ਤਰਨ ਤਾਰਨ, 2 ਮਈ (ਹਰਿੰਦਰ ਸਿੰਘ)-ਬਾਬਾ ਬੀਰ ਸਿੰਘ ਸਪੋਰਟਸ ਕਲੱਬ ਢੋਟੀਆਂ ਵਲੋਂ ਚਾਰ ਰੋਜਾ ਸਲਾਨਾ ਕ੍ਰਿਕਟ ਟੂਰਨਾਮੈਂਟ ਸਪੋਰਟਸ ਸਟੇਡੀਅਮ ਢੋਟੀਆਂ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਜਿਸ ਦਾ ਰਸਮੀ ਉਦਘਾਟਨ ਜ਼ਿਲ੍ਹਾ ਸਪੋਰਟਸ ਕਮੇਟੀ ਦੇ ਪ੍ਰਧਾਨ ਅੰਤਰ ਰਾਸ਼ਟਰੀ ਹੈਡਬਾਲ ਕੋਚ ਸਰੂਪ ਸਿੰਘ ਢੋਟੀਆਂ ਵਲੋਂ ਕੀਤਾ ਗਿਆ | ਉਨ੍ਹਾਂ ਦੱਸਿਆ ਕਿ ਟੂਰਨਾਮੈਂਟ ਵਿਚ ਇਲਾਕੇ ਦੀਆਂ ਨਾਮਵਰ 16 ਕ੍ਰਿਕਟ ਟੀਮਾਂ ਭਾਗ ਲੈ ਰਹੀਆਂ ਹਨ | ਇਹ ਟੂਰਨਾਮੈਂਟ ਦਾ ਮਕਸਦ ਹੈ ਸਾਡੀ ਨੌਜਵਾਨੀ ਜਿਹੜੀ ਗਲਤ ਰਸਤੇ ਤੇ ਲਗਤਾਰ ਭੜਕਦੀ ਜਾ ਰਹੀ ਹੈ, ਉਹ ਨੌਜਵਾਨ ਇਨ੍ਹਾਂ ਗਰਾਊਡਾਂ ਵਿਚ ਜਾ ਕੇ ਖੇਡਾਂ ਖੇਡਣ ਅਤੇ ਆਪਣੇ ਮਾਤਾ-ਪਿਤਾ ਅਤੇ ਇਲਾਕੇ ਦਾ ਨਾਮ ਰੋਸ਼ਨ ਕਰਨ | ਇਸ ਮੌਕੇ ਸਤਨਾਮ ਸਿੰਘ ਯੂ.ਐੱਸ.ਏ. ਹਰਦੀਪ ਸਿੰਘ, ਜੱਸੀ ਢੋਟੀਆਂ, ਸੰਨੀ, ਸੇਮ, ਸ਼ਿੰਦਰ ਢੋਟੀਆਂ, ਪ੍ਰਭ ਢੋਟੀਆਂ, ਸਤਨਾਮ ਰਾਏ ਟਰਾਂਸਪੋਰਟ, ਚੇਅਰਮੈਨ ਰਵਿੰਦਰ ਸਿੰਘ ਢੋਟੀਆਂ ਆਦਿ ਮੌਜੂਦ ਸਨ |
