ਲੁਧਿਆਣਾ, 23 ਅਪ੍ਰੈਲ (ਪਰਮਿੰਦਰ ਸਿੰਘ ਆਹੂਜਾ)-ਨਾਮਵਰ ਕਾਲਮਨਵੀਸ਼ ਬਲਜੀਤ ਸਿੰਘ ਢਿੱਲੋਂ ਦੀਆਂ ਦੂਜੀ ਕਹਾਣੀ ਸੰਗ੍ਰਹਿ 'ਮਜਬੂਰੀ ਦੀਆਂ ਜ਼ੰਜੀਰਾਂ' ਐਤਵਾਰ 26 ਅਪ੍ਰੈਲ ਦੁਪਹਿਰ 2.00 ਵਜੇ ਰਿਲੀਜ਼ ਹੋਵੇਗੀ¢ ਕਿਤਾਬ ਦੇ ਪ੍ਰਕਾਸ਼ਕ ਗੁਰਦੀਪ ਸਿੰਘ ਮੁੰਡਾਹਰ ਵਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਜਵੱਦੀ ਟਕਸਾਲ ਦੇ ਮੁਖੀ ਮਹਾਂਪੁਰਸ਼ ਸੰਤ ਬਾਬਾ ਅਮੀਰ ਸਿੰਘ ਜੀ ਸਰਪ੍ਰਸਤੀ ਹੇਠ ਹੋ ਰਹੇ ਪੁਸਤਕ ਰਿਲੀਜ਼ ਸਮਾਰੋਹ ਦÏਰਾਨ ਧਰਮ, ਭਾਸ਼ਾ, ਸਿੱਖਿਆ, ਸਾਹਿਤ ਆਦਿ ਵੱਖ-ਵੱਖ ਖੇਤਰਾਂ ਨਾਲ ਸਬੰਧਿਤ ਅਹਿਮ ਸ਼ਖ਼ਸੀਅਤਾਂ ਦੇ ਮੁਬਾਰਕ ਹੱਥੋਂ ਰਿਲੀਜ਼ ਹੋਣ ਵਾਲੀ ਕਿਤਾਬ ਵਿਚਲੀਆਂ ਕਹਾਣੀਆਂ ਮਾਂ ਬੋਲੀ, ਮਾਂ ਧਰਤੀ, ਜਨਮ ਦੇਣ ਵਾਲੀ ਮਾਂ ਅਤੇ ਬਾਪ ਆਦਿ ਪ੍ਰਤੀ ਵਿਸ਼ਵਾਸ, ਸਮਰਪਣ, ਇਨਸਾਫ਼ ਦੀ ਭਾਵਨਾ, ਬੇਸਮਝੀ ਆਦਿ ਹੋਰ ਕਈ ਪੱਖਾਂ ਨਾਲ ਸਬੰਧਿਤ ਕਹਾਣੀਆਂ ਹੋਣਗੀਆਂ¢ ਮੁੰਡਾਹਰ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਢਿੱਲੋਂ ਨੇ ਨਾਮ, ਆਨ ਸ਼ਾਨ ਦੀ ਪ੍ਰਤੀਕ ਦਸਤਾਰ, ਉਜੜਦਾ ਪੰਜਾਬ ਅਤੇ 'ਬਾਪੂ ਦੀ ਸੇਵਾ', 50 ਸਾਲ ਪਹਿਲਾਂ ਆਦਿ ਹੋਰ ਕਿਤਾਬਾਂ ਦੇ ਨਾਲ ਨਾਲ ਵੱਖ ਵੱਖ ਵਿਸ਼ਿਆਂ ਨਾਲ ਸਬੰਧਿਤ ਕਾਲਮ ਲਿਖਦਿਆਂ ਪੰਜਾਬ, ਪੰਜਾਬੀ ਤੇ ਪੰਜਾਬੀਅਤ ਲਈ ਸੇਵਾਵਾਂ ਨਿਭਾਉਂਦੇ ਆ ਰਿਹਾ ਹੈ¢ ਉਨ੍ਹਾਂ ਕਿਹਾ ਕਿ ਇਹ ਕਿਤਾਬ ਵੀ 'ਬਾਪੂ ਦੀ ਸੇਵਾ' ਵਾਂਗ ਸੁਹਿਰਦ ਪਾਠਕਾਂ ਵਲੋਂ ਪ੍ਰਵਾਨ ਹੋਵੇਗੀ¢
