ਬਟਾਲਾ, 15 ਜੂਨ (ਸਤਿੰਦਰ ਸਿੰਘ)-ਹਜੂਰ ਮਹਾਰਾਜ ਕਿਲੇ ਵਾਲੇ ਪਾਤਸ਼ਾਹ ਜੀ ਦੇ ਚਰਨ ਸੇਵਕ ਹਰਜੀ ਨੌਸ਼ਹਿਰਾ ਸਾਹਿਬ ਵਾਲਿਆਂ ਦੀ ਮਿੱਠੀ ਯਾਦ 'ਚ ਸਾਲਾਨਾ ਕੀਰਤਨ ਦਰਬਾਰ 16 ਜੂਨ ਨੂੰ ਨੌਸ਼ਹਿਰਾ ਸਾਹਿਬ ਦੇ ਗੁਰਦੁਆਰਾ ਸ਼੍ਰੀ ਭੋਰਾ ਸਾਹਿਬ ਵਿਖੇ ਸਵੇਰੇ 11 ਤੋਂ 2 ਵਜੇ ਤੱਕ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਚਰਨ ਸਿੰਘ ਮੰਡੀ ਵਾਲੇ, ਹਰਿੰਦਰ ਸਿੰਘ ਸੁੱਖਾਰਾਜੂ ਵਾਲਿਆਂ ਦੱਸਿਆ ਕਿ ਨੌਸ਼ਹਿਰਾ ਸਾਹਿਬ ਦੇ ਵੱਖ-ਵੱਖ ਰਾਗੀ ਜਥੇ ਗੁਰੂ ਘਰ ਆਈਆਂ ਹੋਈਆਂ ਸੰਗਤਾਂ ਨੂੰ ਗੁਰਬਾਣੀ ਤੇ ਗੁਰੂ ਇਤਿਹਾਸ ਨਾਲ ਜੋੜਨਗੇ | ਇਸ ਮੌਕੇ ਸੰਤ ਗੁਰਨਾਮ ਸਿੰਘ ਡੇਅਰੀਵਾਲ ਵਾਲੇ, ਸੰਤ ਸੇਵਾ ਸਿੰਘ, ਭਾਈ ਲਾਲ ਸਿੰਘ, ਭਾਈ ਗੁਰਮੁਖ ਸਿੰਘ, ਭਾਈ ਨਿਰੰਕਾਰ ਸਿੰਘ, ਗੁਰਨਾਮ ਸਿੰਘ ਕਲੇਰ, ਰਘਵੰਤ ਸਿੰਘ ਬਦੇਸ਼ਾ, ਸਤਨਾਮ ਸਿੰਘ ਕਲਾਨੌਰ, ਮਨੋਹਰ ਸਿੰਘ ਗੁਰਦਾਸਪੁਰ, ਰਜਿੰਦਰਪਾਲ ਸਿੰਘ ਹਾਜ਼ਰ ਸਨ |
