ਰੋਪੜ ਫਗਵਾੜਾ ਨੈਸ਼ਨਲ ਹਾਈਵੇ ’ਤੇ ਰੱਕੜਾਂ ਬੇਟ ਨਜ਼ਦੀਕ ਦੋ ਕਾਰਾਂ ਦੀ ਟੱਕਰ

ਹ

ਹਾਦਸੇ ਵਿਚ ਨੁਕਸਾਨੀਆਂ ਕਾਰਾਂ। 15-09-2026

ਰੱਤੇਵਾਲ, 14 ਸਤੰਬਰ (ਅਸ਼ੋਕ ਕੁਮਾਰ ਲੀਲ)-ਰੋਪੜ ਫਗਵਾੜਾ ਨੈਸ਼ਨਲ ਹਾਈਵੇ ’ਤੇ ਪਿੰਡ ਰੱਕੜਾਂ ਬੇਟ ਦੇ ਰਮਨ ਤੇ ਰਾਜਨ ਢਾਬੇ ਨਜ਼ਦੀਕ ਦੋ ਕਾਰਾਂ ਦੀ ਆਪਸੀ ਭਿਆਨਕ ਟੱਕਰ ਹੋ ਗਈ, ਜਿਸ ਵਿਚ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ। ਸੂਚਨਾ ਮਿਲਦੇ ਸਾਰ ਐਸ. ਐਸ. ਐਫ. ਟੀਮ ਦੇ ਇੰਚਾਰਜ ਏ. ਐਸ. ਆਈ ਪ੍ਰਵੀਨ ਕੁਮਾਰ ਨੇ ਆਪਣੀ ਪੁਲਿਸ ਪਾਰਟੀ ਸਮੇਤ ਮੌਕੇ ’ਤੇ ਦੇਖਿਆ ਕਿ ਇਕ ਸਵਿਫਟ ਕਾਰ ਪੀ. ਬੀ 32 ਐਨ 7774, ਜਿਸ ਨੂੰ ਕਿ ਰਣਜੀਤ ਕੌਰ ਪੁੱਤਰੀ ਬਲਵੀਰ ਸਿੰਘ, ਵਾਸੀ ਮੁਜ਼ਫਰਪੁਰ ਚਲਾ ਰਹੇ ਸੀ ਜੋ ਕਿ ਰੋਪੜ ਤੋਂ ਬਲਾਚੌਰ ਸਾਈਡ ਜਾ ਰਹੇ ਸੀ ਤੇ ਪਿੰਡ ਰੱਕੜਾਂ ਬੇਟ ਦੇ ਰਮਨ ਢਾਬੇ ਦੇ ਨਜ਼ਦੀਕ ਇਕ ਇਟਿਓਸ ਕਾਰ ਪੀ. ਬੀ 32 ਜ਼ੈਡ 3700 ਜਿਸ ਨੂੰ ਹਰੀ ਰਾਮ ਪੁੱਤਰ ਟਹਿਲ ਰਾਮ ਵਾਸੀ ਸਜਾਵਲਪੁਰ (ਨਵਾਂਸ਼ਹਿਰ) ਚਲਾ ਰਿਹਾ ਸੀ ਅਤੇ ਉਸ ਨਾਲ ਉਨ੍ਹਾਂ ਦੀ ਪਤਨੀ ਸਵਾਰ ਸੀ, ਜੋ ਕਿ ਰੋਡ ਕ੍ਰਾਸ ਕਰਨ ਲਈ ਰੋਡ ’ਤੇ ਚੜ੍ਹਿਆ ਤੇ ਸਵਿਫਟ ਕਾਰ ਨਾਲ ਟਕਰਾ। ਜਿਸ ਵਿਚ ਉਨ੍ਹਾਂ ਦੀ ਪਤਨੀ ਨੂੰ ਹਲਕੀਆਂ ਸੱਟਾਂ ਲੱਗੀਆਂ ਜਿਸ ਨੂੰ ਕਿ 108 ਐਂਬੁਲੈਂਸ ਦੀ ਮਦਦ ਨਾਲ ਸਿਵਲ ਹਸਪਤਾਲ ਬਲਾਚੌਰ ਦਾਖਲ ਕਰਵਾਇਆ। ਗੱਡੀਆਂ ਨੂੰ ਰੋਡ ਤੋਂ ਪਾਸੇ ਕਰਵਾ ਕੇ ਆਵਾਜਾਈ ਬਹਾਲ ਕੀਤੀ ਗਈ। ਐਕਸੀਡੈਂਟ ਦੀ ਸੂਚਨਾ ਥਾਣਾ ਸਦਰ ਬਲਾਚੌਰ ਦੇ ਡਿਊਟੀ ਅਫ਼ਸਰ ਏ. ਐਸ. ਆਈ. ਲਖਵੀਰ ਸਿੰਘ ਨੂੰ ਬੁਲਾ ਕੇ ਕੇਸ ਉਨ੍ਹਾਂ ਹਵਾਲੇ ਕੀਤਾ ਗਿਆ।

ਪਿਛਲੀ ਖ਼ਬਰ ਸ਼ਹੀਦ ਭਗਤ ਸਿੰਘ ਦੇ ਜਨਮ ਦਿਵਸ ਮੌਕੇ ਖਟਕੜ ਕਲਾਂ ਵਿਖੇ ਹੋਵੇਗਾ ਰਾਜ ਪੱਧਰੀ ਸਮਾਗਮ ਅਗਲੀ ਖ਼ਬਰ ਰੱਕੜਾਂ ਢਾਹਾ ਦਾ ਛਿੰਝ ਮੇਲਾ ਸ਼ਾਨੌ-ਸ਼ੋਕਤ ਨਾਲ ਸਮਾਪਤ

ਰੋਪੜ ਫਗਵਾੜਾ ਨੈਸ਼ਨਲ ਹਾਈਵੇ ’ਤੇ ਰੱਕੜਾਂ ਬੇਟ ਨਜ਼ਦੀਕ ਦੋ ਕਾਰਾਂ ਦੀ ਟੱਕਰ

ਸੰਬੰਧਿਤ ਖ਼ਬਰਾਂ