ਅਮਲੋਹ, 9 ਮਈ (ਕੇਵਲ ਸਿੰਘ)-ਪੰਜਾਬੀ ਸਾਹਿਤ ਸਭਾ ਅਮਲੋਹ ਦੀ ਮਹੀਨਾਵਾਰ ਮੀਟਿੰਗ ਪਰਮਜੀਤ ਬਿੱਟੂ ਰਾਈਆਂ ਦੀ ਪ੍ਰਧਾਨਗੀ ਹੇਠ ਪਿੰਕ ਰੋਜ਼ ਪਬਲਿਕ ਸਕੂਲ ਵਿਖੇ ਹੋਈ | ਇਸ ਮੌਕੇ ਗੀਤਕਾਰ ਚੰਨ ਗੁਰਾਇਆ ਵਾਲਾ ਦੀ ਮੌਤ 'ਤੇ ਗਹਿਰੇ ਦੁੱਖ ਦਾ ਇਜ਼ਹਾਰ ਕੀਤਾ ਗਿਆ ਅਤੇ ਦੋ ਮਿੰਟ ਦਾ ਮੌਨ ਧਾਰ ਕੇ ਸ਼ਰਧਾਂਜਲੀ ਦਿੱਤੀ ਗਈ, ਉਪਰੰਤ ਰਚਨਾਵਾਂ ਦੇ ਦੌਰ ਵਿਚ ਸੱਤਪਾਲ ਸਿੰਘ ਅਮਲੋਹ ਨੇ ਬੜੀ ਭਾਵਪੂਰਤ ਕਹਾਣੀ, ਜ਼ੋਰਾ ਸਿੰਘ ਗਰੇਵਾਲ ਨੇ ਹਾਸਰਸ ਰਚਨਾ, ਮੇਹਰ ਸਿੰਘ ਰਾਈਏਵਾਲ, ਗੁਰਪ੍ਰੀਤ ਵੜੈਚ ਨੇ ਮਜ਼ਦੂਰ ਦਿਵਸ ਨੂੰ ਸਮਰਪਿਤ ਨੇ ਗੀਤ, ਅਵਤਾਰ ਬੰਟੀ, ਭੁਪਿੰਦਰ ਭੂਰੀ ਅਤੇ ਪ੍ਰਗਟ ਚੰਨ ਨੇ ਗੀਤ ਪੇਸ਼ ਕੀਤਾ | ਅੰਤ ਵਿਚ ਪਰਮਜੀਤ ਬਿੱਟੂ ਨੇ ਸਾਰੇ ਸਾਹਿਤਕਾਰਾਂ ਦਾ ਧੰਨਵਾਦ ਕੀਤਾ, ਸਾਰੀਆਂ ਰਚਨਾਵਾਂ ਨੂੰ ਸੁਣਨ ਉਪਰੰਤ ਉਸਾਰੂ ਸੁਝਾਅ ਦਿੱਤੇ ਗਏ, ਸਟੇਜ ਦੀ ਭੂਮਿਕਾ ਮੇਹਰ ਸਿੰਘ ਰਾਈਏਵਾਲ ਨੇ ਬਾਖ਼ੂਬੀ ਨਿਭਾਈ |
