ਲੁਧਿਆਣਾ, 11 ਮਈ (ਡਾ. ਤਰਲੋਚਨ ਸਿੰਘ)-ਮਿਸ਼ਨ ''ਨਸ਼ਿਆਂ ਨੂੰ ਨਾਂਹ, ਜ਼ਿੰਦਗੀ ਨੂੰ ਹਾਂU ਦੇ ਤਹਿਤ ਰੋਟਰੀ ਕਲੱਬ ਲੁਧਿਆਣਾ ਮਿਡਟਾਊਨ ਵਲੋਂ ਪ੍ਰਧਾਨ ਡਾ. ਵਿਕਾਸ ਲੂੰਬਾ ਦੀ ਅਗਵਾਈ 'ਚ ਅੱਜ ਨਸ਼ੀਲੇ ਪਦਾਰਥਾਂ ਦੀ ਦੁਰਵਰਤੋਂ ਦਾ ਮੁਕਾਬਲਾ ਕਰਨ ਲਈ ਇਕ ਵਿਸ਼ਾਲ ਬਾਈਕ ਰੈਲੀ ਕੱਢੀ ਗਈ | ਇਸ ਬਾਈਕ ਰੈਲੀ ਵਿਚ ਨੋਮੈਡਸ ਔਨ ਵ੍ਹੀਲਜ਼ ਰਾਈਡਿੰਗ ਕਲੱਬ ਦੇ 300 ਤੋਂ ਵੱਧ ਬਾਈਕ ਸਵਾਰ ਸ਼ਾਮਿਲ ਸਨ, ਜਿਨ੍ਹਾਂ 'ਚ ਵਿੰਟੇਜ ਬਾਈਕ ਅਤੇ ਕਾਰ ਦੇ ਸ਼ੌਕੀਨ ਵੀ ਸ਼ਾਮਿਲ ਸਨ | ਇਸ ਮੌਕੇ ਡਾ. ਵਿਕਾਸ ਲੂੰਬਾ ਨੇ ਉਜਾਗਰ ਕੀਤਾ ਕਿ ਇਹ ਰੈਲੀ ਨਸ਼ਿਆਂ ਦੇ ਨੁਕਸਾਨਾਂ ਵਿਰੁੱਧ ਨੌਜਵਾਨਾਂ ਨੂੰ ਸਸ਼ਕਤ ਬਣਾਉਣ ਲਈ ਨਾਮਵਰ ਸਕੂਲਾਂ ਅਤੇ ਕਾਲਜਾਂ ਵਿਚ ਆਯੋਜਿਤ ਸੈਮੀਨਾਰਾਂ ਦੀ ਇਕ ਲੜੀ ਦਾ ਸਿਖਰ ਹੈ | ਉਨ੍ਹਾਂ ਕਿਹਾ ਕਿ ਸਮਾਜ ਨੇ ਇਸ ਮਹੱਤਵਪੂਰਨ ਮੁਹਿੰਮ ਦੀ ਮਾਲਕੀ ਲੈਣ ਲਈ ਸਾਡੀ ਟੀਮ ਨਾਲ ਹੱਥ ਮਿਲਾਇਆ ਹੈ | ਇਸ ਮੌਕੇ ਡਾ. ਵਿਲੀਅਮ ਭੱਟੀ, ਡਾਇਰੈਕਟਰ, ਸੀ.ਐਮ.ਸੀ. ਨੇ ਸਮਾਜ ਭਲਾਈ ਪ੍ਰਤੀ ਸੀ.ਐਮ.ਸੀ. ਦੀ ਡੂੰਘੀ ਵਚਨਬੱਧਤਾ ਅਤੇ ਨਸ਼ਾ-ਮੁਕਤ ਰਾਸ਼ਟਰ ਬਣਾਉਣ ਵਿਚ ਇਸ ਦੀ ਸਰਗਰਮ ਭੂਮਿਕਾ 'ਤੇ ਜ਼ੋਰ ਦਿੱਤਾ | ਇਸ ਰੈਲੀ ਨੂੰ ਲੁਧਿਆਣਾ ਦੇ ਰਾਈਡਿੰਗ ਕਲੱਬ, ਨੋਮੈਡਸ ਔਨ ਵ੍ਹੀਲਜ਼ ਦੇ ਪ੍ਰਧਾਨ, ਰੈਵਰੈਂਡ ਰਾਜਦੀਪ ਸਿੰਘ ਨੇ ਮਾਹਰਤਾ ਨਾਲ ਲਾਮਬੰਦ ਕੀਤਾ ਸੀ, ਜਿਨ੍ਹਾਂ ਦੀ ਗਤੀਸ਼ੀਲ ਅਗਵਾਈ ਨੇ ਇਸ ਪ੍ਰੋਗਰਾਮ ਨੂੰ ਇਕ ਸ਼ਕਤੀਸ਼ਾਲੀ ਲਹਿਰ ਵਿਚ ਬਦਲ ਦਿੱਤਾ | ਰੋਟਰੀ ਟੀਮ ਅਤੇ ਬਾਈਕਰਾਂ ਨੂੰ ਨਾਗਰਿਕਾਂ ਦੁਆਰਾ ਉਤਸ਼ਾਹਿਤ ਕੀਤਾ ਗਿਆ, ਕਿਉਂਕਿ ਉਹ ਪ੍ਰਮੁੱਖ ਹੱਬਾਂ ਵਿਚ ਨੈਵੀਗੇਟ ਕਰ ਰਹੇ ਸਨ ਅਤੇ ਨਸ਼ੇ ਦੀ ਬਜਾਏ ਜ਼ਿੰਦਗੀ ਨੂੰ ਚੁਣਨ 'ਤੇ ਇਕ ਉੱਚ-ਪ੍ਰਭਾਵੀ ਸੰਵਾਦ ਨੂੰ ਸਫਲਤਾਪੂਰਵਕ ਸਿਰਜਿਆ |
