ਕਾਠਗੜ੍ਹ, 6 ਅਪ੍ਰੈਲ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਪਿੰਡ ਸੁੱਧਾਮਾਜਰਾ ਦੇ ਕੋਲ ਐਕਸੀਡੈਂਟ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਐੱਸ. ਐੱਸ. ਐੱਫ. ਟੀਮ ਦੇ ਇੰਚਾਰਜ ਏ. ਅੱੈਸ. ਆਈ. ਪ੍ਰਵੀਨ ਕੁਮਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰਾਹਗੀਰ ਤੋਂ ਸੂਚਨਾ ਪ੍ਰਾਪਤ ਹੋਈ ਕਿ ਐਕਸੀਡੈਂਟ ਹੋ ਗਿਆ ਹੈ, ਉਨ੍ਹਾਂ ਨੇ ਤੁਰੰਤ ਜਾ ਕੇ ਦੇਖਿਆ ਕਿ ਇੱਕ ਮੋਟਰਸਾਈਕਲ ਪੀ.ਬੀ 12 ਏ.ਐੱਫ. 5807 ਜਿਸ ਨੂੰ ਹੁਸਨਦੀਪ ਸਿੰਘ ਪੁੱਤਰ ਪਰਗਟ ਸਿੰਘ ਵਾਸੀ ਰੋਪੜ ਚਲਾ ਰਿਹਾ ਸੀ | ਉਸ ਦੇ ਨਾਲ ਉਸ ਦਾ ਇੱਕ ਦੋਸਤ ਕਰਨ ਧੀਮਾਨ ਮੋਟਰਸਾਈਕਲ ਦੇ ਪਿਛੇ ਬੈਠਾ ਸੀ, ਜੋ ਬਲਾਚੌਰ ਤੋਂ ਰੋਪੜ ਜਾ ਰਹੇ ਸਨ | ਜਦੋਂ ਇਹ ਸੁੱਧਾਮਾਜਰਾ ਦੇ ਕੱਟ ਕੋਲ ਪਹੁੰਚੇ ਤਾਂ ਪਿੰਡ ਸੁੱਧਾਮਾਜਰਾ ਦੀ ਲਿੰਕ ਸਾਇਡ ਤੋਂ ਇੱਕ ਮੋਟਰਸਾਈਕਲ ਪੀ.ਬੀ 10 ਐੱਫ.ਜੀ. 2845 ਜਿਸ ਨੂੰ ਸ਼ਮਸ਼ੇਰ ਸਿੰਘ ਪੁੱਤਰ ਨਿਰਪਾਲ ਸਿੰਘ ਵਾਸੀ ਪਿੰਡ ਸੁੱਧਾਮਾਜਰਾ ਚਲਾ ਰਿਹਾ ਸੀ ਉਸ ਦੇ ਮਗਰ ਉਸ ਦੀ ਪਤਨੀ ਨਛੱਤਰ ਕੌਰ ਬੈਠੀ ਸੀ | ਜਦੋਂ ਇਹ ਮੋਟਰਸਾਈਕਲ ਕੱਟ 'ਤੇ ਪਹੁੰਚੀਆਂ ਤਾਂ ਦੋਨਾਂ ਮੋਟਰਸਾਈਕਲਾਂ ਦੀ ਟੱਕਰ ਹੋ ਗਈ, ਜਿਸ ਨਾਲ ਦੋਨਾਂ ਮੋਟਰਸਾਈਕਲ 'ਤੇ ਸਵਾਰ 4 ਜ਼ਖਮੀ ਹੋ ਗਏ, ਜਿਨ੍ਹਾਂ ਨੂੰ ਨੈਸ਼ਨਲ ਹਾਈਵੇ ਅਥਾਰਟੀ ਦੀ ਐਬੂਲੈਂਸ ਰਾਹੀਂ ਬਲਾਚੌਰ ਦੇ ਸਰਕਾਰੀ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ |
