ਬਟਾਲਾ, 31 ਮਈ (ਸਤਿੰਦਰ ਸਿੰਘ)-ਸਥਾਨਕ ਖਤੀਬ ਕਾਲੋਨੀ 'ਚ ਇਕ ਪਾਰਕ ਵਿਚ ਖੜੇ੍ਹ ਇਕ ਵਿਅਕਤੀ ਨੇ ਪਤੀ-ਪਤਨੀ ਦੀ ਕੁੱਟਮਾਰ ਕਰਕੇ ਗੰਭੀਰ ਜਖ਼ਮੀ ਕਰ ਦਿੱਤਾ | ਬਟਾਲਾ ਸਿਵਲ 'ਚ ਜ਼ੇਰੇ ਇਲਾਜ਼ ਪੀੜਤ ਮੁੰਨਾ ਪੁੱਤਰ ਮਿਸਤਰੀ ਮਹਤੋਂ ਨੇ ਦੱਸਿਆ ਕਿ ਉਹ ਕਬਾੜ ਦਾ ਕੰਮ ਕਰਦਾ ਹਾਂ ਤੇ ਉਸ ਦੇ ਛੋਟੇ ਬੱਚੇ ਨੇ ਪਾਰਕ ਵਿਚ ਪੋਟੀ ਕਰ ਦਿੱਤੀ ਸੀ, ਜਿਸ 'ਤੇ ਪਾਰਕ 'ਚ ਖੜੇ ਵਿਅਕਤੀ ਨੇ ਨਾਰਾਜ਼ ਹੋ ਕੇ ਸਾਨੂੰ ਗਾਲਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ, ਉਸ ਨੇ ਮੈਨੂੰ ਰਾਡ ਨਾਲ ਕੁੱਟਮਾਰ ਕਰ ਕੇ ਜਖ਼ਮੀ ਕਰ ਦਿੱਤਾ ਤੇ ਮੇਰੀ ਗਰਭਵਤੀ ਪਤਨੀ ਦੀ ਵੱਖੀ ਵਿਚ ਵੀ ਡੰਡੇ ਮਾਰੇ | ਪੀੜਤ ਨੇ ਪੁਲਿਸ ਪ੍ਰਸ਼ਾਸਨ ਤੋਂ ਇਨਸਾਫ ਦੀ ਮੰਗ ਕੀਤੀ ਹੈ |
