ਫਾਜ਼ਿਲਕਾ / ਅਬੋਹਰ

ਏਾਜਲਸ ਵਰਲਡ ਸਕੂਲ 'ਚ ਨਰਸਰੀ ਦੇ ਬੱਚਿਆਂ ਲਈ 'ਚਿੱਤਰ ਦਾ ਵਿਅੰਜਨ ਨਾਲ ਮਿਲਾਣ' ਗਤੀਵਿਧੀ ਕਰਵਾਈ <br/>

ਏਾਜਲਸ ਵਰਲਡ ਪਲੇਅ-ਵੇ ਕਾਨਵੈਂਟ ਸਕੂਲ ਅਬੋਹਰ ਵਿਖੇ 'ਚਿੱਤਰ ਦਾ ਵਿਅੰਜਨ ਨਾਲ ਮਿਲਾਣ' ਗਤੀਵਿਧੀ ਦੌਰਾਨ ਆਪਣੀ ਪ੍ਰਤਿਭਾ ਦਿਖਾਉਂਦੇ ਹੋਏ ਨੰਨ੍ਹੇ-ਮੁੰਨੇ ਬੱਚੇ | ਅਜੀਤ ਤਸਵੀਰ <br/> 21-02-2026

ਅਬੋਹਰ, 20 ਫਰਵਰੀ (ਵਿਵੇਕ ਹੂੜੀਆ)-ਨੰਨ੍ਹੇ ਬੱਚਿਆਂ ਦੀ ਭਾਸ਼ਾ ਸਿੱਖਣ ਦੀ ਪ੍ਰਕਿਰਿਆ ਨੂੰ ਦਿਲਚਸਪ ਤੇ ਪ੍ਰਭਾਵਸ਼ਾਲੀ ਬਣਾਉਣ ਦੇ ਉਦੇਸ਼ ਨਾਲ ਏਾਜਲਸ ਵਰਲਡ ਪਲੇਅ-ਵੇ ਕਾਨਵੈਂਟ ਸਕੂਲ ਵਿਖੇ 'ਚਿੱਤਰ ਦਾ ਵਿਅੰਜਨ ਨਾਲ ਮਿਲਾਣ' ਗਤੀਵਿਧੀ ਦਾ ਆਯੋਜਨ ਕੀਤਾ | ਇਸ ਗਤੀਵਿਧੀ ਦੌਰਾਨ ਬੱਚਿਆਂ ਨੂੰ ਵੱਖ-ਵੱਖ ਚਿੱਤਰ ਦਿਖਾ ਕੇ ਉਨ੍ਹਾਂ ਨੂੰ ਸੰਬੰਧਿਤ ਅੱਖਰਾਂ ਨਾਲ ਮਿਲਾਉਣ ਲਈ ਪ੍ਰੇਰਿਤ ਕੀਤਾ | ਨਰਸਰੀ ਜਮਾਤ ਦੇ ਬੱਚਿਆਂ ਨੇ ਇਸ ਗਤੀਵਿਧੀ ਵਿਚ ਉਤਸ਼ਾਹ ਨਾਲ ਹਿੱਸਾ ਲਿਆ | ਬੱਚਿਆਂ ਨੇ ਰੰਗ-ਬਿਰੰਗੇ ਚਿੱਤਰਾਂ ਦੀ ਪਛਾਣ ਕਰਦੇ ਹੋਏ ਉਨ੍ਹਾਂ ਨੂੰ ਸਹੀ ਅੱਖਰਾਂ ਨਾਲ ਮਿਲਾਇਆ | ਸਕੂਲ ਵਲੋਂ ਵਰਤੀ ਗਈ ਆਕਰਸ਼ਕ ਸਿੱਖਿਆ ਸਮਗਰੀ ਅਤੇ ਖੇਡ-ਖੇਡ ਵਿਚ ਸਿੱਖਣ ਦੇ ਤਰੀਕੇ ਨੇ ਬੱਚਿਆਂ ਦਾ ਮਨ ਮੋਹ ਲਿਆ | ਇਸ ਪ੍ਰਕਿਰਿਆ ਨੇ ਬੱਚਿਆਂ ਦੀ ਪਛਾਣ ਕਰਨ ਦੀ ਸਮਰੱਥਾ, ਭਾਸ਼ਾ ਦੇ ਗਿਆਨ ਤੇ ਇਕਾਗਰਤਾ ਨੂੰ ਵਧਾਉਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ | ਸਕੂਲ ਪ੍ਰਸ਼ਾਸਨ ਨੇ ਦੱਸਿਆ ਕਿ ਅਜਿਹੀਆਂ ਗਤੀਵਿਧੀਆਂ ਬੱਚਿਆਂ 'ਚ ਸਿੱਖਣ ਪ੍ਰਤੀ ਰੁਚੀ ਪੈਦਾ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਦੀ ਸਿਰਜਣਾਤਮਿਕਤਾ ਤੇ ਆਤਮ-ਵਿਸ਼ਵਾਸ ਨੂੰ ਵੀ ਵਿਕਸਿਤ ਕਰਦੀਆਂ ਹਨ | ਸਕੂਲ 'ਚ ਨਿਯਮਤ ਤੌਰ 'ਤੇ ਅਜਿਹੀਆਂ ਵਿੱਦਿਅਕ ਗਤੀਵਿਧੀਆਂ ਕਰਵਾਈਆਂ ਜਾਂਦੀਆਂ ਹਨ ਤਾਂ ਜੋ ਬੱਚੇ ਖ਼ੁਸ਼ਗਵਾਰ ਮਾਹੌਲ ਵਿਚ ਸਿੱਖਦੇ ਹੋਏ ਆਪਣਾ ਸਰਵਪੱਖੀ ਵਿਕਾਸ ਕਰ ਸਕਣ | ਇਹ ਗਤੀਵਿਧੀ ਬੱਚਿਆਂ ਲਈ ਸਿੱਖਣ ਦੇ ਨਾਲ-ਨਾਲ ਖ਼ੁਸ਼ੀ ਤੇ ਉਤਸ਼ਾਹ ਨਾਲ ਭਰਿਆ ਇਕ ਯਾਦਗਾਰ ਅਨੁਭਵ ਰਹੀ |

ਪਿਛਲੀ ਖ਼ਬਰ ਸਰਹੱਦੀ ਪਿੰਡ ਮੌਜਮ 'ਚ ਬੀ.ਐੱਸ.ਐਫ. ਵਲੋਂ ਸਿਵਿਕ ਐਕਸ਼ਨ ਪ੍ਰੋਗਰਾਮ, ਨਸ਼ਿਆਂ ਖ਼ਿਲਾਫ਼ ਦਿੱਤਾ ਸੁਨੇਹਾ <br/> ਅਗਲੀ ਖ਼ਬਰ ਸਚਿਨ ਸੇਠੀ ਦੇ ਸਹਿਯੋਗ ਨਾਲ ਅਰੋੜਾ ਵਿਕਾਸ ਮੰਚ ਨੇ ਲੋੜਵੰਦ ਧੀ ਦੇ ਵਿਆਹ ਲਈ ਦਿੱਤਾ ਰਾਸ਼ਨ <br/>

ਏਾਜਲਸ ਵਰਲਡ ਸਕੂਲ 'ਚ ਨਰਸਰੀ ਦੇ ਬੱਚਿਆਂ ਲਈ 'ਚਿੱਤਰ ਦਾ ਵਿਅੰਜਨ ਨਾਲ ਮਿਲਾਣ' ਗਤੀਵਿਧੀ ਕਰਵਾਈ <br/>

ਸੰਬੰਧਿਤ ਖ਼ਬਰਾਂ