ਗੁਰਦਾਸਪੁਰ, 9 ਮਈ (ਚੱਕਰਾਜਾ)-ਆਬਕਾਰੀ ਵਿਭਾਗ ਵਲੋਂ ਇੰਸਪੈਕਟਰ ਦੀਪਕ ਕੁਮਾਰ ਸਰਕਲ ਗੁਰਦਾਸਪੁਰ ਦੀ ਅਗਵਾਈ ਅਤੇ ਪੁਲਿਸ ਦੇ ਸਹਿਯੋਗ ਨਾਲ ਵੱਖ ਵੱਖ ਪਿੰਡਾਂ ਜਿਨ੍ਹਾਂ ਵਿਚ ਹਰਦੋ ਬਥਵਾਲਾ, ਲੱਖੋਵਾਲ, ਹੇਮਰਾਜਪੁਰ, ਤੁੰਗ, ਵਰਸੋਲਾ, ਚੱਗੂਵਾਲ, ਕਾਲਾ ਨੰਗਲ ਆਦਿ ਵਿਖੇ ਛਾਪੇਮਾਰੀ ਕੀਤੀ ਗਈ | ਇਸ ਮੌਕੇ ਟੀਮ ਵਲੋਂ ਦਿਓਲ, ਆਲੇਚੱਕ ਅਤੇ ਨਬੀਪੁਰ ਵਿਖੇ ਛਾਪੇਮਾਰੀ ਦੌਰਾਨ 46 ਪਲਾਸਟਿਕ ਦੀਆਂ ਬਾਲਟੀਆਂ, ਜਿਨ੍ਹਾਂ ਵਿਚ 760 ਲੀਟਰ ਲਾਹਣ, 27 ਪਲਾਸਟਿਕ ਦੀਆਂ ਬੋਤਲਾਂ (ਪੈਪਸੀ) ਸਮੇਤ 54 ਲੀਟਰ ਨਜਾਇਜ਼ ਸ਼ਰਾਬ ਬਰਾਮਦ ਕੀਤੀ ਗਈ | ਜਿਸ ਨੰੂ ਮੌਕੇ 'ਤੇ ਹੀ ਨਸ਼ਟ ਕੀਤਾ ਗਿਆ | ਇਸ ਤੋਂ ਇਲਾਵਾ ਟੀਮ ਵਲੋਂ ਪਿੰਡ ਚੱਗੂਵਾਲ ਵਿਖੇ ਕੁਝ ਹੋਰ ਘਰਾਂ ਦੀ ਚੈਕਿੰਗ ਕੀਤੀ ਗਈ | ਪਰ ਇਸ ਦੌਰਾਨ ਕੁਝ ਬਰਾਮਦ ਨਹੀਂ ਹੋਇਆ |
