ਚਿੱਟਾ ਹਾਥੀ ਸਾਬਤ ਹੋ ਰਹੀ ਹੈ ਪਿੰਡ ਮੋਹਲੋਵਾਲੀ ਦੀ ਪਾਣੀ ਵਾਲੀ ਟੈਂਕੀ

ਪ

ਪਿੰਡ ਮੋਹਲੋਵਾਲੀ ਵਿਖੇ ਚਿੱਟਾ ਹਾਥੀ ਸਾਬਤ ਹੋ ਰਹੀ ਪਾਣੀ ਵਾਲੀ ਟੈਂਕੀ। ਤਸਵੀਰ: ਕੁਲਦੀਪ ਸਿੰਘ ਸੋਨੂੰ 01-10-2026

ਧਿਆਨਪੁਰ, 30 ਸਤੰਬਰ (ਕੁਲਦੀਪ ਸਿੰਘ ਸੋਨੂੰ)-ਚਿੱਟਾ ਹਾਥੀ ਸਾਬਤ ਹੋ ਰਹੀ ਹੈ ਪਿੰਡ ਮੋਹਲੋਵਾਲੀ ਵਾਲੀ ਪਾਣੀ ਵਾਲੀ ਵਾਲੀ ਟੈਂਕੀ, ਕਿਉਂਕਿ ਜਲ ਸੰਚਾਰ ਮਹਿਕਮੇ ਵਲੋਂ ਅਲੀਵਾਲ ਭਾਲੋਵਾਲੀ ਵਾਲੀ ਨਹਿਰ ਦੇ ਪਾਣੀ ਨੂੰ ਸਾਫ ਕਰਵਾ ਕੇ ਇਸ ਟੈਂਕੀ ’ਚ ਭੇਜਿਆ ਜਾਂਦਾ ਪਰ ਨਹਿਰ ’ਚ ਲਗਾਤਾਰ ਪਾਣੀ ਨਾ ਆਉਣ ਕਰਕੇ ਟੈਂਕੀ ’ਚ ਪਾਣੀ ਨਹੀਂ ਆਉਂਦਾ, ਪਿੰਡ ਵਾਸੀਆਂ ਨੂੰ ਪਾਣੀ ਮਹੀਨੇ ਦੇ ਵਿਚ ਸਿਰਫ ਇਕ ਜਾਂ ਦੋ ਵਾਰੀ ਹੀ ਨਸੀਬ ਹੁੰਦਾ ਹੈ ਤੇ ਕਈ ਵਾਰ ਕਈ ਮਹੀਨੇ ਬਾਅਦ ਪਾਣੀ ਦੇ ਦਰਸ਼ਨ ਹੁੰਦੇ ਹਨ, ਜਿਸ ਕਰਕੇ ਪਿੰਡ ਵਾਸੀਆਂ ’ਚ ਰੋਸ ਪਾਇਆ ਜਾ ਰਿਹਾ ਹੈ। ਜਾਣਕਾਰੀ ਦਿੰਦਿਆਂ ਪਿੰਡ ਦੇ ਸਰਪੰਚ ਨਿਰਮਲ ਸਿੰਘ ਮੋਹਲੋਵਾਲੀ ਤੇ ਸਮੁੱਚੀ ਗ੍ਰਾਮ ਪੰਚਾਇਤ ਨੇ ਜਲ ਵਿਭਾਗ ਨੂੰ ਗੁਹਾਰ ਲਾਉਂਦਿਆਂ ਕਿਹਾ ਕਿ ਪਾਣੀ ਵਾਲੀ ਟੈਂਕੀ ਲੰਬੇ ਸਮੇਂ ਤੋਂ ਪਿੰਡ ਵਾਸੀਆਂ ਲਈ ਇਕ ਬਹੁਤ ਵੱਡੀ ਸਿਰਦਰਦੀ ਬਣੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਲੱਖਾਂ ਰੁਪਏ ਦੀ ਲਾਗਤ ਨਾਲ ਟੈਂਕੀ ਬਣਾਈ ਗਈ ਹੈ ਜੋ ਕਿ ਅੱਜ ਚਿੱਟਾ ਹਾਥੀ ਸਾਬਤ ਹੋ ਰਹੀ ਹੈ। ਉਨ੍ਹਾਂ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਕਿ ਟੈਂਕੀ ਨੂੰ ਨਹਿਰੀ ਪਾਣੀ ਦੇ ਸਹਾਰੇ ਨਾ ਛੱਡਿਆ ਜਾਵੇ, ਸਗੋਂ ਟੈਂਕੀ ਵਾਸਤੇ ਵਿਸ਼ੇਸ਼ ਤੌਰ ’ਤੇ ਇਕ ਸਮਰਸੀਬਲ ਬੋਰ ਕਰਵਾਇਆ ਜਾਵੇ ਤਾਂ ਕਿ ਸਮੇਂ ਸਿਰ ਟੈਂਕੀ ਦੇ ਵਿਚਂ ਮੋਟਰ ਚਲਾ ਕੇ ਪਾਣੀ ਭਰ ਦਿੱਤਾ ਜਾਵੇ ਅਤੇ ਲੋਕਾਂ ਦੇ ਘਰਾਂ ਦੇ ਵਿੱਚ ਇਸ ਪਾਣੀ ਦੀ ਸਹੂਲਤ ਮੁਹੱਈਆ ਹੋ ਸਕੇ।