ਕਲਾਨੌਰ, 10 ਅਪ੍ਰੈਲ (ਪੁਰੇਵਾਲ)- ਨੇੜਲੇ ਪਿੰਡ ਭਿਖਾਰੀਵਾਲ 'ਚ ਸਥਿਤ ਸੁੱਖ ਭੰਡਾਰ ਚਰਚ ਵਿਖੇ ਫਾਦਰ ਮੁਲਖ ਰਾਜ ਅਤੇ ਯੂਥ ਆਗੂ ਇਸਮਾਇਲ ਮਸੀਹ ਤੇਜਾ ਵਲੋਂ ਧਾਰਮਿਕ ਸਮਾਗਮ ਤੋਂ ਬਾਅਦ ਗੱਲਬਾਤ ਕਰਦਿਆਂ ਕਿਹਾ ਕਿ ਪ੍ਰਮਾਤਮਾ ਦੀ ਬਖਸ਼ਿਸ ਨਾਲ ਸਮਾਗਮ ਸਮਾਪਤ ਹੋਏ ਹਨ ਅਤੇ ਸੰਗਤਾਂ ਵਲੋਂ ਗੁੱਡ ਫ੍ਰਾਈਡੇ ਤੇ ਇਸਟਰ ਸਮਾਗਮਾਂ 'ਚ ਵੱਡੀ ਗਿਣਤੀ 'ਚ ਹਾਜ਼ਰੀਆਂ ਭਰ ਕੇ ਪ੍ਰਮਾਤਮਾ ਦੀ ਮਹਿਮਾ ਦਾ ਗੁਣਗਾਣ ਕੀਤਾ ਹੈ | ਫਾਦਰ ਮੁਲਖ ਰਾਜ ਤੇ ਇਸਮਾਇਲ ਮਸੀਹ ਤੇਜ਼ਾ ਨੇ ਕਿਹਾ ਕਿ ਉਹ ਸੰਗਤਾਂ ਦਾ ਸ਼ੁਕਰਾਨਾ ਕਰਦੇ ਹਨ ਜਿਨ੍ਹਾਂ ਸੰਗਤਾਂ ਨੇ ਗੁੱਡ ਫ੍ਰਾਈਡੇ ਵਾਲੇ ਦਿਨ ਤੱਕ ਰੋਜ਼ੇ ਰੱਖੇ ਹਨ | ਉਨ੍ਹਾਂ ਕਿਹਾ ਕਿ 45 ਦਿਨ ਪ੍ਰਮਾਤਮਾ ਦੀ ਬੰਦਗੀ ਕਰ ਕੇ ਸੋਗ ਤੇ ਸੰਗਤਾਂ ਨੇ ਖੁਸ਼ੀਆਂ ਪ੍ਰਾਪਤ ਕੀਤੀਆਂ ਹਨ | ਇਸ ਮੌਕੇ ਪਾਸਟਰ ਪੁਸ਼ਪਾ ਤੇਜਾ, ਤਰਸੇਮ ਮਸੀਹ, ਪਾਡਵ ਮਸੀਹ, ਕੁਲਵਿੰਦਰ ਮਸੀਹ, ਸੋਨੂੰ ਸਰਜੇਚੱਕ, ਹੀਰਾ ਮਸੀਹ, ਰੌਸ਼ਣ ਮਸੀਹ, ਕਸ਼ਮੀਰ ਮਸੀਹ, ਪੱਪੂ ਮਸੀਹ, ਭੋਲਾ ਮਸੀਹ, ਸੋਹਣੀ, ਬਿਕਰਮ ਮਸੀਹ, ਅਕਸ਼ੈ ਮਸੀਹ, ਬੱਗਾ ਮਸੀਹ, ਅਮਨ ਮਸੀਹ, ਜੋਧਾ ਮਸੀਹ ਸਮੇਤ ਵੱਡੀ ਗਿਣਤੀ 'ਚ ਸੰਗਤਾਂ ਹਾਜ਼ਰ ਰਹੀਆਂ |
