ਬਟਾਲਾ, 2 ਫਰਵਰੀ (ਸਤਿੰਦਰ ਸਿੰਘ)-ਕੇਂਦਰੀ ਬਜਟ 2026-27 ਹਰ ਵਰਗ ਲਈ ਲਾਭਦਾਇਕ ਹੈ | ਕੇਂਦਰ ਸਰਕਾਰ ਨੇ ਪੰਜਾਬ ਨੂੰ ਵਿਕਾਸ ਤੇ ਸਮੂਹਿਕ ਸਕੀਮਾਂ ਲਈ 1.4 ਲੱਖ ਕਰੋੜ ਦਾ ਅਲਾਟ ਕੀਤਾ ਹੈ, ਜਿਸ ਨਾਲ ਉਦਯੋਗ, ਬੁਨਿਆਦੀ ਢਾਂਚੇ ਤੇ ਰੁਜ਼ਗਾਰ ਨੂੰ ਨਵਾਂ ਹੁੰਗਾਰਾ ਮਿਲੇਗਾ | ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਉੱਘੇ ਸਮਾਜ ਸੇਵੀ ਤੇ ਭਾਜਪਾ ਟਰੇਡ ਸੈੱਲ ਗੁਰਦਾਸਪੁਰ ਦੇ ਕਨਵੀਨਰ ਵਿਜੇ ਕੁਮਾਰ ਸੋਨੀ ਮੋਹਲੋਵਾਲੀ ਨੇ ਸਾਥੀਆਂ ਸਮੇਤ ਕੀਤਾ | ਕਾਰੋਬਾਰੀ ਵਿਜੇ ਸੋਨੀ ਨੇ ਕਿਹਾ ਕਿ ਬਜਟ ਨੇ ਐਮ.ਐਸ.ਐਮ.ਈ. ਅਤੇ ਕੌਸ਼ਲ ਵਿਕਾਸ ਖੇਤਰਾਂ ਵਿਚ ਨਵੀਆਂ ਨੀਤੀਆਂ ਰਾਹੀਂ ਪੰਜਾਬ ਦੇ ਉਤਪਾਦਨ ਅਤੇ ਵਪਾਰ ਮਜ਼ਬੂਤ ਕੀਤਾ ਹੈ |
