ਲੁਧਿਆਣਾ, 26 ਫਰਵਰੀ (ਭੁਪਿੰਦਰ ਸਿੰਘ ਬੈਂਸ)-ਨਗਰ ਨਿਗਮ ਨੇ ਗੈਰਕਾਨੂੰਨੀ ਉਸਾਰੀਆਂ ਖਿਲਾਫ ਸਖਤ ਕਾਰਵਾਈ ਕਰਦਿਆਂ ਬਾੜੇਵਾਲ ਇਲਾਕੇ ਵਿਚ ਬਣ ਰਹੀਆਂ 3 ਗੈਰਕਾਨੰੂਨੀ ਕਾਲੋਨੀਆਂ ਨੰੂ ਢਾਹ ਦਿੱਤਾ | ਇਹ ਕਾਰਵਾਈ ਜੋਨ ਡੀ ਦਫਤਰ ਦੀ ਬਿਲਡਿੰਗ ਬ੍ਰਾਂਚ ਵਲੋਂ ਕੀਤੀ ਗਈ | ਇਕ ਕਾਲੋਨੀ ਦਲਜੀਤ ਨਗਰ ਵਿਚ, ਜਦਕਿ ਦੋ ਹੋਰ ਨਿਊ ਅਗਰ ਨਗਰ ( ਮੈਗਨੈਟ ਰਿਜੋਰਟ ਨੇੜੇ) ਅਤੇ ਗੋਬਿੰਦ ਨਗਰ ਵਿਚ ਬਣਾਈਆਂ ਜਾ ਰਹੀਆਂ ਸਨ | ਅਸਿਸਟੈਂਟ ਟਾਊਨ ਪਲਾਨਰ ਹਰਵਿੰਦਰ ਸਿੰਘ ਹਨੀ ਨੇ ਦੱਸਿਆ ਕਿ ਕਮਿਸ਼ਨਰ ਡਾ. ਨੀਰੂ ਕਤਿਆਲ ਗੁਪਤਾ ਦੇ ਹੁਕਮਾਂ ਅਨੁਸਾਰ ਗੈਰਕਾਨੂੰਨੀ ਉਸਾਰੀਆਂ ਖਿਲਾਫ ਨਿਰੰਤਰ ਮੁਹਿੰਮ ਚਲਾਈ ਜਾ ਰਹੀ ਹੈ |