ਡੇਰਾ ਪੀਰ ਸ਼ਾਹ ਸ਼ੰਮਦ ਤਬਰੇਜ਼ ਦਾ ਸਾਲਾਨਾ ਉਤਸਵ ਧੂਮਧਾਮ ਨਾਲ ਸਮਾਪਤ
ਫ਼ਾਜ਼ਿਲਕਾ, 24 ਸਤੰਬਰ(ਦਵਿੰਦਰ ਪਾਲ ਸਿੰਘ)- ਫ਼ਾਜ਼ਿਲਕਾ ਦੀ ਗਲੀ ਸ਼ਾਹ ਸ਼ੰਮਦ ਤਬਰੇਜ਼ ਸਥਿਤ ਡੇਰਾ ਪੀਰ ਸ਼ਾਹ ਸ਼ੰਮਦ ਤਬਰੇਜ਼ ਦਾ ਸਾਲਾਨਾ ਉਤਸਵ ਬੜੀ ਸ਼ਰਧਾ ਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਡੇਰਾ ਸੰਚਾਲਕ ਬਾਬਾ ਫੁੱਲਾ, ਸੇਵਾਦਾਰ ਵਿਕਰਮ ਵਰਮਾ ਢਲ ਅਤੇ ਧਰਮਪਾਲ ਢਲ ਨੇ ਦੱਸਿਆ ਕਿ ਦੁਪਹਿਰ ਵੇਲੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਸ਼ੋਭਾ ਯਾਤਰਾ ਕੱਢੀ ਗਈ।
ਫ਼ਾਜ਼ਿਲਕਾ, 24 ਸਤੰਬਰ(ਦਵਿੰਦਰ ਪਾਲ ਸਿੰਘ)- ਫ਼ਾਜ਼ਿਲਕਾ ਦੀ ਗਲੀ ਸ਼ਾਹ ਸ਼ੰਮਦ ਤਬਰੇਜ਼ ਸਥਿਤ ਡੇਰਾ ਪੀਰ ਸ਼ਾਹ ਸ਼ੰਮਦ ਤਬਰੇਜ਼ ਦਾ ਸਾਲਾਨਾ ਉਤਸਵ ਬੜੀ ਸ਼ਰਧਾ ਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਡੇਰਾ ਸੰਚਾਲਕ ਬਾਬਾ ਫੁੱਲਾ, ਸੇਵਾਦਾਰ ਵਿਕਰਮ ਵਰਮਾ ਢਲ ਅਤੇ ਧਰਮਪਾਲ ਢਲ ਨੇ ਦੱਸਿਆ ਕਿ ਦੁਪਹਿਰ ਵੇਲੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਸ਼ੋਭਾ ਯਾਤਰਾ ਕੱਢੀ ਗਈ। ਰਾਤ ਨੂੰ ਸਜਾਏ ਗਏ ਦੀਵਾਨ ਵਿਚ ਵਾਰਡ ਨੰਬਰ 15 ਦੇ ਕੌਂਸਲਰ ਅੰਕੁਸ਼ ਫੁਟੇਲਾ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਦੌਰਾਨ ਜਲਾਲਾਬਾਦ ਤੋਂ ਧਰਮਿੰਦਰ ਵਰਮਾ, ਭਜਨ ਗਾਇਕਾ ਪਾਇਲ ਵਰਮਾ ਤੇ ਲੁਧਿਆਣਾ ਤੋਂ ਨਰਿੰਦਰ ਸਚਦੇਵਾ ਨੇ ਪੀਰ ਜੀ ਦੀ ਮਹਿਮਾ ਦਾ ਗੁਣਗਾਨ ਕਰਕੇ ਸ਼ਰਧਾਲੂਆਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੱਤਾ। ਸਮਾਗਮ ਵਿਚ ਫ਼ਿਰੋਜ਼ਪੁਰ, ਅਬੋਹਰ, ਮੋਗਾ, ਮਲੋਟ ਤੇ ਸਿਰਸਾ ਤੋਂ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਨਤਮਸਤਕ ਹੋਏ।
