ਗੁਰਦਾਸਪੁਰ, 20 ਮਈ (ਪੰਕਜ ਸ਼ਰਮਾ)-ਟੈਗੋਰ ਕਾਲਜ ਫ਼ਾਰ ਵੁਮੈਨ ਵਿਖੇ ਪਿ੍ੰਸੀਪਲ ਮੋਹਨਜੀਤ ਕੌਰ ਦੀ ਰਹਿਨੁਮਾਈ ਹੇਠ ਬੀ.ਐਡ ਚੌਥੇ ਸਮੈਸਟਰ ਦੀਆਂ ਵਿਦਿਆਰਥਣਾਂ ਨੰੂ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਇਸ ਮੌਕੇ ਕਾਲਜ ਦੇ ਚੇਅਰਮੈਨ ਰਵਿੰਦਰ ਸ਼ਰਮਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਪ੍ਰੋਗਰਾਮ ਦਾ ਆਗਾਜ਼ ਸ਼ਬਦ ਗਾਇਣ ਨਾਲ ਕੀਤਾ ਗਿਆ | ਇਸ ਦੌਰਾਨ ਵਿਦਿਆਰਥਣਾਂ ਵਲੋਂ ਸੱਭਿਆਚਾਰਕ ਪ੍ਰੋਗਰਾਮ ਗਿੱਧਾ, ਭੰਗੜਾ, ਨਾਟਕ, ਭਾਸ਼ਣ ਪੇਸ਼ ਕੀਤੇ ਗਏ | ਇਸ ਮੌਕੇ ਕਰਵਾਏ ਮੁਕਾਬਲੇ 'ਚ ਗਰਿਮਾ ਨੰੂ ਮਿਸ ਫੇਅਰਵੈੱਲ, ਕੋਮਲਪ੍ਰੀਤ ਅਤੇ ਕਾਸ਼ਮਨ ਨੰੂ ਮਿਸ ਚਾਰਮਿੰਗ, ਇਸ਼ੀਤਾ ਤੇ ਸ਼ਾਲਿਨੀ ਰਾਣਾ ਨੰੂ ਮਿਸ ਟੈਲੇਂਟਡ ਤੇ ਨਿਕਿਤਾ ਨੰੂ ਬੈੱਸਟ ਪ੍ਰਫਾਰਮੈਂਸ ਦਾ ਖ਼ਿਤਾਬ ਦਿੱਤਾ ਗਿਆ | ਚੇਅਰਮੈਨ ਰਵਿੰਦਰ ਸ਼ਰਮਾ ਨੇ ਵਿਦਿਆਰਥਣਾਂ ਨੰੂ ਚੰਗੇ ਭਵਿੱਖ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ ਤੇ ਇਕ ਸਫਲ ਅਧਿਆਪਕ ਤੇ ਚੰਗਾ ਇਨਸਾਫ਼ ਬਣਨ ਲਈ ਪ੍ਰੇਰਿਤ ਕੀਤਾ |
