ਪੱਟੀ, 15 ਮਈ (ਅਵਤਾਰ ਸਿੰਘ ਖਹਿਰਾ, ਕੁਲਵਿੰਦਰਪਾਲ ਸਿੰਘ ਕਾਲੇਕੇ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਐਲਾਨੀ ਗਈ ਬਾਰ੍ਹਵੀਂ ਕਲਾਸ ਦੀ ਬੋਰਡ ਪ੍ਰੀਖਿਆ ਦੇ ਨਤੀਜਿਆਂ ਵਿਚ ਕੈਰੋਂ ਸਕੂਲ ਦੀਆਂ ਵਿਦਿਆਰਥਣਾਂ ਨੇ ਬਹੁਤ ਵਧੀਆ ਅੰਕ ਪ੍ਰਾਪਤ ਕਰਕੇ ਸਕੂਲ, ਅਧਿਆਪਕਾਂ ਤੇ ਮਾਪਿਆਂ ਦਾ ਨਾਂਅ ਰੌਸ਼ਨ ਕੀਤਾ | ਜਿੰਨਾਂ ਵਿਚੋਂ ਆਰਟਸ ਸਟਰੀਮ ਦੀਆਂ ਵਿਦਿਆਰਥਣਾਂ ਪਹਿਲੀਆਂ ਤਿੰਨ ਪੁਜੀਸ਼ਨਾਂ ਹਾਸਿਲ ਕਰਕੇ ਇਤਿਹਾਸ ਰਚ ਗਈਆਂ | ਪਹਿਲੀ ਪੁਜੀਸ਼ਨ ਬਾਰਵੀਂ ਬੀ. ਜਮਾਤ ਦੀ ਗੁਰਸਿਮਰਨ ਕੌਰ ਨੇ 93.8 ਫ਼ੀਸਦੀ, ਦੂਸਰਾ ਸਥਾਨ ਰਜਨੀ 91.8 ਫ਼ੀਸਦੀ ਅਤੇ ਅਮਨਪ੍ਰੀਤ ਕੌਰ ਨੇ 90.6 ਫ਼ੀਸਦੀ ਲੈ ਕੇ ਤੀਜਾ ਸਥਾਨ ਹਾਸਲ ਕੀਤਾ | ਇਸ ਤੋਂ ਇਲਾਵਾ ਬਾਰਵੀਂ ਏ. ਵਿਚੋਂ ਪਹਿਲੇ ਸਥਾਨ 'ਤੇ ਅਮਨਦੀਪ ਕੌਰ 88.4 ਫ਼ੀਸਦੀ, ਪੂਲਕਾਂ ਕੌਰ ਦੂਸਰਾ ਸਥਾਨ 86.2 ਫ਼ੀਸਦੀ ਅਤੇ ਪਲਕਦੀਪ ਕੌਰ 85.8 ਫ਼ੀਸਦੀ ਤੀਸਰੇ ਸਥਾਨ 'ਤੇ ਰਹੀ | ਬਾਰਵੀਂ ਸਾਇੰਸ ਸਟਰੀਮ ਦੀਆਂ ਵਿਦਿਆਰਥਣਾਂ ਅਮਨਦੀਪ ਕੌਰ 87 ਫ਼ੀਸਦੀ, ਹਰਮੀਤ ਕੌਰ 86.6 ਫ਼ੀਸਦੀ ਅਤੇ ਕੋਮਲਪ੍ਰੀਤ ਕੌਰ 84.4 ਫ਼ੀਸਦੀ ਅੰਕਾਂ ਨਾਲ ਕ੍ਰਮਵਾਰ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ 'ਤੇ ਰਹੀਆਂ | ਇਸੇ ਤਰਾਂ ਬਾਰਵੀਂ ਕਾਮਰਸ ਦੀਆਂ ਵਿਦਿਆਰਥਣਾਂ ਵਿਚੋਂ ਅਵਰੀਨ ਕੌਰ 85.4 ਫ਼ੀਸਦੀ, ਮੁਸਕਾਨ 84.8 ਫ਼ੀਸਦੀ ਅਤੇ ਬਲਜੀਤ ਕੌਰ 83.8 ਫ਼ੀਸਦੀ ਲੈ ਕੇ ਕ੍ਰਮਵਾਰ ਪਹਿਲੇ, ਦੂਸਰੇ ਅਤੇ ਤੀਸਰੇ ਸਥਾਨ 'ਤੇ ਰਹੀਆਂ | ਇਸ ਮੌਕੇ ਸਕੂਲ ਇੰਚਾਰਜ ਮਨਦੀਪ ਕੌਰ ਨੇ ਕਲਾਸ ਇੰਚਾਰਜ ਮਨਪ੍ਰੀਤ ਕੌਰ ਲੈਕਚਰਾਰ ਹਿਸਟਰੀ, ਅਮਰਜੀਤ ਕੌਰ ਪੰਜਾਬੀ, ਹਰਪ੍ਰੀਤ ਕੌਰ ਲੈਕਚਰਾਰ ਕਮਰਸ ਤੇ ਬਾਕੀ ਸਾਰੇ ਸਟਾਫ਼ ਅਤੇ ਬੱਚਿਆਂ ਨੂੰ ਵਧਾਈ ਦਿੰਦੇ ਹੋਏ ਆਖਿਆ ਕਿ ਕੈਰੋਂ ਸਕੂਲ ਪਹਿਲਾਂ ਵੀ ਤਰਨ ਤਾਰਨ ਜ਼ਿਲੇ ਵਿਚ ਹੀ ਨਹੀਂ ਬਲਕਿ ਪੂਰੇ ਪੰਜਾਬ ਵਿਚ ਆਪਣੀ ਇਕ ਵੱਖਰੀ ਪਛਾਣ ਬਣਾ ਚੁੱਕਿਆ ਹੈ ਅਤੇ ਹੁਣ ਵੀ ਇਹ ਇੰਨਾਂ ਹੀ ਲੀਹਾਂ 'ਤੇ ਚੱਲਦਾ ਹੋਇਆ ਤਰੱਕੀ ਹਾਸਲ ਕਰ ਰਿਹਾ ਹੈ ਅਤੇ ਆਉਣ ਵਾਲੇ ਸਮੇਂ ਵਿਚ ਬੱਚੀਆਂ ਮੈਰਿਟ ਵਿਚ ਆ ਕੇ ਸਕੂਲ ਦਾ ਨਾਂਅ ਰੌਸ਼ਨ ਜਰੂਰ ਕਰਨਗੀਆਂ |
