ਨਰੋਟ ਮਹਿਰਾ, 6 ਮਈ (ਰਾਜ ਕੁਮਾਰੀ)-ਸਰਨਾ ਅੱਡੇ 'ਚ ਜੰਗਲਾਤ ਵਿਭਾਗ ਦੇ ਕਰਮਚਾਰੀ ਮੁਨੀਸ਼ ਕੁਮਾਰ ਦੇ ਕਮਰੇ 'ਚ ਰੱਖੇ ਕੱਪੜਿਆਂ 'ਚੋਂ 16 ਹਜ਼ਾਰ ਰੁਪਏ ਚੋਰੀ ਹੋਣ ਦੀ ਖ਼ਬਰ ਪ੍ਰਾਪਤ ਹੋਈ ਹੈ | ਜਾਣਕਾਰੀ ਦਿੰਦਿਆਂ ਜੰਗਲਾਤ ਵਿਭਾਗ ਦੇ ਕਰਮਚਾਰੀ ਮੁਨੀਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਗਾਰਡ ਦੀ ਪੋਸਟ 'ਤੇ ਤਾਇਨਾਤ ਹੈ | ਉਸ ਨੇ ਦੱਸਿਆ ਕਿ ਉਹ ਬੁੱਧਵਾਰ ਸਵੇਰੇ ਰਾਤ ਦੀ ਡਿਊਟੀ ਕਰਕੇ ਸਵੇਰੇ ਸਰਨਾ ਅੱਡੇ ਦੇ ਨੇੜੇ ਵਿਭਾਗ ਦੇ ਸਰਕਾਰੀ ਕੁਆਰਟਰ ਵਿਚ ਪਹੁੰਚਿਆ ਤਾਂ ਕਮਰੇ 'ਚ ਪਾਣੀ ਨਾ ਹੋਣ ਕਰਕੇ ਮੰਦਿਰ ਵਿਚ ਨਹਾਉਣ ਲਈ ਚਲਾ ਗਿਆ ਤੇ ਆਪਣੀ ਡਿਊਟੀ ਵਾਲੇ ਕੱਪੜੇ ਉਤਾਰ ਕੇ ਕਮਰੇ ਵਿਚ ਰੱਖ ਗਿਆ | ਜਿਸ ਵਿਚ 16 ਹਜ਼ਾਰ ਰੁਪਏ ਵੀ ਕੱਪੜਿਆਂ ਦੀ ਜੇਬ 'ਚ ਰੱਖੇ ਸਨ | ਜਦੋਂ 15 ਮਿੰਟ ਬਾਅਦ ਨਹਾ ਕੇ ਕਮਰੇ 'ਚ ਪਹੁੰਚਿਆ ਤਾਂ ਦੇਖਿਆ ਕਿ ਕਮਰੇ ਵਿਚ ਰੱਖੇ ਕੱਪੜਿਆਂ 'ਚੋਂ 16 ਹਜ਼ਾਰ ਰੁਪਏ ਚੋਰੀ ਹੋ ਚੁੱਕੇ ਸਨ | ਅੱਡੇ ਵਿਚ ਲੱਗੇ ਸੀ.ਸੀ.ਟੀ.ਵੀ. ਕੈਮਰੇ ਦੀ ਜਾਂਚ ਕੀਤੀ ਜਾ ਰਹੀ ਹੈ | ਚੋਰੀ ਦੀ ਸ਼ਿਕਾਇਤ ਥਾਣਾ ਸਦਰ ਪੁਲਿਸ ਨੰੂ ਦੇ ਦਿੱਤੀ ਗਈ ਹੈ |