ਭਗਵਾਨ ਵਾਲਮੀਕਿ ਜੀ ਦੇ ਪ੍ਰਗਟ ਦਿਵਸ ਦੇ ਸੰਬੰਧ ’ਚ ਹਵਨ ਯੱਗ ਕੀਤਾ
ਅੰਮ੍ਰਿਤਸਰ, 20 ਅਕਤੂਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਭਗਵਾਨ ਵਾਲਮੀਕਿ ਜੀ ਦੇ ਪਵਿੱਤਰ ਪ੍ਰਗਟ ਦਿਵਸ ਦੇ ਸੰਬੰਧ ’ਚ ਵਾਲਮੀਕਿ ਨੌਜਵਾਨ ਭਲਾਈ ਸਭਾ ਅਜੀਤ ਨਗਰ ਮੰਦਰ ਵਿਖੇ ਵਿਸ਼ਵ ਸ਼ਾਂਤੀ ਲਈ ਹਵਨ ਯੱਗ ਕੀਤਾ ਗਿਆ। ਇਹ ਹਵਨ ਯੱਗ ਪ੍ਰਧਾਨ ਬੱਬੀ ਪਹਿਲਵਾਨ ਅਤੇ ਰਮੇਸ਼ ਕੁਮਾਰ ਗਿੱਲ ਦੀ ਅਗਵਾਈ ਹੇਠ ਕਰਵਾਇਆ ਗਿਆ।
ਅੰਮ੍ਰਿਤਸਰ, 20 ਅਕਤੂਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਭਗਵਾਨ ਵਾਲਮੀਕਿ ਜੀ ਦੇ ਪਵਿੱਤਰ ਪ੍ਰਗਟ ਦਿਵਸ ਦੇ ਸੰਬੰਧ ’ਚ ਵਾਲਮੀਕਿ ਨੌਜਵਾਨ ਭਲਾਈ ਸਭਾ ਅਜੀਤ ਨਗਰ ਮੰਦਰ ਵਿਖੇ ਵਿਸ਼ਵ ਸ਼ਾਂਤੀ ਲਈ ਹਵਨ ਯੱਗ ਕੀਤਾ ਗਿਆ। ਇਹ ਹਵਨ ਯੱਗ ਪ੍ਰਧਾਨ ਬੱਬੀ ਪਹਿਲਵਾਨ ਅਤੇ ਰਮੇਸ਼ ਕੁਮਾਰ ਗਿੱਲ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਵਾਲਮੀਕਿ ਸਮਾਜ ਦੇ ਰਾਸ਼ਟਰੀ ਧਾਰਮਿਕ ਵਿਦਵਾਨ ਸਵਾਮੀ ਹੈਪੀ ਦਾਸ ਭੀਲ ਨੇ ਹਵਨ ਯੱਗ ’ਚ ਵਿਸ਼ੇਸ਼ ਤੌਰ ’ਤੇ ਹਿੱਸਾ ਲਿਆ ਅਤੇ ਭਗਵਾਨ ਵਾਲਮੀਕਿ ਮਹਾਰਾਜ ਜੀ ਦੇ ਸ਼ਬਦਾਂ ਦਾ ਪਾਠ ਕਰਕੇ ਹਵਨ ਯੱਗ ਕੀਤਾ। ਇਸ ਮੌਕੇ ਬਲਬੀਰ ਸਿੰਘ ਬੱਬੀ ਪਹਿਲਵਾਨ ਅਤੇ ਪ੍ਰਧਾਨ ਰਮੇਸ਼ ਕੁਮਾਰ ਗਿੱਲ ਨੇ ਕਿਹਾ ਕਿ 26 ਅਕਤੂਬਰ 2026 ਨੂੰ ਭਗਵਾਨ ਵਾਲਮੀਕਿ ਮਹਾਰਾਜ ਜੀ ਦਾ ਪ੍ਰਗਟ ਉਤਸਵ ਪੂਰੀ ਦੁਨੀਆ ’ਚ ਬਹੁਤ ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਹੈ। ਇਸੇ ਸੰਬੰਧ ’ਚ ਕਮੇਟੀ ਨੇ ਵਿਸ਼ਵ ਸ਼ਾਂਤੀ ਲਈ ਭਗਵਾਨ ਵਾਲਮੀਕਿ ਦੁਆਰਾ ਰਚਿਤ ਪਵਿੱਤਰ ਯੋਗ ਵਸ਼ਿਸ਼ਠ ਮਹਾਰਾਮਾਇਣ ‘ਤੇ ਅਧਾਰਤ ਹਵਨ ਯੱਗ ਕੀਤਾ। ਉਨ੍ਹਾਂ ਕਿਹਾ ਕਿ ਹਰ ਸਾਲ ਕਮੇਟੀ ਵਲੋਂ ਪਵਿੱਤਰ ਪ੍ਰਗਟ ਦਿਵਸ ’ਤੇ ਜਲੂਸ ਵੀ ਕੱਢਿਆ ਜਾਂਦਾ ਹੈ ਅਤੇ ਸੰਗਤ ਲਈ ਲੰਗਰ ਦਾ ਵਿਸ਼ੇਸ਼ ਪ੍ਰਬੰਧ ਵੀ ਕੀਤਾ ਜਾਂਦਾ ਹੈ। ਇਸ ਮੌਕੇ ਮਹੰਤ ਅਸ਼ੋਕ ਕੁਮਾਰ, ਬਾਬਾ ਕਰਨ ਦਾਸ, ਸੋਮਨਾਥ, ਤਰਸੇਮ ਗਿੱਲ, ਕੈਸ਼ੀਅਰ ਰਾਜਕੁਮਾਰ, ਜਨਰਲ ਸਕੱਤਰ, ਉਪ ਪ੍ਰਧਾਨ ਟੋਨੀ ਬੰਟੀ, ਹਰਵਿੰਦਰ ਕੁਮਾਰ, ਬਬਲੂ ਕੁਨਾਲ, ਅਸ਼ੋਕ ਕੁਮਾਰ ਰਾਣਾ, ਸੰਨੀ ਨੰਦਾ, ਰੋਹਿਤ ਸੱਭਰਵਾਲ, ਸੰਜੀਵ ਸੱਭਰਵਾਲ, ਨੀਰਜ ਗਿੱਲ, ਬੰਟੀ ਅਟਵਾਲ ਹਾਜ਼ਰ ਸਨ।
