ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨਾਲ ਬਦਸਲੂਕੀ ਕਰਨ ਵਾਲੇ ਵਿਅਕਤੀ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ -ਐੱਸ. ਡੀ. ਓ. ਜਰਨੈਲ ਸਿੰਘ ਮਾਮਲਾ ਵੱਧ ਪਾਈ ਗਈ ਰੀਡਿੰਗ ਦਾ

ਵ

ਵਿਅਕਤੀ ਵਲੋਂ ਕੀਤੀ ਗਈ ਗਾਲੀ ਗਲੋਚ ਬਾਰੇ ਪ੍ਰੈੱਸ ਨੂੰ ਜਾਣਕਾਰੀ ਦੇਣ ਸਮੇਂ ਐੱਸ. ਡੀ. ਓ. ਜਰਨੈਲ ਸਿੰਘ, ਜੇ. ਈ. ਲਖਵਿੰਦਰ ਸਿੰਘ, ਜਤਿੰਦਰ ਮਸੀਹ ਤੇ ਹੋਰ। ਤਸਵੀਰ : ਜੱਸਾ ਅਨਜਾਣ 21-08-2026

ਚੱਬਾ, 20 ਅਗਸਤ (ਜੱਸਾ ਅਨਜਾਣ)-ਅੰਮ੍ਰਿਤਸਰ-ਤਰਨਤਾਰਨ ਰੋਡ ਅੱਡਾ ਗੁਰੂਵਾਲੀ ਨੇੜੇ ਸਬ-ਡਵੀਜ਼ਨ ਕੋਟ ਮਿੱਤ ਸਿੰਘ ਵਿਖੇ ਬੀਤੇ ਦਿਨੀਂ ਪਾਵਰਕਾਮ ਦੇ ਅਧਿਕਾਰੀਆਂ ਨਾਲ ਇਕ ਵਿਅਕਤੀ ਵਲੋਂ ਕੀਤੀ ਗਈ ਗਾਲੀ-ਗਲੋਚ ਅਤੇ ਬਦਸਲੂਕੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਹੋਈ ਬਦਸਲੂਕੀ ਬਾਰੇ ਸਬ-ਡਵੀਜ਼ਨ ਦੇ ਐੱਸ.ਡੀ.ਓ . ਜਰਨੈਲ ਸਿੰਘ ਨੇ ਪ੍ਰੈਸ ਨੂੰ ਜਾਣਕਾਰੀ ਦੇਂਦਿਆਂ ਦੱਸਿਆ ਕਿ ਹਰਜੀਤ ਸਿੰਘ ਪੁੱਤਰ ਮਦਨ ਸਿੰਘ ਵਾਸੀ ਮੂਲੇ ਚੱਕ ਬੀਤੇ ਕੱਲ੍ਹ ਸਬ- ਡਵੀਜ਼ਨ ਦੇ ਦਫ਼ਤਰ ਵਿਚ ਆਪਣੇ ਭਰਾ ਨਾਲ ਪੁੱਜਾ ਜੋ ਆਪਣੇ ਭਰਾ ਦੀ ਆਟੇ ਵਾਲੀ ਚੱਕੀ ਦਾ ਬਿੱਲ ਗਲਤ ਆਉਣ ਦੀ ਨਰਾਜ਼ਗੀ ਤੋਂ ਗੁੱਸੇ ‘ਚ ਆਉਂਦਿਆਂ ਤੇ ਗੁੰਡਾਗਰਦੀ ਦਾ ਨੰਗਾ ਨਾਚ ਨੱਚਦਿਆਂ ਉਸ ਨੇ ਪਾਵਰਕਾਮ ਦੇ ਅਧਿਕਾਰੀਆਂ ਨਾਲ ਗਾਲੀ ਗਲੋਚ ਕੀਤਾ ਤਾਂ ਇਕ ਅਧਿਕਾਰੀ ਦਾ ਫੋਨ ਵੀ ਖੋਹ ਲਿਆ। ਮੈਂ ਉਸ ਨੂੰ ਪਿਆਰ ਨਾਲ ਸਮਝਾਇਆ ਕਿ ਮੈਨੂੰ ਐਕਸੀਅਨ ਸਾਬ ਦਾ ਫੋਨ ਆਇਆ ਸੀ ਤੁਹਾਡੇ ਬਿੱਲ ਦੀ ਰੀਡਿੰਗ ਬਾਰੇ ਅਸੀਂ ਦੇਖ ਕੇ ਠੀਕ ਕਰ ਦਿੱਤਾ ਹੈ ਪਰ ਉਹ ਵਿਅਕਤੀ ਨਹੀਂ ਮੰਨਿਆ ਉਹ ਸਾਡੇ ਹਾਜ਼ਰ ਮੁਲਾਜ਼ਮਾਂ ਨੂੰ ਉੱਚਾ-ਨੀਵਾਂ ਬੋਲਿਆ ਤੇ ਸਿਆਸੀ ਦਬਾਅ ਦਿਖਾਉਂਦਾ ਹੋਇਆ ਥਾਣਾ ਚਾਟੀਵਿੰਡ ਵਿਖੇ ਪੁੱਜ ਕੇ ਸਾਡੇ ਖਿਲਾਫ ਹੀ ਦਰਖ਼ਾਸਤ ਦੇ ਆਇਆ । ਸਾਡੇ ਮੁਲਾਜ਼ਮ ਵੀ ਹਰਜੀਤ ਸਿੰਘ ਵਲੋਂ ਕੀਤੀ ਗਈ ਗਾਲੀ ਗਲੋਚ ਬਾਰੇ ਐੱਸ.ਐੱਚ.ਓ. ਹਰਚੰਦ ਸਿੰਘ ਨੂੰ ਲਿਖਤੀ ਦਰਖ਼ਾਸਤ ਲਿਖਵਾ ਆਏ । ਇਸ ਮੌਕੇ ਐੱਸ ਡੀ. ਓ. ਜਰਨੈਲ ਸਿੰਘ, ਜੇ. ਈ. ਲਖਵਿੰਦਰ ਸਿੰਘ ਜੇ.ਈ. ਬਿਕਰਮਜੀਤ ਸਿੰਘ, ਜੇ.ਈ. ਸੁਖਚੈਨ ਸਿੰਘ, ਜੇ. ਈ.-1, ਸੁਖਵਿੰਦਰ ਸਿੰਘ, ਏ. ਜੇ. ਈ. ਜਤਿੰਦਰ ਮਸੀਹ ਆਦਿ ਨੇ ਪੁਲਿਸ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ ਅਤੇ ਥਾਣਾ ਚਾਟੀਵਿੰਡ ਦੇ ਮੁਖੀ ਕੋਲੋਂ ਇਨਸਾਫ਼ ਦੀ ਮੰਗ ਕਰਦਿਆਂ ਕਿਹਾ ਕਿ ਪਾਵਰਕਾਮ ਦੇ ਅਧਿਕਾਰੀਆਂ ਨਾਲ ਬਦਸਲੂਕੀ ਕਰਨ ਵਾਲੇ ਵਿਅਕਤੀ ਖਿਲਾਫ ਸਖ਼ਤ ਕਾਰਵਾਈ ਕਰਕੇ ਸਾਨੂੰ ਇਨਸਾਫ਼ ਦੁਆਇਆ ਜਾਵੇ। ਇਸ ਮਾਮਲੇ ਦੀ ਕਾਰਵਾਈ ਬਾਰੇ ਅਸੀਂ ਐੱਸ .ਐੱਚ. ਓ. ਹਰਚੰਦ ਸਿੰਘ ਨਾਲ ਫੋਨ ‘ਤੇ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਨੇ ਸਾਡਾ ਫੋਨ ਚੁੱਕਣਾ ਮੁਨਾਸਿਬ ਨਹੀਂ ਸਮਝਿਆ। ਬਾਅਦ ਵਿਚ ਅਸੀਂ ਹਰਜੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਸਾਡੇ ਮੀਟਰ ਦੀ ਮੁਲਾਜ਼ਮਾਂ ਵਲੋਂ ਰੀਡਿੰਗ ਜ਼ਿਆਦਾ ਪਾਈ ਗਈ ਸੀ। ਅਸੀਂ ਇਨ੍ਹਾਂ ਨੂੰ ਚਾਰ ਮਹੀਨੇ ਤੋਂ ਠੀਕ ਕਰਨ ਲਈ ਕਹਿ ਰਹੇ ਹਾਂ ਪਰ ਇਨ੍ਹਾਂ ਵਲੋਂ ਹਰ ਵਾਰ ਟਾਲ ਮਟੋਲ ਕੀਤਾ ਜਾਂਦਾ ਸੀ। ਮੈਂ ਇਨ੍ਹਾਂ ਮੁਲਾਜ਼ਮਾਂ ਨਾਲ ਕੋਈ ਗਾਲੀ ਗਲੋਚ ਨਹੀਂ ਕੀਤਾ।

ਪਿਛਲੀ ਖ਼ਬਰ ਭਾਰਤੀਯ ਵਪਾਰ ਮੰਡਲ (ਰਜ਼ਿ.) ਨੇ ਭਾਜਪਾ ਆਗੂਆਂ ਦੇ ਸਨਮਾਨ ’ਚ ਕਰਵਾਇਆ ਸਮਾਰੋਹ ਅਗਲੀ ਖ਼ਬਰ ਗਲੋਬਲ ਇੰਸਟੀਚਿਊਟ ’ਚ 2026 ਦੇ ਨਵੇਂ ਸੈਸ਼ਨ ਲਈ ਵੱਖ-ਵੱਖ ਕੋਰਸਾਂ ਵਿਚ ਵਿਦਿਆਰਥੀ 14 ਤੱਕ ਲੈ ਸਕਣਗੇ ਦਾਖ਼ਲ-ਡਾਇਰੈਕਟਰ ਬ...

ਸੰਬੰਧਿਤ ਖ਼ਬਰਾਂ