ਢੰਡਾਰੀ ਕਲਾਂ/ਲੁਧਿਆਣਾ, 26 ਫਰਵਰੀ (ਜਸਵੀਰ ਸਿੰਘ ਬੰਗਾ)-ਸ਼ੇਰਪੁਰ ਸਥਿਤ ਕਾਰਾਂ ਦੀ ਅਸੈਸਰੀ ਤਿਆਰ ਕਰਨ ਵਾਲੇ ਸ਼ੋਅਰੂਮ 'ਤੇ ਬਾਅਦ ਦੁਪਹਿਰ ਇਨਕਮ ਟੈਕਸ ਅਧਿਕਾਰੀਆਂ ਨੇ ਰੇਡ ਕੀਤੀ, ਜੋ ਦੇਰ ਸ਼ਾਮ ਤੱਕ ਜਾਰੀ ਸੀ | ਇਸ ਦੌਰਾਨ ਕਿਸੇ ਵੀ ਮੁਲਾਜ਼ਮ ਨੂੰ ਅੰਦਰ ਜਾਂ ਬਾਹਰ ਨਹੀਂ ਜਾਣ ਦਿੱਤਾ ਗਿਆ | ਇਸ ਮੌਕੇ ਵੱਡੀ ਗਿਣਤੀ 'ਚ ਪੁਲਿਸ ਮੁਲਾਜ਼ਮ ਵੀ ਮੌਜੂਦ ਸਨ | ਕਈ ਘੰਟੇ ਅਧਿਕਾਰੀ ਸ਼ੋਅਰੂਮ ਅੰਦਰ ਚੈਕਿੰਗ ਕਰਦੇ ਰਹੇ | ਸੂਤਰਾਂ ਅਨੁਸਾਰ ਇਨਕਮ ਟੈਕਸ ਅਧਿਕਾਰੀਆਂ ਵਲੋਂ ਸ਼ੋਅਰੂਮ 'ਚ ਪਿਛਲੇ ਸਾਲਾਂ ਦਾ ਰਿਕਾਰਡ ਖੰਘਾਲਿਆ ਗਿਆ, ਜਿਉਂ ਹੀ ਇਨਕਮ ਟੈਕਸ ਅਧਿਕਾਰੀਆਂ ਦੀ ਟੀਮ ਸ਼ੇਰਪੁਰ ਦਾਖ਼ਲ ਹੋਈ ਤਾਂ ਆਸਪਾਸ ਦੁਕਾਨਦਾਰਾਂ ਵਿਚ ਵੀ ਹਫ਼ੜਾ ਦਫ਼ੜੀ ਦਾ ਮਾਹੌਲ ਬਣ ਗਿਆ |