ਨੀਤਿਕਾ ਜੱਗੀ ਤੇ ਨਵਜੋਤ ਕੌਰ ਨੇ 93 ਫੀਸਦੀ ਅੰਕ ਲੈ ਕੇ ਸਕੂਲ 'ਚ ਹਾਸਿਲ ਕੀਤਾ ਪਹਿਲਾ ਸਥਾਨ

ਅ

ਅਜੀਤ ਡੈਸਕ 18-04-2026

ਤਾਰਾਗੜ੍ਹ, 17 ਅਪ੍ਰੈਲ (ਸੋਹਨ ਲਾਲ)-ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਐਲਾਨ ਕੀਤੇ ਗਏ 8ਵੀਂ ਜਮਾਤ ਵਿਚ ਆਦਰਸ਼ ਮਾਡਲ ਹਾਈ ਸਕੂਲ ਤਾਰਾਗੜ੍ਹ ਬੇਗੋਵਾਲ ਦਾ ਨਤੀਜਾ 100 ਫੀਸਦੀ ਰਿਹਾ | ਜਾਣਕਾਰੀ ਦਿੰਦੇ ਹੋਏ ਸਕੂਲ ਦੇ ਚੇਅਰਮੈਨ ਉੱਤਮ ਸਿੰਘ ਅਤੇ ਮੈਨੇਜਰ ਠਾਕੁਰ ਵਿਵੇਕ ਸਿੰਘ ਨੇ ਦੱਸਿਆ ਕਿ ਸਕੂਲ ਵਿਦਿਆਰਥਣ ਨੀਤਿਕਾ ਜੱਗੀ ਅਤੇ ਨਵਜੋਤ ਨੇ 93 ਫੀਸਦੀ ਨੰਬਰ ਲੈ ਕੇ ਪਹਿਲਾ, ਮੀਨਾਕਸ਼ੀ ਨੇ 92 ਫੀਸਦੀ ਨੰਬਰ ਲੈ ਕੇ ਦੂਸਰਾ ਤੇ ਜੀਵਿਕਾ ਨੇ 91 ਫੀਸਦੀ ਨੰਬਰ ਲੈ ਕੇ ਤੀਸਰਾ ਸਥਾਨ ਹਾਸਲ ਕਰਕੇ ਸਕੂਲ ਅਤੇ ਆਪਣੇ ਮਾਤਾ-ਪਿਤਾ ਦਾ ਨਾਮ ਰੌਸ਼ਨ ਕੀਤਾ | ਇਸ ਮੌਕੇ ਪਿ੍ੰਸੀਪਲ ਪਵਨ ਕੁਮਾਰ ਅਤੇ ਮੈਨੇਜਰ ਠਾਕੁਰ ਵਿਵੇਕ ਸਿੰਘ ਨੇ ਬੱਚਿਆਂ ਦਾ ਮੂੰਹ ਮਿੱਠਾ ਕਰਵਾ ਕੇ ਬੱਚਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਮੁਬਾਰਕਾਂ ਦਿੱਤੀਆਂ | ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ਼ ਸਪਨਾ ਸਲਾਰੀਆ, ਮੀਨੂ, ਸੁਮਨ ਬਾਲਾ ਅਤੇ ਸਾਕਸ਼ੀ ਮੌਜੂਦ ਸਨ |