ਧਾਰੀਵਾਲ, 30 ਮਈ (ਜੇਮਸ ਨਾਹਰ)-ਲੰਬੇ ਸਮੇਂ ਤੋਂ ਕੇਂਦਰ ਦੀ ਭਾਜਪਾ ਸਰਕਾਰ 'ਚ ਦਿਨ-ਰਾਤ ਅਣਥੱਕ ਮਿਹਨਤ ਕਰਨ ਵਾਲੇ ਦੂਜੀ ਵਾਰੀ ਭਾਜਪਾ ਘੱਟ ਗਿਣਤੀ ਮੋਰਚਾ ਪੰਜਾਬ ਦੇ ਸੂਬਾ ਪ੍ਰਧਾਨ ਬਣੇ ਥੋਮਸ ਮਸੀਹ ਵਲੋਂ ਆਲ ਇੰਡੀਆ ਪ੍ਰਧਾਨ ਜ਼ਮਾਲ ਸਦੀਕੀ ਨਾਲ ਮੁਲਾਕਾਤ ਕਰ ਕੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ | ਇਹ ਸਬੰਧੀ ਥੋਮਸ ਮਸੀਹ ਨੇ ਦੱਸਿਆ ਕਿ ਭਾਜਪਾ ਘੱਟ ਗਿਣਤੀ ਮੋਰਚਾ ਵਲੋਂ ਸੂਬੇ ਪੰਜਾਬ ਅੰਦਰ ਉਨ੍ਹਾਂ ਦੀ ਅਗਵਾਈ ਵਿਚ ਕੀਤੀ ਲਗਾਤਾਰ ਮਿਹਨਤ ਸਦਕਾ ਨਗਰ ਕੌਂਸਲ, ਨਗਰ ਨਿਗਮ ਦੀਆਂ ਚੋਣਾਂ ਵਿਚ ਭਾਜਪਾ ਉਮੀਦਵਾਰਾਂ ਨੇ ਜਿੱਤ ਹਾਸਿਲ ਕੀਤੀ ਹੈ, ਜਿਸ ਦੀ ਪ੍ਰਧਾਨ ਜਮਾਲ ਸਦੀਕੀ ਨੇ ਸ਼ਾਲਾਘਾ ਕਰਦੇ ਹੋਏ ਕਿਹਾ ਕਿ ਕੇਂਦਰ ਦੀ ਭਾਜਪਾ ਸਰਕਾਰ ਦੇ ਘੱਟ ਗਿਣਤੀ ਕਮਿਸ਼ਨ ਵਿਭਾਗ 'ਚ ਥੋਮਸ ਮਸੀਹ ਨੂੰ ਜਲਦ ਚੇਅਰਮੈਨ ਜਾਂ ਮੈਂਬਰ ਲਗਾਇਆ ਜਾਵੇਗਾ ਤਾਂ ਜੋ ਘੱਟ ਗਿਣਤੀਆਂ ਦੇ ਮਸਲੇ ਆਸਾਨੀ ਨਾਲ ਸੂਬੇ ਪੰਜਾਬ ਅੰਦਰ ਹੱਲ ਹੋ ਸਕਣ |
