ਪਠਾਨਕੋਟ, 16 ਮਈ (ਸੁਮਿਤ)-ਪਠਾਨਕੋਟ ਦੇ ਸਮਾਜ ਸੇਵਕ ਆਕਾਸ਼ ਸ਼ਰਮਾ ਦੀ ਪਤਨੀ ਸ਼ਸ਼ੀ ਮਹਾਜਨ ਨੇ ਅੱਜ ਵਾਰਡ ਨੰਬਰ 18 ਤੋਂ ਆਮ ਆਦਮੀ ਪਾਰਟੀ ਦੀ ਟਿਕਟ 'ਤੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ | ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਤੋਂ ਬਾਅਦ ਘਰ ਪਹੁੰਚਣ 'ਤੇ ਮੁਹੱਲਾ ਵਾਸੀਆਂ ਵਲੋਂ ਉਨ੍ਹਾਂ ਦਾ ਹਾਰ ਪਾ ਕੇ ਸਵਾਗਤ ਕੀਤਾ ਗਿਆ | ਇਸ ਮੌਕੇ ਆਕਾਸ਼ ਸ਼ਰਮਾ ਨੇ ਕਿਹਾ ਕਿ ਉਹ ਪਾਰਟੀ ਦੀ ਵਿਚਾਰਧਾਰਾ ਤੋਂ ਪ੍ਰਭਾਵਿਤ ਹੋ ਕੇ ਸਾਦਗੀ ਨਾਲ ਨਾਮਜ਼ਦਗੀ ਭਰਨ ਆਏ ਹਨ | ਉਨ੍ਹਾਂ ਵਾਰਡ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਬਦਲਾਅ ਦਾ ਯੁੱਗ ਚੱਲ ਰਿਹਾ ਹੈ, ਇਸ ਲਈ ਬਦਲਾਅ ਲਿਆਓ ਅਤੇ ਆਪਣਾ ਕੀਮਤੀ ਵੋਟ ਪਾਓ | ਇਸ ਮੌਕੇ ਆਨੰਦ ਸ਼ਰਮਾ, ਸਮਾਜਿਕ ਤੇ ਕਲਾ ਖੇਤਰ ਨਾਲ ਜੁੜੇ ਹੋਏ ਕਈ ਲੋਕ ਮੌਜੂਦ ਸਨ |
