ਪਟਿਆਲਾ

ਤਰਕਸ਼ੀਲ ਸਾਹਿਤ ਵੈਨ ਨੇ ਹਰੀਕੇ ਕਲਾਂ ਸਕੂਲ ’ਚ ਬਣਾਇਆ ਸਾਹਿਤਕ ਮਾਹੌਲ

ਪ

ਪਿੰਡ ਹਰੀਕੇ ਕਲਾਂ ਦੇ ਸਰਕਾਰੀ ਸੈਕੰਡਰੀ ਸਕੂਲ ਵਿਚ ਪਹੁੰਚੀ ਤਰਕਸ਼ੀਲ ਸਾਹਿਤ ਵੈਨ ਤੋਂ ਪੁਸਤਕਾਂ ਵਾਚਦੇ ਵਿਦਿਆਰਥੀ ਤੇ ਅਧਿਆਪਕ। ਤਸਵੀਰ : ਰਵੀਪਾਲ ਨਵਰੀਤ ਬਲੱਡ ਡੋਨਰਜ਼ ਸੁਸਾਇਟੀ ਬਰਗਾੜੀ ਦੇ ਸਨਮਾਨਿਤ ਖ਼ੂਨਦਾਨੀ ਮੈਡੀਕਲ ਹਸਪਤਾਲ ਫ਼ਰੀਦਕੋਟ ਦੇ ਬਲੱਡ ਬੈਂਕ ਦੇ ਡਾਕਟਰਾਂ ਦੀ ਟੀਮ ਨਾਲ। ਅਜੀਤ ਤਸਵੀਰ 18-08-2026

ਦੋਦਾ, 17 ਅਗਸਤ (ਰਵੀਪਾਲ)-ਵਿਗਿਆਨਕ ਚੇਤਨਾ ਦੇ ਪ੍ਰਚਾਰ ਪਾਸਾਰ ਸਾਹਿਤ ਵੈਨ ਵਿਚ ਜੁਟੀ ਤਰਕਸ਼ੀਲ ਸਾਹਿਤ ਵੈਨ ਅੱਜ ਕੱਲ੍ਹ ਮੁਕਤਸਰ ਲੱਖੇਵਾਲੀ ਇਕਾਈ ਦੀ ਪਹਿਲਕਦਮੀ ਤੇ ਸਥਾਨਕ ਜ਼ਿਲ੍ਹੇ ਵਿਚ ਚੇਤਨਾ ਦਾ ਚਾਨਣ ਬਿਖੇਰ ਰਹੀ ਹੈ। ਅੱਜ ਪਹਿਲਾ ਦਿਨ ਸਰਕਾਰੀ ਸੀਨੀ. ਸੈਕੰ. ਸਕੂਲ ਹਰੀ ਕੇ ਕਲਾਂ ਦੇ ਨਾਮ ਰਿਹਾ। ਜਿੱਥੇ ਪ੍ਰਿੰਸੀਪਲ ਸਰਬਜੀਤ ਕੌਰ ਦੀ ਅਗਵਾਈ ਵਿਚ ਨਛੱਤਰ ਸਿੰਘ ਹਰੀਕੇ ਮਨਜਿੰਦਰ ਕੌਰ, ਜਸਮੀਤ ਸਿੰਘ, ਮਨਦੀਪ ਕੌਰ, ਸਰਬਜੀਤ ਕੌਰ ਤੇ ਜੀਵਨ ਜੋਤ ਕੌਰ ਆਦਿ ਅਧਿਆਪਕਾਂ ਨੇ ਵਿਦਿਆਰਥੀਆਂ ਨੂੰ ਪੁਸਤਕਾਂ ਦੀ ਚੋਣ ਕਰਨ ਤੇ ਖ਼ਰੀਦਣ ਲਈ ਪ੍ਰੇਰਨਾ ਦੇਣ ਦਾ ਉੱਦਮ ਕੀਤਾ। ਪ੍ਰਿੰਸੀਪਲ ਸਰਬਜੀਤ ਕੌਰ ਨੇ ਸਾਹਿਤ ਵੈਨ ਵਲੋਂ ਸਕੂਲ ਵਿਚ ਬਣਾਏ ਸਾਹਿਤਕ ਮਾਹੌਲ ’ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਆਖਿਆ ਕਿ ਪੁਸਤਕਾਂ ਜੀਵਨ ਲਈ ਰਾਹ ਦਰਸਾਵੇ ਦਾ ਕੰਮ ਕਰਦੀਆਂ ਹਨ। ਅਜੋਕੇ ਸਮੇਂ ਵਿਚ ਵਿਦਿਆਰਥੀਆਂ ਨੂੰ ਪੁਸਤਕਾਂ ਨਾਲ ਜੋੜਨਾ ਚੰਗੇ ਭਵਿੱਖ ਵੱਲ ਇਕ ਕਦਮ ਹੈ। ਸਕੂਲ ਦੇ ਸਾਰੇ ਵਿਦਿਆਰਥੀਆਂ ਨੇ ਸਾਹਿਤ ਵੈਨ ’ਚੋਂ ਆਪਣੀਆਂ ਪਸੰਦੀਦਾ ਪੁਸਤਕਾਂ ਉਤਸ਼ਾਹ ਨਾਲ ਖ਼ਰੀਦੀਆਂ। ਸਕੂਲ ਵਿਚ ਮੌਜੂਦ ਤਰਕਸ਼ੀਲ ਸੁਸਾਇਟੀ ਦੇ ਸੂਬਾਈ ਆਗੂ ਤੇ ਕਲਮਕਾਰ ਰਾਮ ਸਵਰਨ ਲੱਖੇਵਾਲੀ ਨੇ ਦੱਸਿਆ ਕਿ ਸਾਹਿਤ ਦੇ ਪੁਸਤਕਾਂ ਰੂਪੀ ਮੋਤੀਆਂ ਨੂੰ ਪਿੰਡ ਪਿੰਡ ਲਿਜਾ ਕੇ ਸਮਾਜ ਵਿਚ ਚੇਤਨਾ ਦੇ ਚਾਨਣ ਦਾ ਛੱਟਾ ਦੇਣਾ ਵਕਤ ਦੀ ਲੋੜ ਹੈ। ਸਾਹਿਤ ਵੈਨ ਦੇ ਸੰਚਾਲਕ ਜਸਵੀਰ ਸੋਨੀ ਤੋਂ ਇਲਾਵਾ ਸਕੂਲ ਦਾ ਸਮੁੱਚਾ ਸਟਾਫ਼ ਹਾਜ਼ਰ ਸੀ।

ਪਿਛਲੀ ਖ਼ਬਰ ਮਿਮਿਟ ਕਾਲਜ ਮਲੋਟ ਵਿਖੇ ਆਜ਼ਾਦੀ ਦਿਵਸ ਮਨਾਇਆ ਅਗਲੀ ਖ਼ਬਰ ਹਲਕਾ ਸਨੌਰ ਵਿਕਾਸ ਪੱਖੋਂ ਪਛੜਿਆ, ਲਿੰਕ ਸੜਕਾਂ ਖ਼ਸਤਾ-ਹਾਲ ਤੇ ਘੱਗਰ ਦਾ ਨਹੀਂ ਨਿਕਲਿਆ ਸਥਾਈ ਹੱਲ-ਡਾ. ਤੇਜਾ ਆਦੇਸ਼ ਕਾਲਜ...

ਤਰਕਸ਼ੀਲ ਸਾਹਿਤ ਵੈਨ ਨੇ ਹਰੀਕੇ ਕਲਾਂ ਸਕੂਲ ’ਚ ਬਣਾਇਆ ਸਾਹਿਤਕ ਮਾਹੌਲ

ਸੰਬੰਧਿਤ ਖ਼ਬਰਾਂ