ਨਵਾਂਸ਼ਹਿਰ, 29 ਜੁਲਾਈ (ਹਰਮਿੰਦਰ ਸਿੰਘ ਪਿੰਟੂ)- ਆਸ਼ਾ ਵਰਕਰਜ ਫਸੀਲੀਟੇਟਰ ਯੂਨੀਅਨ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਵਫਦ ਨੇ ਅਮਰਜੀਤ ਕੌਰ ਹੰਸਰੋਂ ਪ੍ਰਧਾਨ ਤੇ ਸੈਕਟਰੀ ਕਮਲਜੀਤ ਕੌਰ ਦੀ ਅਗਵਾਈ ਵਿੱਚ ਸਿਵਲ ਸਰਜਨ ਨੂੰ ਮੰਗ ਪੱਤਰ ਦਿੱਤਾ ਅਤੇ ਦੱਸਿਆ ਕਿ 4, 5, 6 ਅਗਸਤ ਨੂੰ ਪ੍ਰਿਆਸ ਭਵਨ ਚੰਡੀਗੜ੍ਹ ਵਿਖੇ ਆਸ਼ਾ ਵਰਕਰ ਤੇ ਆਸ਼ਾ ਫਸੀਲੀਟੇਟਰ ਯੂਨੀਅਨ ਵੱਲੋਂ ਧਰਨਾ ਦਿੱਤਾ ਜਾ ਰਿਹਾ ਹੈ, ਜਿਸ ਕਰਕੇ 4, 5, 6 ਅਗਸਤ ਨੂੰ ਸਾਡੀ ਮੁਕੰਮਲ ਤੌਰ ‘ਤੇ ਹੜਤਾਲ ਰਹੇਗੀ ਜਿਸ ਕਰਕੇ ਸਾਡੀ ਕਿਸੇ ਵੀ ਲੜਕੀ ਨੇ ਕੰਮ ਨਹੀਂ ਕਰਨਾ ਅਤੇ ਟੀਕਾਕਰਨ ਪ੍ਰੋਗਰਾਮ ਵਾਲੇ ਦਿਨ ਅਤੇ ਨਾ ਹੀ ਵੈਕਸੀਨ ਲਿਆਉਣੀ ਹੈ, ਇਸ ਸਬੰਧੀ ਬਲਾਕ ਮੁਜਫਰਪੁਰ, ਸੜੋਆ ਤੇ ਮੁਕੰਦਪੁਰ ਦੇ ਐਸ.ਐਮ.ਓ ਨੂੰ ਹੜਤਾਲ ਸਬੰਧੀ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਮੌਕੇ ਪ੍ਰਧਾਨ ਅਮਰਜੀਤ ਕੌਰ ਹੰਸਰੋਂ, ਸੈਕਟਰੀ ਕਮਲਜੀਤ ਕੌਰ, ਅਮਰਜੀਤ ਕੌਰ ਸੜੋਆ, ਮਨਜੀਤ ਕੌਰ, ਸੁਨੰਦਾ, ਜੈਸਮੀਨ, ਪਰਮਜੀਤ ਕੌਰ, ਬਲਜੀਤ ਕੌਰ ਆਦਿ ਹਾਜ਼ਰ ਸਨ।
