ਹਾਂ ਟੋਇਆਂ ਤੇ ਬਰਮਾਂ ਦੀ ਸਫਾਈ ਕਰਵਾ ਕੇ ਸੜਕ ਨੂੰ ਸਹੀ ਢੰਗ ਨਾਲ ਠੀਕ ਕੀਤਾ ਜਾਵੇ |
Ad Position 22
No active advertisement
ਪਿਛਲੀ ਖ਼ਬਰ ਅਟਾਲ ਮਜਾਰਾ ਸਕੂਲ ਦੇ ਕਮਰੇ ਤੇ ਵਰਾਂਡੇ ਦੀ ਹਾਲਤ ਹੋਈ ਨਾਜ਼ੁਕ ਅਗਲੀ ਖ਼ਬਰ ਸ਼ਹਿਬਾਜ਼ਪੁਰ ਵਿਖੇ ਮੁਫਤ ਆਯੁਰਵੈਦਿਕ ਅਤੇ ਹੋਮਿਓਪੈਥਿਕ ਕੈਂਪ ਲਗਾਇਆ
Ad Position 24