ਬੰਗਾ, 31 ਮਈ (ਕਰਮ ਲਧਾਣਾ)-ਨਗਰ ਕੌਂਸਲ ਦੀਆਂ ਚੋਣਾਂ 'ਚ ਬੰਗਾ ਦੇ ਵਾਰਡ ਨੰਬਰ 12 ਦੇ ਜੇਤੂ ਉਮੀਦਵਾਰ ਸ. ਮਨਜੀਤ ਸਿੰਘ ਬੱਬਲ ਸਪੁੱਤਰ ਸੁਖਵੀਰ ਸਿੰਘ ਨੂੰ ਮਿਲੀ ਸ਼ਾਨਦਾਰ ਜਿੱਤ ਦੀ ਖੁਸ਼ੀ ਵਿਚ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ | ਇਸ ਸਨਮਾਨ ਸਮਾਗਮ ਦੀ ਅਗਵਾਈ ਟਕਸਾਲੀ ਅਕਾਲੀ ਆਗੂ ਜਥੇ. ਕੁਲਵਿੰਦਰ ਸਿੰਘ ਲਾਡੀ ਹੋਰਾਂ ਕੀਤੀ | ਐਮ. ਸੀ. ਮਨਜੀਤ ਸਿੰਘ ਬੱਬਲ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਵਜੋਂ ਚੋਣ ਲੜੇ ਤੇ ਪਾਰਟੀ ਦੀ ਝੋਲੀ ਵਿਚ ਜਿੱਤ ਭਰੀ ਕਾਮਯਾਬੀ ਪਾਈ | ਸਮਾਜ ਸੇਵਾ ਨੂੰ ਸਮਰਪਿਤ ਸ਼ਖ਼ਸੀਅਤ ਮਨਜੀਤ ਸਿੰਘ ਬੱਬਲ ਦੇ ਸਨਮਾਨ ਸਮੇਂ ਜਥੇ. ਕੁਲਵਿੰਦਰ ਸਿੰਘ ਲਾਡੀ ਤੋਂ ਇਲਾਵਾ ਗੁਰਪ੍ਰੀਤ ਸਿੰਘ ਗੋਪੀ, ਜਸਵਿੰਦਰ ਸਿੰਘ ਸ਼ੁਕਾਰ, ਕਰਨਵੀਰ ਸਿੰਘ ਬੱਲੂ, ਅਮਰਜੀਤ ਸਿੰਘ ਖਟਕੜ, ਹਰਮੇਸ਼ ਸਿੰਘ ਲਾਲੀ, ਅਮਨ ਸਿੰਘ, ਪਿ੍ੰ. ਹਰਭਜਨ ਸਿੰਘ ਬਿੱਲਾ, ਪਰਮਜੀਤ ਸਿੰਘ ਜੌਹਰ ਤੇ ਗੁਰਮਿੰਦਰ ਸਿੰਘ ਆਦਿ ਹਾਜ਼ਰ ਸਨ |
