ਫਾਜ਼ਿਲਕਾ / ਅਬੋਹਰ

ਸਰਹੱਦੀ ਪਿੰਡ ਮੌਜਮ 'ਚ ਬੀ.ਐੱਸ.ਐਫ. ਵਲੋਂ ਸਿਵਿਕ ਐਕਸ਼ਨ ਪ੍ਰੋਗਰਾਮ, ਨਸ਼ਿਆਂ ਖ਼ਿਲਾਫ਼ ਦਿੱਤਾ ਸੁਨੇਹਾ <br/>

ਪਿੰਡ ਮੌਜ਼ਮ ਵਿਖੇ ਸਿਵਿਕ ਐਕਸ਼ਨ ਪ੍ਰੋਗਰਾਮ ਦੌਰਾਨ 'ਬਾਰਡਰ ਮੈਨ ਮੈਰਾਥਨ-2026' ਦੇ ਪ੍ਰਤੀਭਾਗੀਆਂ ਨੂੰ ਬੂਟ ਵੰਡਦੇ ਹੋਏ ਬੀ.ਐੱਸ.ਐਫ. ਦੇ ਕਾਰਜਕਾਰੀ ਕਮਾਡੈਂਟ ਗੁੰਜਨ ਸ਼ਾਹ ਤੇ ਹੋਰ ਅਧਿਕਾਰੀ | ਅਜੀਤ ਤਸਵੀਰ <br/> 21-02-2026

ਫ਼ਾਜ਼ਿਲਕਾ, 20 ਫਰਵਰੀ (ਦਵਿੰਦਰ ਪਾਲ ਸਿੰਘ)-ਬੀ. ਐੱਸ. ਐਫ. ਦੀ 19ਵੀਂ ਬਟਾਲੀਅਨ ਵਲੋਂ ਸਰਹੱਦੀ ਪਿੰਡ ਮੌਜ਼ਮ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ 'ਚ ਇਕ ਵਿਸ਼ੇਸ਼ 'ਸਿਵਿਕ ਐਕਸ਼ਨ' ਪ੍ਰੋਗਰਾਮ ਉਲੀਕਿਆ | ਕਾਰਜਕਾਰੀ ਕਮਾਡੈਂਟ ਗੁੰਜਨ ਸ਼ਾਹ ਤੇ ਰਸਦ ਅਧਿਕਾਰੀ ਗੌਰਵ ਯਾਦਵ ਦੀ ਦੇਖ-ਰੇਖ ਹੇਠ ਹੋਏ ਸਮਾਗਮ ਦਾ ਮੁੱਖ ਮਕਸਦ ਸਰਹੱਦੀ ਖੇਤਰ ਦੇ ਨੌਜਵਾਨਾਂ 'ਚ ਫਿਟਨੈੱਸ, ਸਮਾਜਿਕ ਜਾਗਰੂਕਤਾ ਅਤੇ ਆਪਸੀ ਸਹਿਯੋਗ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨਾ ਸੀ | ਪ੍ਰੋਗਰਾਮ 'ਚ ਪਿੰਡ ਮੌਜ਼ਮ ਤੇ ਆਲੇ-ਦੁਆਲੇ ਦੇ ਪਿੰਡਾਂ ਦੇ ਸਰਪੰਚਾਂ, ਸਕੂਲੀ ਬੱਚਿਆਂ ਤੇ ਆਗਾਮੀ 'ਬਾਰਡਰ ਮੈਨ ਮੈਰਾਥਨ 2026' ਦੇ ਪ੍ਰਤੀਯੋਗੀਆਂ ਸਮੇਤ ਕਰੀਬ 80 ਲੋਕਾਂ ਨੇ ਹਿੱਸਾ ਲਿਆ | ਦੱਸਣਯੋਗ ਹੈ ਕਿ ਇਹ ਮੈਰਾਥਨ 22 ਫਰਵਰੀ 2026 ਨੂੰ ਅਟਾਰੀ ਬਾਰਡਰ (ਅੰਮਿ੍ਤਸਰ) ਵਿਖੇ 'ਓਪਸ ਸਿੰਦੂਰ' ਦੀ ਜਿੱਤ ਅਤੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਕਰਵਾਈ ਜਾ ਰਹੀ ਹੈ | ਇਸ ਦੀ ਤਿਆਰੀ ਵਜੋਂ ਬੀ. ਐੱਸ. ਐਫ. ਵਲੋਂ ਦੋੜਾਕਾਂ ਨੂੰ 60 ਜੋੜੀ ਸਪੋਰਟਸ ਬੂਟ ਵੰਡੇ ਗਏ | ਸੁਰੱਖਿਆ ਦੇ ਨਾਲ-ਨਾਲ ਸਮਾਜਿਕ ਜ਼ਿੰਮੇਵਾਰੀ ਨਿਭਾਉਂਦੇ ਹੋਏ ਬੀ. ਐੱਸ. ਐਫ. ਅਧਿਕਾਰੀਆਂ ਨੇ ਪਿੰਡ ਵਾਸੀਆਂ ਨੂੰ ਨਸ਼ਿਆਂ, ਨਸ਼ੀਲੇ ਪਦਾਰਥਾਂ ਅਤੇ ਨਾਜਾਇਜ਼ ਹਥਿਆਰਾਂ ਦੇ ਮਾਰੂ ਪ੍ਰਭਾਵਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ | ਅਧਿਕਾਰੀਆਂ ਨੇ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿ ਕੇ ਖੇਡਾਂ ਰਾਹੀਂ ਆਪਣੀ ਊਰਜਾ ਨੂੰ ਸਕਾਰਾਤਮਿਕ ਪਾਸੇ ਲਾਉਣ ਲਈ ਪ੍ਰੇਰਿਤ ਕੀਤਾ | ਬੀ. ਐੱਸ. ਐਫ. ਨੇ ਸਰਹੱਦੀ ਖੇਤਰ ਦੇ ਮੁੰਡੇ-ਕੁੜੀਆਂ ਦੇ ਉਤਸ਼ਾਹ ਦੀ ਵਿਸ਼ੇਸ਼ ਸ਼ਲਾਘਾ ਕੀਤੀ | ਪਿੰਡ ਵਾਸੀਆਂ ਨੇ ਬੀ. ਐੱਸ. ਐਫ. ਦੀ ਇਸ ਪਹਿਲਕਦਮੀ ਦੀ ਭਰਪੂਰ ਸ਼ਲਾਘਾ ਕੀਤੀ | ਪ੍ਰੋਗਰਾਮ ਦੇ ਅੰਤ 'ਚ ਸਾਰਿਆਂ ਲਈ ਸਨੈਕਸ ਤੇ ਚਾਹ-ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ, ਜਿਸ ਨਾਲ ਸੁਰੱਖਿਆ ਬਲਾਂ ਤੇ ਆਮ ਲੋਕਾਂ ਵਿਚਕਾਰ ਵਿਸ਼ਵਾਸ ਦਾ ਰਿਸ਼ਤਾ ਹੋਰ ਮਜ਼ਬੂਤ ਹੋਇਆ | ਇਹ ਆਯੋਜਨ ਸਪਸ਼ਟ ਕਰਦਾ ਹੈ ਕਿ ਰਾਸ਼ਟਰੀ ਸੁਰੱਖਿਆ ਤੇ ਸਮਾਜਿਕ ਭਲਾਈ ਇਕ-ਦੂਜੇ ਦੇ ਪੂਰਕ ਹਨ |

ਪਿਛਲੀ ਖ਼ਬਰ ਬੁੱਲੇ ਸ਼ਾਹ ਬਾਰੇ ਸੁਰਜੀਤ ਸਿੱਧੂ ਦੇ ਲਿਖੇ ਤੇ ਜੱਜ ਸਿੰਘ ਸੰਧੂ ਦੇ ਗਾਏ ਗੀਤ ਦਾ ਕੀਤਾ ਫ਼ਿਲਮਾਂਕਣ <br/> ਅਗਲੀ ਖ਼ਬਰ ਏਾਜਲਸ ਵਰਲਡ ਸਕੂਲ 'ਚ ਨਰਸਰੀ ਦੇ ਬੱਚਿਆਂ ਲਈ 'ਚਿੱਤਰ ਦਾ ਵਿਅੰਜਨ ਨਾਲ ਮਿਲਾਣ' ਗਤੀਵਿਧੀ ਕਰਵਾਈ <br/>

ਸਰਹੱਦੀ ਪਿੰਡ ਮੌਜਮ 'ਚ ਬੀ.ਐੱਸ.ਐਫ. ਵਲੋਂ ਸਿਵਿਕ ਐਕਸ਼ਨ ਪ੍ਰੋਗਰਾਮ, ਨਸ਼ਿਆਂ ਖ਼ਿਲਾਫ਼ ਦਿੱਤਾ ਸੁਨੇਹਾ <br/>

ਸੰਬੰਧਿਤ ਖ਼ਬਰਾਂ