ਨਿਪਾਲ ਫ਼ੌਜ ਦੇ ਲੈਫਟੀਨੈਂਟ ਜਨਰਲ ਗਣੇਸ਼ ਕੁਮਾਰ ਸ੍ਰੀ ਦੁਰਗਿਆਣਾ ਮੰਦਰ ਵਿਖੇ ਨਤਮਸਤਕ ਹੋਏ

ਅੰਮ੍ਰਿਤਸਰ, 26 ਜੁਲਾਈ (ਰਾਜੇਸ਼ ਕੁਮਾਰ ਸ਼ਰਮਾ)-ਨਿਪਾਲ ਫੌਜ ਦੇ ਲੈਫਟੀਨੈਂਟ ਜਨਰਲ ਗਣੇਸ਼ ਕੁਮਾਰ ਨੇ ਸ੍ਰੀ ਦੁਰਗਿਆਣਾ ਮੰਦਰ ਵਿਖੇ ਨਤਮਸਤਕ ਹੋਏ। ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਪ੍ਰੋ. ਲਕਸ਼ਮੀਕਾਂਤਾ ਚਾਵਲਾ ਨੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ। ਲੈਫਟੀਨੈਂਟ ਜਨਰਲ ਨੇ ਸ੍ਰੀ ਲਕਸ਼ਮੀ ਨਰਾਇਣ ਮੰਦਰ, ਸ੍ਰੀ ਰਾਮ ਦਰਬਾਰ ਅਤੇ ਸ੍ਰੀ ਰਾਧਾ ਕ੍ਰਿਸ਼ਨ ਮੰਦਰ ‘ਚ ਮੱਥਾ ਟੇਕਿਆ ਅਤੇ ਅਸ਼ੀਰਵਾਦ ਪ੍ਰਾਪਤ ਕੀਤਾ। ਉਨ੍ਹਾਂ ਕਿਹਾ ਕਿ ਮੰਦਰ ‘ਚ ਆ ਕੇ ਉਨ੍ਹਾਂ ਨੂੰ ਆਤਮਿਕ ਮਹਿਸੂਸ ਹੋਇਆ ਹੈ। ਇਸ ਦੌਰਾਨ ਉਨ੍ਹਾਂ ਪ੍ਰੋ. ਚਾਵਲਾ ਵਲੋਂ ਕੀਤੇ ਜਾ ਰਹੇ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਨੂੰ ਨਿਪਾਲ ਆਉਣ ਦਾ ਸੱਦਾ ਵੀ ਦਿੱਤਾ। ਅਖ਼ੀਰ ‘ਚ ਕਮੇਟੀ ਵਲੋਂ ਪ੍ਰੋ. ਚਾਵਲਾ ਨੇ ਲੈਫਟੀਨੈਂਟ ਜਨਰਲ ਗਣੇਸ਼ ਕੁਮਾਰ ਨੂੰ ਸਿਰੋਪਾਓ ਤੇ ਯਾਦਗਿਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਵੀ ਕੀਤਾ। ਇਸ ਮੌਕੇ ਸਰਪ੍ਰਸਤ ਡਾ: ਰਾਕੇਸ਼ ਸ਼ਰਮਾ, ਵਿਧੂ ਪੁਰੀ, ਅਨਿਲ ਕੁਮਾਰ ਇੰਸਪੈਕਟਰ, ਸੰਜੀਵ ਸੋਢੀ, ਵਿਜੇ ਖੰਨਾ, ਜਿਆਲਾਲ, ਲਲਿਤ ਚੰਡੋਕ, ਬਲਦੇਵ ਸਿੰਘ, ਮਾਲਾ ਚਾਵਲਾ, ਲੋਕੇਸ਼ ਵਾਲੀਆ, ਅਸ਼ਵਨੀ ਬੱਤਰਾ, ਅਸ਼ਵਨੀ ਕੁਮਾਰ, ਐਡਵੋਕੇਟ ਵਿਪੁਲ ਨਾਗੀ ਆਦਿ ਵੀ ਹਾਜ਼ਰ ਸਨ।