ਸੜੋਆ ਬਲਾਕ ਦੇ ਆੜ੍ਹਤੀਆਂ ਵਲੋਂ 27 ਦੀ ਹੜਤਾਲ ਦਾ ਸਮਰਥਨ

ਅ

ਅਜੀਤ ਡੈਸਕ 26-04-2026

ਮਜਾਰੀ/ਸਾਹਿਬਾ, 25 ਅਪ੍ਰੈਲ (ਨਿਰਮਲਜੀਤ ਸਿੰਘ ਚਾਹਲ)-ਖੇਤੀਬਾੜੀ ਇਨਪੁੱਟਸ ਦੇ ਵਿਪਾਰੀਆਂ ਦੀ ਦੇਸ਼ ਵਿਆਪੀ ਹੜਤਾਲ ਦੇ ਸਮਰਥਨ ਵਿਚ ਬਲਾਕ ਸੜੋਆ ਦੇ ਆੜ੍ਹਤੀਆਂ ਵਲੋਂ ਪਿੰਡ ਬਕਾਪੁਰ ਵਿਖੇ ਮੀਟਿੰਗ ਕਰਕੇ ਸਮਰਥਨ ਦੇਣ ਦਾ ਐਲਾਨ ਕੀਤਾ ਹੈ | ਇਸ ਬਾਰੇ ਬਲਾਕ ਸੜੋਆ ਐਸੋਸੀਏਸ਼ਨ ਦੇ ਪ੍ਰਧਾਨ ਜਸਵੰਤ ਸਿੰਘ ਭੱਠਲ ਨੇ ਦੱਸਿਆ ਕਿ ਕੇਂਦਰ ਸਰਕਾਰ ਵਲੋਂ ਲੰਮੇ ਸਮੇਂ ਤੋਂ ਸਾਡੀਆਂ ਲਟਕਦੀਆਂ ਮੰਗਾਂ ਨਹੀਂ ਮੰਨੀਆਂ ਜਾ ਰਹੀਆਂ | ਖੇਤੀਬਾੜੀ ਇਨਪੁੱਟਸ ਨਾਲ ਸੰਬੰਧਿਤ ਅਦਾਰਿਆਂ ਦਾ ਦੇਸ਼ ਦੀ ਆਰਥਿਕਤਾ ਵਿਚ ਸਦਾ ਉਸਾਰੂ ਯੋਗਦਾਨ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਕੀਟਨਾਸ਼ਕ ਦੇ ਭਰੇ ਜਾਂਦੇ ਸੈਂਪਲ ਦੇ ਗੈਰ ਮਿਆਰੀ ਪਾਏ ਜਾਣ ਦੀ ਹਾਲਤ 'ਚ ਵਿਕਰੇਤਾ ਦਾ ਕੋਈ ਵੀ ਯੋਗਦਾਨ ਨਹੀਂ ਹੁੰਦਾ | ਗੈਰ ਮਿਆਰੀ ਪਾਏ ਜਾਣ ਦੀ ਜ਼ਿੰਮੇਵਾਰੀ ਸਿਰਫ਼ ਕੀਟ ਨਾਸ਼ਕ ਨਿਰਮਾਤਾ ਕੰਪਨੀ ਤੇ ਫ਼ੈਕਟਰੀ ਮਾਲਕ ਦੀ ਹੁੰਦੀ ਹੈ, ਕੀਟਨਾਸ਼ਕ ਵਿਕਰੇਤਾ ਨੂੰ ਇਸ ਤੋਂ ਛੋਟ ਦੇਣ ਦੀ ਮੰਗ ਕੀਤੀ ਹੈ | ਉਨ੍ਹਾਂ ਕਿਹਾ ਕਿ ਉਹ ਕਿਸਾਨਾਂ ਨੂੰ ਖੇਤੀਬਾੜੀ ਸਬੰਧੀ ਸਹੀ ਸਮਗਰੀ ਦੇਣ ਲਈ ਬਚਨਬੱਧ ਹਨ | ਇਸ ਮੌਕੇ ਬਲਵੀਰ ਸਿੰਘ ਠਾਕੁਰ, ਦੀਪਕ ਚਣਕੋਆ, ਰਿੰਕੂ, ਬਲਵੀਰ ਭਾਟੀਆ ਖੁਰਦਾਂ, ਤਰਸੇਮ ਸਿੰਘ ਸੜੋਆ, ਜਰਨੈਲ ਸਿੰਘ ਮਜਾਰੀ, ਪਰਮਿੰਦਰ ਸਿੰਘ ਬਛੌੜੀ, ਮੱਖਣ ਸਿੰਘ ਸੜੋਆ, ਰਾਜ ਕੁਮਾਰ ਮਜਾਰੀ, ਗੁਰਨੇਕ ਸਿੰਘ ਸਾਹਦੜਾ, ਗੁਰਨਾਮ ਸਿੰਘ ਮਜਾਰੀ, ਅਸ਼ਵਨੀ ਕੁਮਾਰ ਸਜਾਵਲਪੁਰ, ਮਨਜੀਤ ਸਿੰਘ ਬਛੌੜੀ ਆਦਿ ਹਾਜ਼ਰ ਸਨ |

ਪਿਛਲੀ ਖ਼ਬਰ ਭੁੱਲੇਵਾਲ ਰਾਠਾਂ ਵਲੋਂ ਪਨਾਮ ਸਮੇਤ ਕਈ ਪਿੰਡਾਂ ਦੀਆਂ ਮੰਡੀਆਂ ਦਾ ਦੌਰਾ ਅਗਲੀ ਖ਼ਬਰ ਸਰਕਾਰੀ ਸਕੂਲ ਦੇ ਅਧਿਆਪਕਾਂ ਦੀ ਵਿੱਦਿਅਕ ਯੋਗਤਾ ਅਤੇ ਕਾਬਲੀਅਤ ਦਾ ਕੋਈ ਮੁਕਾਬਲਾ ਨਹੀਂ- ਵਿਧਾਇਕ ਘੁੰਮਣ

ਸੜੋਆ ਬਲਾਕ ਦੇ ਆੜ੍ਹਤੀਆਂ ਵਲੋਂ 27 ਦੀ ਹੜਤਾਲ ਦਾ ਸਮਰਥਨ

ਸੰਬੰਧਿਤ ਖ਼ਬਰਾਂ