ਨਵਾਂਸ਼ਹਿਰ, 10 ਮਈ (ਦੀਦਾਰ ਸਿੰਘ ਸ਼ੇਤਰਾ)-ਮਨੁੱਖੀ ਸਰੀਰਾਂ ਵਿਚ ਖੂਨ ਨਾ ਬਣਨ ਦੀ ਕਮੀ ਨੂੰ ਥੈਲੇਸੀਮੀਆ ਪੀੜਤ ਆਖਿਆ ਜਾਂਦਾ ਹੈ | ਬਲੱਡ ਡੋਨਰਜ਼ ਕੌਂਸਲ ਵਲੋਂ ਅਜਿਹੇ ਲੋੜਵੰਦਾਂ ਨੂੰ ਪਹਿਲ ਦੇ ਅਧਾਰ 'ਤੇ ਬਗੈਰ ਟੈਸਟ-ਚਾਰਜਿਜ਼ ਬਲੱਡ ਜਾਰੀ ਕੀਤਾ ਜਾਂਦਾ ਆ ਰਿਹਾ ਹੈ | ਸੰਸਥਾ ਦੇ ਮੁੱਖ ਦੁਆਰ 'ਤੇ ਹੋਈ ਇਕੱਤਰਤਾ 'ਚ ਇਹ ਪ੍ਰਣ ਲਿਆ ਗਿਆ ਕਿ ਬੀ. ਡੀ. ਸੀ. ਵਲੋਂ ਪਹਿਲਾਂ ਦੀ ਤਰ੍ਹਾਂ ਥੈਲੇਸੀਮੀਆ ਪੀੜਤਾਂ ਦੀ ਬਲੱਡ ਯੂਨਿਟ ਸੇਵਾ ਤੇ ਸਹਿਯੋਗ ਜਾਰੀ ਰਹੇਗਾ | ਸੰਸਥਾ ਵਲੋਂ ਸਕੱਤਰ ਜੇ. ਐਸ. ਗਿੱਦਾ, ਵਿੱਤ ਸਕੱਤਰ ਪ੍ਰਵੇਸ਼ ਕੁਮਾਰ ਤੇ ਬੀ. ਟੀ. ਓ. ਡਾ. ਅਜੇ ਬੱਗਾ ਨੇ ਥੈਲੇਸੀਮੀਆ ਬਾਰੇ ਵੇਰਵੇ ਸਹਿਤ ਜਾਣਕਾਰੀ ਸਾਂਝੀ ਕੀਤੀ | ਉਨ੍ਹਾਂ ਕਿਹਾ ਕਿ ਇਸ ਕਮੀ ਤੋਂ ਪੀੜਤ ਵਿਅਕਤੀਆਂ ਦੀ ਮਾਨਸਿਕ ਸ਼ਕਤੀ ਬਹੁਤ ਜ਼ਰੂਰੀ ਹੈ | ਇਸ ਤਰ੍ਹਾਂ ਦੇ ਵਿਅਕਤੀਆਂ ਨੂੰ ਯੋਗਾ ਕਸਰਤ ਉਤਸ਼ਾਹਜਨਕ ਸਥਿਤੀ ਪ੍ਰਦਾਨ ਕਰਦੀ ਹੈ | ਇਸ ਮੌਕੇ ਜੇ. ਐਸ. ਗਿੱਦਾ, ਪ੍ਰਵੇਸ਼ ਕੁਮਾਰ, ਡਾ. ਅਜੇ ਬੱਗਾ, ਯੁਵਰਾਜ ਕਾਲੀਆ, ਮੈਨੇਜਰ ਮਨਮੀਤ ਸਿੰਘ, ਮਲਕੀਅਤ ਸਿੰਘ ਸੜੋਆ, ਰਾਜੀਵ ਭਾਰਦਵਾਜ, ਅਸ਼ੀਸ਼ ਕੁਮਾਰ, ਮੁਕੇਸ਼ ਕਾਹਮਾ, ਨਰਿੰਦਰਪਾਲ ਤੂਰ, ਜਤਿੰਦਰ ਸਿੰਘ, ਨੇਹਾ ਕੌਸ਼ਲ, ਸੰਤੋਸ਼ ਕੁਮਾਰੀ, ਗੁਰਪ੍ਰੀਤ ਕੌਰ, ਦਰੁਨ, ਬਲਜਿੰਦਰ ਕੌਰ, ਧਰਮਪ੍ਰੀਤ ਸਿੰਘ, ਬਬਨੀਤ ਸਿੰਘ ਤੇ ਦੂਸਰਾ ਸਾਰਾ ਸਟਾਫ਼ ਵੀ ਹਾਜ਼ਰ ਸੀ | ਇਸ ਸਮੇਂ ਸੰਸਥਾ ਵਲੋਂ ਸਭ ਨੂੰ ਫਲ ਵੀ ਭੇਟ ਕੀਤੇ |
