ਖੇਮਕਰਨ, 7 ਮਾਰਚ (ਰਾਕੇਸ਼ ਬਿੱਲਾ)-'ਆਪ' ਦੀ ਅਮਰਕੋਟ ਰੈਲੀ ਵਿਚ ਖੇਮਕਰਨ ਤੋੋਂ ਸ਼ਾਮਿਲ ਹੋਣ ਲਈ ਨਗਰ ਪੰਚਾਇਤ ਖੇਮਕਰਨ ਦੇ ਜੂਨੀਅਰ ਮੀਤ ਪ੍ਰਧਾਨ ਜਥੇਦਾਰ ਕਿੱਕਰ ਸਿੰਘ ਚੱਠੂ ਦੀ ਅਗਵਾਈ ਹੇਠ ਵਰਕਰਾਂ ਦਾ ਭਾਰੀ ਜਥਾ ਰਵਾਨਾ ਹਇਆ | ਜਿਨ੍ਹਾਂ 'ਚ ਸਰਵਨ ਸਿੰਘ ਪੰਨੂੰ, ਅੱਛਰ ਸਿੰਘ ਬਾਜਵਾ, ਮੋਤੀ ਲਾਲ ਚਾਵਲਾ, ਕੌਂਸਲਰ ਬੰਟੀ ਅਰੋੜਾ, ਅਮਰਜੀਤ ਬੱਬੂ ਤੇ ਜਾਗੀਰ ਸਿੰਘ, ਸੁਖਵਿੰਦਰ ਸਿੰਘ ਕੰਬੋਜ ਸਮੇਤ ਅਨੇਕਾਂ ਸ਼ਹਿਰ ਵਾਸੀ ਹਾਜ਼ਰ ਸਨ | ਇਸ ਮੌਕੇ ਜਥੇਦਾਰ ਕਿੱਕਰ ਸਿੰਘ ਚੱਠੂ ਨੇ ਕਿਹਾ ਕਿ 'ਆਪ' ਸਰਕਾਰ ਵਲੋਂ ਕਰਵਾਈ ਜਾ ਰਹੀ ਰੈਲੀ ਪ੍ਰਤੀ ਲੋਕਾਂ ਵਿਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ ਅਤੇ ਵੱਡੀ ਗਿਣਤੀ ਵਿਚ ਲੋਕ ਰੈਲੀ ਵਿਚ ਸ਼ਾਮਿਲ ਹੋ ਰਹੇ ਹਨ |
