ਬੱਲੂਆਣਾ, 2 ਜਨਵਰੀ (ਜਸਮੇਲ ਸਿੰਘ ਢਿੱਲ)-ਲਗਪਗ 18 ਸਾਲ ਫ਼ੌਜ ਵਿਚ ਸੇਵਾ ਕਰਨ ਪਿੱਛੋਂ ਸੇਵਾਮੁਕਤ ਹੋਏ ਗੁਰਭਗਤ ਸਿੰਘ ਪੱੁਤਰ ਸਵ. ਸੁਰਜੀਤ ਸਿੰਘ ਨੂੰ ਅੱਜ ਦੋਸਤਾਂ ਮਿੱਤਰਾਂ 'ਤੇ ਰਿਸ਼ਤੇਦਾਰਾਂ ਨੇ ਵਿਦਾਇਗੀ ਪਾਰਟੀ ਦਿੱਤੀ | ਫ਼ੌਜੀ ਗੁਰਭਗਤ ਸਿੰਘ ਨੇ ਦੱਸਿਆ ਕਿ ਬਾਰ੍ਹਵੀਂ ਪਾਸ ਕਰਨ ਤੋਂ ਬਾਅਦ 15 ਦਸੰਬਰ 2008 'ਚ ਉਹ ਫ਼ੌਜ ਵਿਚ ਭਰਤੀ ਹੋਏ ਸਨ | ਕਰੀਬ 17 ਸਾਲ ਫ਼ੌਜ ਦੀ ਨੌਕਰੀ ਕਰਨ ਪਿੱਛੋਂ ਉਹ ਸੇਵਾਮੁਕਤ ਹੋਏ ਹਨ | ਪਹਿਲੋਂ ਪਹਿਲ ਬੀਕਾਨੇਰ ਤੇ ਅੰਤ ਵਿਚ ਸ੍ਰੀਨਗਰ ਵਿਖੇ ਤਾਇਨਾਤ ਰਹੇ | ਇਸ ਸਮੇਂ ਉਨ੍ਹਾਂ ਦੇ ਗ੍ਰਹਿ ਵਿਖੇ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪ੍ਰਕਾਸ਼ ਆਰੰਭ ਕਰਕੇ ਭੋਗ ਪਾਏ ਗਏ | ਭੋਗ ਤੋਂ ਉਪਰੰਤ ਗੁਰੂ ਦਾ ਲੰਗਰ ਅਤੁੱਟ ਵਰਤਾਇਆ | ਇਸ ਸਮੇਂ ਇਲਾਕੇ ਦੀਆਂ ਸ਼ਖ਼ਸੀਅਤਾਂ ਵਲੋਂ ਉਨ੍ਹਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ |
