ਲੁਧਿਆਣਾ, 24 ਮਈ (ਪਰਮਿੰਦਰ ਸਿੰਘ ਆਹੂਜਾ)-ਸਥਾਨਕ ਭਾਮੀਆਂ ਰੋਡ 'ਤੇ ਪ੍ਰਾਪਰਟੀ ਡੀਲਰ ਦੇ ਦਫ਼ਤਰ ਦੇ ਤਾਲੇ ਤੋੜ ਕੇ ਚੋਰ ਨਕਦੀ ਤੇ ਲੱਖਾਂ ਰੁਪਏ ਮੁੱਲ ਦੇ ਸੋਨੇ ਦੇ ਗਹਿਣੇ ਚੋਰੀ ਕਰਕੇ ਫ਼ਰਾਰ ਹੋ ਗਏ | ਪੁਲਿਸ ਨੇ ਇਸ ਮਾਮਲੇ 'ਚ ਤਿੰਨ ਨੌਜਵਾਨਾਂ ਨੂੰ ਕਾਬੂ ਕੀਤਾ ਹੈ | ਥਾਣਾ ਡਵੀਜ਼ਨ ਨੰਬਰ 7 ਦੀ ਪੁਲਿਸ ਨੂੰ ਸ਼ਿਕਾਇਤ ਦਿੰਦਿਆਂ ਅਸ਼ੀਸ਼ ਕੁਮਾਰ ਵਿੱਜ ਨੇ ਦੱਸਿਆ ਕਿ ਉਸ ਦਾ ਵਿੱਜ ਪ੍ਰਾਪਰਟੀ ਐਡਵਾਈਜ਼ਰ ਨਾਂਅ 'ਤੇ ਦਫ਼ਤਰ ਸਾਹਮਣੇ ਸਰਕਾਰੀ ਸਕੂਲ ਭਾਮੀਆਂ ਰੋਡ ਵਿਖੇ ਹੈ | ਬੀਤੀ ਰਾਤ ਕੋਈ ਅਣਪਛਾਤੇ ਵਿਅਕਤੀ ਉਸ ਦੇ ਦਫ਼ਤਰ ਦਾ ਪਿਛਲੇ ਪਾਸੇ ਰੌਸ਼ਨਦਾਨ ਤੋੜ ਕੇ ਦਰਾਜ਼ 'ਚੋਂ ਕੁਝ ਨਕਦੀ ਤੇ ਸੋਨੇ ਦੀ ਚੈਨ ਚੋਰੀ ਕਰਕੇ ਲੈ ਗਏ | ਭਾਲ ਕਰਨ 'ਤੇ ਪਤਾ ਲੱਗਾ ਕਿ ਸੂਰਜ, ਸਾਹਿਲ ਤੇ ਸੁਰਜ ਨੇ ਚੋਰੀ ਕੀਤੀ ਹੈ | ਜਾਂਚ ਅਧਿਕਾਰੀ ਸਹਾਇਕ ਥਾਣੇਦਾਰ ਚਰਨਜੀਵ ਸਿੰਘ ਨੇ ਦੱਸਿਆ ਕਿ ਮੁੱਦਈ ਦੇ ਬਿਆਨਾਂ 'ਤੇ ਸੂਰਜ, ਸਾਹਿਲ ਤੇ ਸੂਰਜ ਨੂੰ ਗਿ੍ਫ਼ਤਾਰ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
