ਬਹਿਰਾਮ, 5 ਮਈ (ਨਛੱਤਰ ਸਿੰਘ ਬਹਿਰਾਮ)-ਖੁਆਜਾ ਮੰਦਰ ਬਹਿਰਾਮ ਵਿਖੇ ਸਾਲਾਨਾ ਜੋੜ ਮੇਲੇ ਸੰਬੰਧੀ ਪ੍ਰਬੰਧਕਾਂ ਵਲੋਂ ਮੀਟਿੰਗ ਕੀਤੀ ਗਈ ਤੇ ਉਨ੍ਹਾਂ ਦੱਸਿਆ ਕਿ 20-21 ਮਈ ਨੂੰ 12ਵਾਂ ਸਾਲਾਨਾ ਜੋੜ ਮੇਲਾ ਮਨਾਇਆ ਜਾਵੇਗਾ | ਜਿਸ ਵਿਚ 20 ਮਈ ਨੂੰ ਸੂਫੀ ਕਵਾਲ ਪਾਰਟੀ ਮਲੇਰਕੋਟਲਾ ਪ੍ਰੋਗਰਾਮ ਪੇਸ਼ ਕਰਨਗੇ ਅਤੇ 21 ਨੂੰ ਭੰਡਾਰੇ ਉਪਰੰਤ ਨਾਮਵਰ ਕਲਾਕਾਰ ਹਾਜ਼ਰੀਆਂ ਭਰਨਗੇ ਅਤੇ ਖੁਆਜਾ ਬਲੀ ਨੂੰ ਸਮਰਪਿਤ ਭਜਨ ਸੁਣਾ ਕੇ ਸੰਗਤਾਂ ਨੂੰ ਨਿਹਾਲ ਕਰਨਗੇ | ਇਸ ਮੌਕੇ ਹਰਪ੍ਰੀਤ ਡਾਹਰੀ, ਸੁਖਵਿੰਦਰ ਸਿੰਘ ਘੋਨਾ ਸਾਬਕਾ ਪੰਚ, ਅਮਰਜੀਤ ਸਿੰਘ, ਬਲਜਿੰਦਰ ਸਿੰਘ, ਰਮੇਸ਼ ਕੁਮਾਰ, ਬੱਬੂ ਬਹਿਰਾਮ, ਗਗਨਦੀਪ, ਗੁਰਵੀਰ ਡਾਹਰੀ, ਹੰਸ ਰਾਜ, ਬੁੱਧ ਰਾਮ ਜੱਖੂ, ਤੇਜਿੰਦਰ ਸਿੰਘ, ਰਾਮ ਲਾਲ, ਆਦਿ ਹਾਜ਼ਰ ਸਨ |
