ਖੁਜਾਲਾ ਸਟੇਡੀਅਮ ਵਿਖੇ ਖੇਡਾਂ ਵਤਨ ਪੰਜਾਬ ਦੀਆਂ 2026 ਸੀਜ਼ਨ 4 ਦੇ ਜ਼ਿਲ੍ਹਾ ਪੱਧਰੀ ਟੂਰਨਾਮੈਂਟ ਸਮਾਪਤ
ਹਰਚੋਵਾਲ/ਊਧਨਵਾਲ, 30 ਸਤੰਬਰ (ਢਿੱਲੋਂ, ਭਾਮ, ਪਰਗਟ ਸਿੰਘ)-ਬਾਬਾ ਰਾਮ ਥੰਮਣ ਯਾਦਗਾਰੀ ਖੇਡ ਸਟੇਡੀਅਮ ਖੁਜਾਲਾ ਵਿਖੇ ਖੇਡਾਂ ਵਤਨ ਪੰਜਾਬ ਦੀਆਂ 2026 ਸੀਜ਼ਨ 4 ਜ਼ਿਲ੍ਹਾ ਪੱਧਰੀ ਡਿਸਕਸ ਥਰੋਅ, ਉੱਚੀ ਛਾਲ, ਹਰਡਲ ਦੀਆਂ ਖੇਡਾਂ ਬੜੇ ਹੀ ਸ਼ਾਨੋ ਸੌਕਤ ਨਾਲ ਸਮਾਪਤ ਹੋਈਆਂ। ਇਸ ’ਚ ਅੰਡਰ 14, 17 ਉਮਰ ਵਰਗ ਦੇ ਮੁਕਾਬਲੇ ਕਰਵਾਏ ਗਏ।
ਹਰਚੋਵਾਲ/ਊਧਨਵਾਲ, 30 ਸਤੰਬਰ (ਢਿੱਲੋਂ, ਭਾਮ, ਪਰਗਟ ਸਿੰਘ)-ਬਾਬਾ ਰਾਮ ਥੰਮਣ ਯਾਦਗਾਰੀ ਖੇਡ ਸਟੇਡੀਅਮ ਖੁਜਾਲਾ ਵਿਖੇ ਖੇਡਾਂ ਵਤਨ ਪੰਜਾਬ ਦੀਆਂ 2026 ਸੀਜ਼ਨ 4 ਜ਼ਿਲ੍ਹਾ ਪੱਧਰੀ ਡਿਸਕਸ ਥਰੋਅ, ਉੱਚੀ ਛਾਲ, ਹਰਡਲ ਦੀਆਂ ਖੇਡਾਂ ਬੜੇ ਹੀ ਸ਼ਾਨੋ ਸੌਕਤ ਨਾਲ ਸਮਾਪਤ ਹੋਈਆਂ। ਇਸ ’ਚ ਅੰਡਰ 14, 17 ਉਮਰ ਵਰਗ ਦੇ ਮੁਕਾਬਲੇ ਕਰਵਾਏ ਗਏ। ਲੜਕੀਆਂ ਦੇ ਡਿਸਕਸ ਥਰੋਅ ਦੇ ਮੁਕਾਬਲਿਆਂ ’ਚ ਸਮਾਈਰਾ ਪਹਿਲਾ ਦਰਜਾ ਬਲਾਕ ਫਤਹਿਗੜ੍ਹ ਚੂੜੀਆਂ, ਸ਼ੁਭਪ੍ਰੀਤ ਕੌਰ ਸ੍ਰੀ ਗੁਰੂ ਰਾਮਦਾਸ ਮਾਡਰਨ ਸਕੂਲ ਖੁਜਾਲਾ ਬਲਾਕ ਕਾਦੀਆਂ ਦੂਜਾ ਦਰਜਾ, ਸੁਖਮਨਪ੍ਰੀਤ ਕੌਰ ਸ੍ਰੀ ਹਰਗੋਬਿੰਦਪੁਰ ਬਲਾਕ ਤੀਸਰੇ ਸਥਾਨ ’ਤੇ ਰਹੀ। ਹਰਡਲਾਂ ’ਚ ਜਸਕਰਨਦੀਪ ਸਿੰਘ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਖੇਡਾਂ ਦੇ ਇੰਚਾਰਜ ਕੋਚ ਪਰਮਜੀਤ ਕੌਰ ਵਲੋਂ ਜੇਤੂ ਰਹੇ ਬੱਚਿਆਂ ਨੂੰ ਸੋਨ ਤੇ ਚਾਂਦੀ ਦੇ ਤਗਮੇ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਕੋਚ ਹਰਵਿੰਦਰ ਸਿੰਘ, ਲਵਪ੍ਰੀਤ ਕੌਰ ਕੋਚ ਹਰਪੁਰਾ ਧੰਦੋਈ, ਪ੍ਰਵੀਨ ਕੌਰ ਕੋਚ, ਮਨੋਹਰ ਸਿੰਘ ਕੋਚ ਆਦਿ ਹਾਜ਼ਰ ਸਨ।
