ਕਲਾਨੌਰ, 8 ਅਪ੍ਰੈਲ (ਪੁਰੇਵਾਲ)- ਭਾਰਤੀ ਜਨਤਾ ਪਾਰਟੀ ਦੇ ਜ਼ਿਲ੍ਹਾ ਆਗੂ ਵਲੋਂ ਬਲਾਕ ਦੇ ਇਕ ਪਿੰਡ 'ਚ ਈਸਟਰ ਸਮਾਗਮ 'ਚ ਸ਼ਿਰਕਤ ਕਰਨ ਲਈ ਪਹੁੰਚਣ 'ਤੇ ਗਲੀਆਂ 'ਚ ਗੰਦਗੀ ਦੀ ਸਮੱਸਿਆ ਦਾ ਮੌਕੇ 'ਤੇ ਹੱਲ ਕਰਵਾਉਂਦਿਆਂ ਸਫਾਈ ਕਾਰਜਾਂ ਲਈ ਮਾਲੀ ਮਦਦ ਦਿੱਤੀ ਗਈ | ਕਲਾਨੌਰ ਬਲਾਕ ਦੇ ਪਿੰਡ ਬਰੀਲਾ ਕਲਾਂ ਵਿਖੇ ਈਸਟਰ ਸਮਾਗਮਾਂ ਦੀ ਖੁਸ਼ੀ ਨੂੰ ਭਾਈਚਾਰੇ ਨਾਲ ਸਾਂਝੀ ਕਰਨ ਲਈ ਭਾਜਪਾ ਦੇ ਸੀਨੀਅਰ ਆਗੂ ਤੇ ਟੇ੍ਰਡ ਸੈੱਲ ਭਾਜਪਾ ਦੇ ਜ਼ਿਲ੍ਹਾ ਕੋਆਰਡੀਨੇਟਰ ਸ੍ਰੀ ਵਿਜੇ ਕੁਮਾਰ ਸੋਨੀ ਮੋਹਲੋਵਾਲੀ ਵਲੋਂ ਸ਼ਿਰਕਤ ਕੀਤੀ ਗਈ | ਇਸ ਦੌਰਾਨ ਪ੍ਰਧਾਨ ਮੰਗਾ ਮਸੀਹ ਦੀ ਅਗਵਾਈ 'ਚ ਸ੍ਰੀ ਸੋਨੀ ਮੋਹਲੋਵਾਲੀ ਦਾ ਨਿੱਘਾ ਸਵਾਗਤ ਕੀਤਾ ਗਿਆ | ਇਸ ਮੌਕੇ ਪ੍ਰਧਾਨ ਮੰਗਾ ਮਸੀਹ, ਗੁਲਜਾਰ ਮਸੀਹ, ਕਰਮਾ ਮਸੀਹ, ਕੰਵਲਜੀਤ ਸਿੰਘ, ਪ੍ਰੀਤਮ ਮਸੀਹ, ਰਜਿੰਦਰ ਸਿੰਘ ਮੀਆਂਕੋਟ, ਅਮਨ ਅਠਵਾਲ, ਸੱਤਾ ਮਸੀਹ, ਸੁੱਖਚੰਦ ਮਸੀਹ, ਪਵਨ ਮਸੀਹ, ਸੱਤਾ ਮਸੀਹ, ਗੁਰਪ੍ਰੀਤ ਗੋਪੀ, ਗਗਨਦੀਪ ਸਿੰਘ, ਦੇਬੀ ਸਿੰਘ, ਲਖਵਿੰਦਾ, ਲੱਖਾ ਸਿੰਘ, ਕੰਵਲਜੀਤ ਗੱਗੂ, ਮੰਗਲ, ਗੁਰਮੀਤ, ਮਲਕੀਤ ਸਿੰਘ, ਅਨੰਦ ਕਿਸ਼ੋਰ, ਰਵਿੰਦਰ ਮਸੀਹ, ਲਵ ਸਿੰਘ, ਜੋਰਾਵਰ ਸਿੰਘ ਸਮੇਤ ਹੋਰ ਆਗੂ ਵੀ ਹਾਜ਼ਰ ਰਹੇ |
