ਜਾਡਲਾ, 21 ਫਰਵਰੀ (ਸੁਰਿੰਦਰ ਦੁੱਗਲ)-ਸਕਾਲਰਜ਼ ਪਬਲਿਕ ਸਕੂਲ ਜਾਡਲਾ ਦੇ ਕਿੰਡਰਗਾਰਟਨ ਵਿੰਗ ਵਲੋਂ ਸਕੂਲ ਦੇ ਐਮ.ਡੀ ਗਗਨ ਰਾਣਾ ਅਤੇ ਪਿ੍ੰਸੀਪਲ ਮਧੂ ਐਰੀ ਦੀ ਅਗਵਾਈ ਹੇਠ 'ਸਿੱਖਣ ਦਾ ਆਨੰਦ' ਅਧੀਨ ਪ੍ਰਦਰਸ਼ਨੀ ਲਗਾਈ ਗਈ | ਪ੍ਰਦਰਸ਼ਨੀ ਦਾ ਉਦਘਾਟਨ ਕਿ੍ਤਿਕਾ ਗੋਇਲ ਐਸ.ਡੀ.ਐਮ ਬਲਾਚੌਰ ਨੇ ਕੀਤਾ | ਉਨ੍ਹਾਂ ਨੌਜਵਾਨ ਸਿਖਿਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਪ੍ਰਯੋਗਾਤਮਕ ਅਤੇ ਗਤੀਵਿਧੀ ਅਧਾਰਤ ਸਿੱਖਿਆ ਸੰਬੰਧਿਤ ਸਕੂਲ ਦੀ ਸ਼ਲਾਘਾ ਕੀਤੀ, ਇਸ ਮੌਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਪ੍ਰਾਰਥਨਾ ਨਾਲ ਹੋਈ | ਉਪਰੰਤ ਕਿੰਡਰਗਾਰਟਨ ਦੇ ਵਿਦਿਆਰਥੀਆਂ ਦੁਆਰਾ ਇਕ ਰੰਗੀਨ ਸਵਾਗਤ ਨਾਚ ਕੀਤਾ ਗਿਆ | ਮੁੱਖ ਮਹਿਮਾਨ ਨੇ ਹੋਰ ਸਾਰੇ ਪਤਵੰਤਿਆਂ ਦੇ ਨਾਲ ਸਾਰੇ ਸਟਾਲਾਂ ਦਾ ਦੌਰਾ ਕੀਤਾ | ਵਿਦਿਆਰਥੀਆਂ ਵਲੋਂ ਵਿਸ਼ਵਾਸ ਨਾਲ ਆਪਣੇ ਪ੍ਰੋਜੈਕਟਾਂ ਦੀ ਵਿਆਖਿਆ ਕੀਤੀ ਗਈ | ਇਸ ਮੌਕੇ ਇਕ ਪ੍ਰਭਾਵਸ਼ਾਲੀ ਰੋਬੋਟਿਕ ਪ੍ਰਦਰਸ਼ਨੀ ਵੀ ਦਿਖਾਈ ਗਈ, ਜਿੱਥੇ ਰੋਬੋਟਿਕ ਆਰਮ, ਡਰੋਨ, ਵਰਕਿੰਗ ਐਲੀਵੇਟਰ 3 ਡੀ.ਪੈਨ, 3 ਡੀ.ਪਿ੍ੰਟਰ, ਫਾਇਰ ਡਿਟੈਕਸ਼ਨ ਵਰਗੀਆਂ ਨਵੀਨਤਾਵਾਂ ਸ਼ਾਮਿਲ ਸਨ | ਮੈਨੇਜਿੰਗ ਡਾਇਰੈਕਟਰ ਰਾਣਾ ਗਗਨ ਸਿੰਘ ਅਤੇ ਪਿ੍ੰਸੀਪਲ ਮਧੂ ਐਰੀ ਵਲੋਂ ਮੁੱਖ ਮਹਿਮਾਨ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ |
