ਅੰਮਿ੍ਤਸਰ, 9 ਮਾਰਚ (ਰਾਜੇਸ਼ ਕੁਮਾਰ ਸ਼ਰਮਾ)-ਬ੍ਰਹਮਾ ਕੁਮਾਰੀ ਈਸ਼ਵਰੀਆ ਵਿਸ਼ਵ ਵਿਦਿਆਲਿਆ ਦੇ ਅੰਮਿ੍ਤਸਰ ਸੇਵਾ ਕੇਂਦਰ ਨੇ ਵਿਦਿਆ ਸਾਗਰ ਮਾਨਸਿਕ ਸਿਹਤ ਸੰਸਥਾ ਵਿਖੇ ਰਾਜਯੋਗ ਰਾਹੀਂ ਮਨ ਨੂੰ ਮਜ਼ਬੂਤ ਕਰਨ ਦੇ ਤਰੀਕੇ 'ਤੇ ਇਕ ਅਧਿਆਤਮਿਕ ਪ੍ਰੋਗਰਾਮ ਕਰਵਾਇਆ, ਜਿਸ 'ਚ ਨਰਸਿੰਗ ਸਿਖਲਾਈ ਲਈ ਆਏ ਪੰਜਾਬ, ਹਰਿਆਣਾ ਅਤੇ ਉੱਤਰ ਪ੍ਰਦੇਸ਼ ਦੇ ਲਗਭਗ 150 ਵਿਦਿਆਰਥੀਆਂ ਨੇ ਹਿੱਸਾ ਲਿਆ | ਡਾ. ਮੋਨਿਕਾ ਅਤੇ ਬ੍ਰਹਮਾ ਕੁਮਾਰ ਪਵਨ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਆਪਣੇ ਆਪ ਨੂੰ ਅਤੇ ਪਰਮਾਤਮਾ ਦੀ ਅਸਲ ਪਛਾਣ ਨੂੰ ਸਮਝਣ ਨਾਲ ਸਾਡਾ ਮਨ ਬਹੁਤ ਸ਼ਕਤੀਸ਼ਾਲੀ ਹੋ ਜਾਂਦਾ ਹੈ ਅਤੇ ਕਿਸੇ ਵੀ ਸਥਿਤੀ 'ਚ ਭਟਕਾਏ ਬਿਨਾਂ ਹਰ ਸਮੱਸਿਆ ਨੂੰ ਦੂਰ ਕਰ ਲੈਂਦਾ ਹੈ | ਮਨ ਨੂੰ ਸ਼ਕਤੀਸ਼ਾਲੀ ਬਣਾਉਣ ਲਈ ਡਾ. ਮੋਨਿਕਾ ਨੇ ਸਾਨੂੰ ਆਪਣੇ ਆਪ ਅਤੇ ਪਰਮਾਤਮਾ ਦੀ ਅਸਲ ਪਛਾਣ ਦੇ ਕੇ ਰਾਜਯੋਗ ਦਾ ਅਭਿਆਸ ਕਰਵਾਇਆ |
