ਅੰਮਿ੍ਤਸਰ, 28 ਅਪ੍ਰੈਲ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਸਹੋਦਿਆ ਸਕੂਲ ਕੰਪਲੈਕਸ ਦੀ ਸਰਪ੍ਰਸਤੀ ਹੇਠ ਸਟਾਲਵਰਟਸ ਸਕੂਲ ਵਲੋਂ ਕਰਵਾਏ ਗਏ ਇੰਟਰ-ਸਕੂਲ ਸਾਈਕਾਲੋਜੀ ਸੰਮੇਲਨ 'ਦ ਸਾਈਕੀ ਸਮਿਟ' ਦੌਰਾਨ ਸਪਰਿੰਗ ਡੇਲ ਸਕੂਲ ਦੇ ਵਿਦਿਆਰਥੀਆਂ ਨੇ ਅੰਮਿ੍ਤਸਰ ਖੇਤਰ ਦੇ ਸਕੂਲਾਂ ਲਈ ਆਯੋਜਿਤ ਇਸ ਜ਼ਿਲ੍ਹਾ ਪੱਧਰੀ ਮੁਕਾਬਲੇ 'ਚ ਲਗਾਤਾਰ ਦੂਜੇ ਸਾਲ ਵੀ ਓਵਰਆਲ ਜੇਤੂ ਟਰਾਫੀ ਆਪਣੇ ਕੋਲ ਰੱਖਦਿਆਂ ਆਪਣੀ ਕਾਬਲੀਅਤ ਸਾਬਤ ਕੀਤੀ | ਸਪਰਿੰਗ ਡੇਲ ਐਜੂਕੇਸ਼ਨਲ ਸੁਸਾਇਟੀ ਦੇ ਚੇਅਰਮੈਨ ਸਾਹਿਲਜੀਤ ਸਿੰਘ ਸੰਧੂ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਸਪਰਿੰਗ ਡੇਲ ਸੀਨੀਅਰ ਸਕੂਲ ਦੀ ਟੀਮ ਨੇ ਪੂਰੇ ਅੰਮਿ੍ਤਸਰ ਖੇਤਰ ਦੀਆਂ ਟੀਮਾਂ ਨਾਲ ਮੁਕਾਬਲਾ ਕਰਦਿਆਂ ਓਵਰਆਲ ਜੇਤੂ ਦੀ ਚਮਕਦਾਰ ਟਰਾਫੀ ਜਿੱਤੀ ਹੈ, ਜੋ ਕਿ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਰਗਦਰਸ਼ਕ ਅਧਿਆਪਕਾਂ ਲਈ ਇਕ ਸ਼ਾਨਦਾਰ ਪ੍ਰਾਪਤੀ ਹੈ | ਸੰਧੂ ਨੇ ਕਿਹਾ ਕਿ 'ਦ ਸਾਈਕੀ ਸਮਿਟ' ਨਾਮੀ ਇਹ ਮੁਕਾਬਲਾ 'ਦ ਕਾਂਸ਼ੀਅਸ ਅਰਥ-ਸਾਈਕਾਲੋਜੀ ਮੀਟਸ ਇਨਵਾਇਰਨਮੈਂਟ' ਦੇ ਥੀਮ 'ਤੇ ਅਧਾਰਤ ਸੀ, ਜਿਸ 'ਚ ਬਹਿਸ, ਕਵਿਤਾ, ਮਿਊਰਲ ਮੇਕਿੰਗ ਅਤੇ ਮਾਡਲ ਮੇਕਿੰਗ ਵਰਗੇ ਮੁਕਾਬਲੇ ਸ਼ਾਮਲ ਸਨ | ਪਿ੍ੰ: ਰਾਜੀਵ ਕੁਮਾਰ ਸ਼ਰਮਾ ਨੇੇ ਕਿਹਾ ਕਿ ਸਪਰਿੰਗ ਡੇਲ ਸੀਨੀਅਰ ਸਕੂਲ ਨੂੰ ਹਮੇਸ਼ਾ ਆਪਣੇ ਸਹਿ-ਪਾਠਕ੍ਰਮ ਪ੍ਰੋਗਰਾਮ 'ਤੇ ਮਾਣ ਰਿਹਾ ਹੈ ਜੋ ਕਿ ਮੁੱਖ ਅਕਾਦਮਿਕ ਪੜ੍ਹਾਈ ਦੇ ਬਰਾਬਰ ਹੀ ਚੱਲਦਾ ਹੈ |
