ਖਮਾਣੋਂ, 13 ਜੂਨ (ਮਨਮੋਹਣ ਸਿੰਘ ਕਲੇਰ)-ਕਿਸਾਨ ਆਗੂ ਮੋਹਣ ਸਿੰਘ ਸੈਦਪੁਰਾ ਨੇ ਅਮਲੋਹ ਖੰਡ ਮਿਲ ਵਲੋਂ ਕਿਸਾਨਾਂ ਦੀ ਅਦਾਇਗੀ ਤੁਰੰਤ ਕੀਤੇ ਜਾਣ ਦੀ ਮੰਗ ਕੀਤੀ ਹੈ | ਉਨ੍ਹਾਂ ਦੱਸਿਆ ਕਿ ਉਕਤ ਮਿੱਲ ਕੋਲ ਕਿਸਾਨਾਂ ਨੇ ਆਪਣੇ ਗੰਨੇ ਦੀ ਪਿੜਾਈ ਲਈ ਸਾਲ 2025-26 ਸੀਜ਼ਨ ਦਾ ਆਪਣਾ ਗੰਨਾ ਉਕਤ ਮਿੱਲ ਨੂੰ ਵੇਚਿਆ ਸੀ ਪ੍ਰੰਤੂ ਹੁਣ ਕਈ ਮਹੀਨੇ ਬੀਤ ਜਾਣ 'ਤੇ ਵੀ ਮਿੱਲ ਪ੍ਰਬੰਧਕਾਂ ਵਲੋਂ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫ਼ਸਲ ਦੀ ਅਦਾਇਗੀ ਨਹੀਂ ਕੀਤੀ ਗਈ | ਜਿਸ ਨਾਲ ਕਿਸਾਨਾਂ ਨੂੰ ਕਈ ਤਰ੍ਹਾਂ ਦੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਕਈ ਕਿਸਾਨਾਂ ਨੇ ਇਸ ਪੈਸੇ ਨਾਲ ਨਵੀਂ ਫ਼ਸਲ ਦੀ ਬਿਜਾਈ ਲਈ ਰੇਅ-ਪੱਤ, ਮਜ਼ਦੂਰੀ, ਡੀਜ਼ਲ ਆਦਿ ਤੇ ਖ਼ਰਚ ਕਰਨੇ ਹਨ | ਇਸ ਤੋਂ ਬਿਨਾਂ ਚਕੋਤੇ 'ਤੇ ਜ਼ਮੀਨਾਂ ਲੈਣ ਵਾਲੇ ਕਿਸਾਨਾਂ ਨੇ ਵੀ ਜ਼ਮੀਨ ਮਾਲਕਾਂ ਨੂੰ ਪੈਸੇ ਦੇਣੇ ਹਨ ਜਿਹੜੀ ਕਿ ਗੰਨੇ ਦੀ ਅਦਾਇਗੀ ਨਾ ਹੋਣ ਕਰਕੇ ਰੁਕੇ ਹੋਏ ਹਨ | ਉਨ੍ਹਾਂ ਮਿੱਲ ਪ੍ਰਬੰਧਕਾਂ ਤੋਂ ਕਿਸਾਨਾਂ ਨੂੰ ਗੰਨੇ ਦੀ ਤੁਰੰਤ ਅਦਾਇਗੀ ਕਰਵਾਏ ਜਾਣ ਦੀ ਸਥਾਨਕ ਪ੍ਰਸ਼ਾਸਨ ਕੋਲੋਂ ਮੰਗ ਕੀਤੀ ਹੈ ਤਾਂ ਜੋ ਕਿਸਾਨਾਂ ਨੂੰ ਜ਼ਰੂਰੀ ਖ਼ਰਚ ਕਰਨ 'ਚ ਪ੍ਰੇਸ਼ਾਨੀ ਨਾ
